AMOS 4:11 - PIPÏLIA

¹¹ Kyawanyakwa walaka le wölo kiwangta Tororöt Sodoma nko Komora. Kyalatekwa machey nyo kakïchengunö ma, wölo moyokukwanye kegh wölo omitan. Mwoghöy ECHOTYON.

AMOS 4:11 ပူးပေါင်းရင်းမြစ်များ

ISAYA 13:19

Pïchigh Papilon kïsir paytagh anka tïkwïl, kwolo kegh pipö Papilonia. Wölo ani ECHOTYON Kimuktoghin nyo oköpïghöy Papilon kïle wölo kyadan Sodoma nko Komora!

ISAYA 7:4

Omwochini kïtöpö kïpsach akïlïkwï nyakan, atömewöghisyö. Melö kïgh nörekyo pöytoghin Resin nko Sirya nko wero Remalia, karkegh chane pat nko ighot nyo ngwïno lïkip odeny.

ISAYA 9:12

Mito pipö Sirya kongasis, kïmi pipö Pilisti to, kingany chane kutïwekwa atökwam Israel. Wölo kïrkegh kighisyö choni löwïr melö kiwany nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

YEREMIA 23:14

Wölo kasïwan werkoy pö Yerusalem kwighöy cho ghach tya. Kegh cheporsnan akïmïr putintön, rompöröy chelölos, tömökïmi chi nyo töghöy kwighöy ngokï. Ghach pïchoni löwïr ompö konyichan, karkegh nko pipö Sodoma nko Komora.

YEREMIA 49:18

Onyorinyi le wölo kyanyartan Sodoma nko Komora nko kanastin walaka cho kilekïtinö. Puryö chi nyo ngötu kïmang Edom. Kamwaghan ante ECHOTYON lenyoni.

YEREMIA 5:3

Nyi we ECHOTYON, onkïtön lö imörenyi pich kwigh man kïtenö osis. Kimïghitönyi chane, wölo malïmtacha kïgh, kiryöpönyi chane, wölo machamcha lö kikelel. Kilïkwï pich cho kiyomö mötöwö kïtïl kogh, kïtagh nyoman kïkötö ngokikwa.

YEREMIA 50:40

Kïle wölo kyanyaran Sodoma nko Komora nko kanastin cho kilekïtinö, owetan ante ECHOTYON onyoröy Papilon ntömökïmi chi nyo ngötu kïmöngöy orinyi. Mwoghöy ECHOTYON.

ESEKEL 24:13

Kesïmnyoninyi we Yerusalem ighisyewuköku chï ghach. Kyolan otïlilinyi wölo kimetïlilenyinye. Melö itïlilitunenyi nyonikïny ntökïtenö kuwonyö nörekyenyan ompö nyi.

OSEA 11:5

Mïlisyot chane kutöngöy Misri tökïpayta pöytoghinto Asirya chane ompöwölo kitagh kïkötö

OSEA 11:8

Opïröneninyi lö ne nya Epraim, apïsteninyi lö ne nya Israel? Omukan lö ne taghinyi le wölo kyadan Adma, anta aghinyi lö ne le Sepoim? Möchömönye mïkulöwunyan kokay ngalechoni akïmi kïyetu kisyonötenyan ompö nyi.

AMOS 4:6

Kyokonokwa kömöy ompö kanastinekwa wölo moyokukwanye kegh wölo omitan. Mwoghöy ECHOTYON.

AKAY 2:17

Kyoyokwan pekat nko rop pö takarïs kunyar kïgh anka tïkwïl nyo kyolentekwa kïkötkötöy, wölo kïrkeghnye choni löwïr, melö kyokötekwa ngokikwo. Mwoghöy ECHOTYON.

SAKARIA 3:2

Kïlenchï malaykayanta ECHOTYON Onyöt, “Nya kïchïpïn Tororöt we Onyöt! Nya kupkongïn ECHOTYON nyo kikïlchï kegh Yerusalem! Mökörönye kegh chichï nko kwenta nyo kökïsörunö ma nyo nöghöyï?”

RUMI 9:29

Lenye nyoni ngat ngölyon nyo kingor Isaya lö, “Ntökile nyo kimetukwechanye Echotyon Kimuktoghin monïng, kötökikewonyecha le pipö Sodoma nko pipö Komora.”

1 KORINTO 3:15

Wölo ato nagh köyini kitek nyinte, kïmösïkönye nyinte ropöwon, wölo kïsöru nyinte le nyo kachïwïta ma.

KINONO KIRURUT 28:24

Ighöy ECHOTYON rop ompö korononi kïlïku terïtyon. Ropönchinokwa terïtyontononi ntökïtenö kuwanyokwa lömïs.

KINONO KIRURUT 29:23

Lïku parenikwa ghatoy cho nöghyot le ngeset cho kilum paryan. Puryö kïgh nyo kïkötkötyini akïghya, melö pito ompö cho le ratok. Lïku korenkwa le kanastina Sodoma nko Komora nko Adma nko Sepoim, cho kinyar ECHOTYON kuwonyö ompö nörekyenyi nyo wow tya.

2 PETRO 2:6

Kirwokyï Tororöt kanastina Sodoma nko Komora akïpela chane ma akwigh kanastinechoni kïlïkwï körkeyïn nyo igho ompö pich cho mewöghöy Tororöt.

YUDA 1:23

osörunenö lawel pikö walaka mapa kirwok. Mi pikö walaka cho mïchini oripenö kegh tömenamtak sïmnyontönengwa nyo pö ngokikwa otini omikwa osyonchini chane. Atagha ntatagh ompö chini le sïrokökwa cho kikïnam sïmnyonto pïrchintinekwa cho ghach.

YUDA 1:7

Anan ya kanastina Sodoma nko Komora nko kanastin cho kilekïtinö, cho kipechï pikökwa kwigh tïkwïn cho lata choni kigh malayken, akïpechï kwigh cheporesnan nko takalnan. Kikirwokyï chane kïnyorï nyarïlpa ma nyo pö kokay, tökïlïkwï nyoni kinetut nyo pö pich lapay.

NGONGUT 9:20

Kïkany pich cho kingötï cho kimaparcha nyörilwokchoni, kïmökïpïstöcha pöghisyewutkökwa cho kigh. Kimöpïstöcha kïsagh oy anta körkeyïntino koltin nko silpa nko taghoy koghïn nko ket cho merosïtoy anta lïm kïgh anta pesta.