AMOS 4:5 - PIPÏLIA

⁵ Aroptena ropöwo sörö cho pö makatin cho kakitö mumar, akwol kegh amwatïta kelïm lö, karoptekwa ompö konunöto kegh, ompöwölo ochömekwa oghe lenyoni, akwa pipö Israel! Mwoghöy Echotyon TORORÖT.

AMOS 4:5 ပူးပေါင်းရင်းမြစ်များ

TUMWÖY 81:12

Opïstan nyu chane kïrïp tighintöno mïkulöwekwa, atökwigh kïgh anka tïkwïl nyo kacham chane.

ISAYA 1:1

Sïwïyaghtin cho pö Yuda nko Yerusalem cho kiporchï Tororöt Isaya wero Amos ato kipöytoy Usia nko Yotam nko Aas nko Esekia Yuda.

ISAYA 1:11

Mwoghöy nyinte lö, “Olentekwa so omökan tïsöwekwa cho chang le chï oropkanïkwa? Kikïmïchanïn tïsöwo mökol cho kakïpelwanïn nko sunetko kyakikwa cho okwoghöch. Motïngetanye machat nyo pö kisön pö kir nko cho pö mökol nko cho pö ngaror.

YEREMIA 7:10

Atomuchö, apkanakwa oghyongö tawunyan ompö köyï pö saghat kïkurtegho kaynenyan amwagh lö, ‘Momechanye kïgh, kalya!’ Aletakwa agh tïkuchoni töghanïn kisön.

YEREMIA 7:9

Kochorsyekwa arïmisyö agh cheporesnan awolwolisyö ompö putintön apelchï Paal* amöros asagh tororötine walaka cho monkïtökwanye.

OSEA 9:1

Mengarak kör we Israel amoturonchö le punton walaka ompöwölo kyalïkukwa kalomak otinö kopïstekwa Tororötïngwo kyongörekyikwa ropïyeni chepkartanan cho pö wölay kïtïgho pagh.

OSEA 9:10

Lentöy ECHOTYON, otini kyasïwan pipö Israel nyo tagh, kilenye ato kïnyorchï sapipun surkwen otini kyasïwan papotïnekwa kilenye makany cho keyin nyo pö tagh wölo nyini kipa Paal Meor kutïlichï kegh Paal* le kïgh nyo chomöy chane.

LAWIN 23:17

Opunonekwa kestonikwa makatin odeny cho lïku ropöw cho sis cho kikigha akonga pïsya kilen odeny cho kakïtasta mumar aketö ECHOTYON le ropöwo poretayi pagh.

AMOS 5:21

Otoghan, asasan ichontinekwa amelö mïlanïn tuyotïnekwa cho tïlilöch.

AMOS 5:22

Kïrkegh köropkanïn amörostinekwa cho kïpelöy nko ropöwo pagh melö ochöman kokay amotokanye ropöwo kalya cho pö kyakikwa cho okwoghöch.

MATAYO 15:9

Soghanïn chane kwïle akunetöy kinetut pö pich, atökelentöy kirurutköchan!’ ”

MATAYO 23:23

“Heywey akwa koneti kirurut nko Parisaytin! Lïsï! Omökekwa otöne Tororöt kareranpa taman nyo pö amörostin nko pinsarin nko chira, wölo moyongekwanye kirurut cho echön lata: kitenat nko kisyonöt nko kighanat. Mïchinokwa anyagha agha chï kïny, kïrkegh melö kömïchini opïstenökwa chini walaka.

MATAYO 6:2

“Kïlenyona nyu, ato itö kïgh chi, itötö ompö sison mengalana, tömekarkegh nko pich cho le lïsï cho ighöy lenyoni ompö kori sowut nko ompö ortïna kanastin atökïkwol pich chane. Omwowokwa nyoman lö kikïnyorï chane ropöwontengwa.

RUMI 1:28

Akwompöwölo kilö pich mökïmököy kenone ngala man paraku Tororöt, kïpïstö Tororöt chane kïrïp kinonutkökwa cho wïryote ntökwanyï ighöy tïkwïn cho merokonye.