AMOS 5:15 - PIPÏLIA

¹⁵ Atagha kïgh nyo gha acham nyo karam achïchïma man ompö kokwotïn, töptoy ana syonchini ECHOTYON, Tororöt Kimuktoghin, ngötunön pö pipö ara Yosep.

AMOS 5:15 ပူးပေါင်းရင်းမြစ်များ

2 SAMWEL 16:12

Töptoy sïwïyi ECHOTYON kichoputköchan asete akïkonanïn köromnyö ompö chïpötonï pö asete.”

1 PÖYTOGHÏ 20:31

Kïlenchï mötworichi, “Kakïlïmacha lö, tïng kisyonöt nyo wow pöytoghi Israel. Nyo mïchini kelakacha sarankwachtin akerötyï pörköy kotwonicho akepa wölo mi pöytoghinto Israel. Töptoy syonchininyi akïsörunyi.”

2 PÖYTOGHÏ 13:7

Melö kitökïtïng Yeoaas pipö lïk cho kingötï, kïpoto pipö angoletin 50 nko nkaritin nko pich 10,000 cho kipegho kelyon, ompöwölo kökikïpar pöytoghinto Sirya walaka, akïtïkatïk le terïtyon.

2 PÖYTOGHÏ 15:29

Kungwïn Tikla Pileser pöytoghinto Asirya osiswechoni kipöytoy Peka akïnam kanastina Iyon nko Apel Pet Maaka nko Yanoa nko Kedes nko Asor nko Kiliad nko Kalilaya nko Naptali akïrang pikö kïlïkwï ratanpa Asirya.

2 PÖYTOGHÏ 19:4

Köyonï pöytoghinto Asirya Rapsyake nyo kengwïn kumwagh Tororöt nyo söpöy. Nya kunan ECHOTYON Tororötïngu ngalechï pö chïpö atökïkar kong pïchoni kangalana kutingwa ngalechoni. Kïlenyona, soghchinö piköcho cho le ngötunön.”

TUMWÖY 119:104

Onyorunan ngöghomnyö onyorchini kinetutköku, kïlenyona otöghan otöp anka löwïr nyo pö putintön.

TUMWÖY 34:14

Lowitunö ompö ghöyityö aigh nyo karam, yara kalya aipïrpïr ompö mïkulöwungu kïmïkul.

TUMWÖY 36:4

Nonöy ghöyityö otini rïwöy, möminye kïgh nyo karam nyo ighöy, amötöghonye kïgh nyo gha.

TUMWÖY 37:27

Pïstenö ghöyityö aigh nyo karam, atengötunö kokay,

TUMWÖY 80:1

Terwecha sowutköcho, we Mösöwonto Israel, nyi nyo intöghoghchini monïngo Yosep le kechir, nyi nyo itöpo paraku kerupimtin* ailïwï

TUMWÖY 97:10

Chömöy ECHOTYON pich cho reyöy ngokï, ripöy nyinte söponwo pikachi akïsörunö chane ewuno pich cho ghach.

WUWÖT 32:30

Kïlenchï Musa pich ato le asïyech, “Kaghakwa ngokï cho echön, owetan ye wölo mi ECHOTYON, töptoy oghan kinyoryogh ompö ngokikwa.”

YEREMIA 18:8

wölo ato wöghökisyö chane akïpïstö ortïnekwa cho ghach, kï mowetanye oghöy lenyini kyamwaghan lö oghchini chane.

YEREMIA 22:3

Agha man nko köromnyö. Osörunö pich cho nyörïlöy ompö mori pich cho nyörilöy chane, amoghchï nyo gha anta osus ton anta panan anta mïsïk. Mamïlta kisön pö chi nyo puryö lelut ompö kanasyantanï tïlil.

YEREMIA 31:7

Ompöwölo lentöy ECHOTYON, “Otumö ompö ngörekyö akwompö Yakopo, olïlighchinö kor nyo awes kïtïl löwïr. Otumö tumwöyi sölut, amwatïta lö, ‘Kösorï ECHOTYON pikachi löwïr, pipö Israel cho kingötï.’

ESEKEL 45:9

Lentöy nyu Echotyon TORORÖT, “Nya kïten we pöytoghi Israel, opïstenö köromnyö nko pïröt atolapay agh man nko kïgh nyo tïlil. Opïstenö yonsyo piköchan ompö nyïngwïtyantengwa. Mwoghöy Echotyon TORORÖT.

DANIEL 2:49

Atolapay kïsom Daniel pöytoghin kwigh Syadrak nko Mesyak nko Apedneko kuntöghoghchï ngala koro Papilon. Wölo kudong nyinte kö pö kirwoko pöytoghin.

YOEL 2:14

Ngo nyo nkït lö möwöghökönye wölo kenontoy akïpïswekwa perur totötenö ropöwo pagh nko dipay* ompö ECHOTYON Tororötïngwo?

AMOS 5:10

Oreyekwa chi nyo ngölonöy man ompö kokwö.

AMOS 5:24

Wölo nya kïnyïghï man ngwïny le pögh akuyinta man le lalwa.

AMOS 5:6

Ayara ECHOTYON tosöpchenö, tömengwïn le ma kuwany pipö Yosep. Pelöy ma pipö Petel lömïs akïpuryö chi nyo nuköy.

AMOS 6:12

Ekï ryogho angoletinö ghatoy, akïngoroy pich nanam eghin? Kyawaghakwa man kïlïkwï kawat, aghakwa kïgh nyo karam kïghaghit.

AMOS 7:3

Kiwaghak nyu ECHOTYON kinonutyenyi akïlö, “Melö tökwigho cho lenye nyete ngat.”

YONA 1:6

Kïlenyona kïwö wowïn pö meli kïlenchï, “Ayo, ne nyï ighenyi nya rïwintonï? Ngeta aisagh tororötïngu. Tömö ana kïkonecha nyinte kingörokut tömökiwonyö.”

YONA 3:9

Nkït ngo ne, muköy ana Tororöt kïwöghöko akïpïstö nörekyenyi nyo körom atömökiwonyö!’ ”

MIKA 2:12

Wölo oghömïtokwa löwïr pïchï pö Israel, atuyokwa le kechir ompö akol. Oghömïtokwa, we ngötunön pö Yakopo, le kyak ompö achey, alïkunekwa pich cho möngörï.

MIKA 3:2

Akwa cho owoköy man, acham ngokï, oyengekwa piköchan kïsöpchot, akwöl panye ompö koyekwa.

MIKA 5:3

Kïlenyona pïsyini ECHOTYON pikachi pungkökwa ntökïtenö kulusyö kama monïng nyo kïghöy worö, tökïsorï werkökwa löwïr kïpka kïsörï pikökwa Israel.

SEPANIA 2:3

Ayara ECHOTYON wey, akwa cho ochï tölose, akwa cho orïpöy kirurutkachi. Agha man, ap kegh ngwïny. Töptoy ana ochïwïtyonekwa mönyorwok sito ECHOTYON asispa nörekyenyi.

MALAKI 3:18

Pkönchinokwa nyu ngat asisoni lö mi sisïn kwenu pipö man nko mwokïyis nko kwenu chi nyo pöghisyechini Tororöt nko melö pöghisyechini.”

RUMI 12:9

Ochomnyö ompö chomnyogh nyo puryö lïs. Atagha kïgh anka tïkwïl nyo gha achama kegh kiyon karam.

RUMI 7:22

Ngörökyini mïkulöwunyan kïmïkul Kirurut pö Tororöt.

RUMI 8:7

Ompöwölo chi nyo pöytoy kinonut pö por, kï punyonto Tororöt, ompöwölo mörïpönye kirurutyo Tororöt, akïmemukönye nyoman kïterchini.

3 YOANA 1:11

Kongenyu, memustö kegh kïgh nyo gha, wölo irïp nyo karam. Anka tïkwïl nyo ighöy nyo karam, kïpo nyinte Tororöt, akwanka tïkwïl nyo ighöy nyo gha kïtomönye kunkïtï Tororöt.