15 Ongonyan kari pengat nko kömöy akenyar korïn cho kikïteka kela pelöw nko karïn löwïr cho echön.” Mwoghöy ECHOTYON.
Kirote ighisyewut löwïr cho kigh pöytoghintö Aap kitapu Otöptino pöytoghi Israel. Wölo kitekta konyi akïmina kela pelöw nko ngat wölo kitekta kanastin cho chang.
Ngutegho sïroköku löwïr sikaka nyo karam, ingörökenyi ompö pïkantis cho pö tumï cho tumunyi ompö korïn cho kikïmina kela pelöw.
Kalïman ECHOTYON Kimuktoghin ato lentöy, “Lïku kïratis korïn cho chang, cho echön cho pïchighöch.
Kimi pöytoghin aisoni konyi nyo pö osiswo kaghïtan, ompöwölo ki asispa arawa mut nko angwan nyoni akimi kïyïwöy manyi.
Kïlenyona oyokyinan ma Yuda tökuwany nïyet pö Yerusalem.”
Kïlenyona lentöy Echotyon TORORÖT, “Riköy ye pung koronï akunyarnyar wölo gheto kegh pich akïpar korenkwa wölo aghïgh.”
Kïlenyona kïrkegh katek kori koghïn cho kipötöy melö omöngekwa nyonikïny. Kakatkatakwa sapipun cho karamach, wölo melö ogheghekwa dipaykakwa* nyonikïny. Ompöwölo opïrekwa mey, asara paghekwa pö nkanun.
Nyini kangalan ECHOTYON, kityoröy korïn cho echön nko cho mïnkech kïrulyö kïlïkwï mïnchïran.
“Ato lö pipö Edom cho pö ara Esau, ‘Kïrkegh kenyar kanastinecha, kïtekecha ngat,’ omwoghan ante ECHOTYON Kimuktoghin lö, ‘Orultenan kïrkegh kïtek ngat.’ Kïkuro korengwa, ‘Koro ghöyityö,’ kekurö pikökwa, ‘Pich cho nörekyini ECHOTYON kokay.’ ”
Kïwö Eud kïrich nyinte ompö otini kimpuröy onkït konyi nyo mi parak nyo kaghït akïlenchï, “Kökonanïn Tororöt ngölyon nyo le nyengu.” Kïngeta pöytoghintonay ngacharunyi.