AMOS 2:4 - PIPÏLIA

⁴ Lentöy ECHOTYON, “Melö oyodeghonan Yuda sitöt ompö ghöyitwokachi cho pö kïnomnyö ompöwölo kitagh chane kirurut pö ECHOTYON amelö kitökïrïp ngalechi. Wölo kipot chane tororötino putintön, tororötin cho kipöghisyechï papotïnekwa.

AMOS 2:4 ပူးပေါင်းရင်းမြစ်များ

2 PÖYTOGHÏ 17:19

Melö kirïp pipö ara Yuda tïkwïl kirurut pö ECHOTYON Tororötïngwa, wölo kirïp otöptin cho kipïtö pipö Israel punton walaka.

2 OTÖPTINO OSIS 25:14

Nyini kiwany Amasya kïpar pipö lïko Edom löwïr, kïrot katanyi akïnamata tororötino pipö koro Edom kïwö kïparta akwigh kïlïkwï tororötinechi cho soghöy akïpelchï amörostin.

2 OTÖPTINO OSIS 30:7

Malïkwï papotïnekwo nko werkökwo cho kimeghancha ECHOTYON Tororöto papotïnekwa, tökïtenö kïpïstö kïnyörïlyö chane le wölo asïwïyekwa.

NEEMIA 1:7

Kiketïpicha otöp nyo gha ompö tawungu amelö kitö keripöcha kirurutköku löwïr cho kimwochinyi Musa mötworintengu.

NEEMIA 9:26

“Wölo kïpeny ngaleku akïtaghinyi akïpörchï patagh kirurutköku. Kïpar chane werkoyköku cho kichilöy tökuyokyinyi kegh Kichïpinyi chane kïnomnyö.

ISAYA 28:15

Ompöwölo kyamwaghakwa lö kikiyomisöcha kegh nko meghat akyam ngamata nko ngwen, nyo ato wer mungötö nyo wow, kechïwïtyocha ompöwölo möminye kïgh nyo okönekwa atawïnya kegh kïpoto putintön nko lïsa.

ISAYA 44:20

Karkegh nyinte ato kinam nko chi nyo omöy aren. Kegh nyinte kinonutkachi cho pö sölwontön kïchumpön ntömökïminye or nyo kingöroköy nyinte. Memukönye ntökïchömchï kegh lö körkeyïnoni nömo nyinte ewunyi kïmelö tororöt nyonikïny.

YEREMIA 16:11

Imwochinenyi chane lö, kamwaghan ante ECHOTYON lö, ‘Ompöwölo kipïstanïn papotïnekwa akïpechï kïsagh akïpeghisyechï tïkwïn walaka. Kipïstanïn chane amelö kitökïrïp kirurutköchan.

YEREMIA 16:12

Wölo ye kaghachitukwa tya kïtïl chane ompöwölo kalïkukwa pich cho oghïghe mötöwö akï cho ochömo kegh ghöyityö amoteranïkwanye.

YEREMIA 17:27

Wölo atomateranïkwanye, amokönyït asispa Sapato kïlïkwï nyo tïlil, amokïr akasan tïkwïn kïlïtöy kukoti Yerusalem asisoni, opelan kukoti Yerusalem. Nöghsot tïkwïl kori Yerusalem cho ororöch ompö ma nyo memukönye chi kumis.”

YEREMIA 6:19

Tera nyu ngwïnya kïmïkul! Opchinan kiwurat pïchete kïrïp kegh nko tötutkökwa cho ghach, ompöwölo melö kiyang chane ngalechan, amökïkonyïtcha kirurutköchan.

YEREMIA 8:2

Atolapay kekörkorchï sany kïsïwa asis nko arawa nko kokel cho mi yïm. Tïkuchoni cho kicham chane kïrïp akïpöghisyechï akïtep ngal akisagh. Mesupönye chi koyechoni amötïpönye chi, wölo kïlösini sany le sïkö.

YEREMIA 8:9

Kirotöy pich cho ngöghomöch ompö kwenunkwa, kwonkwongöy kïgh chane, akïnömisyö lö chïrïm. Katagh chane ngölyonto ECHOTYON. Ayo, ngöghomnyö ne nyu nyoni tïng chane nya?

YEREMIA 9:14

wölo kilïkwï penyï atolapay kïrïp tighintöno mïkuliskökwa, akïsagh körkeyïntino Paal* le wölo kinet papotïnekwa.

ESEKEL 13:22

“Kïle wölo kyaghakwa chi pö man kïma mu kïrkegh tomönye aghan nyinte kïma mu, arompörökwa chemwokïyon kïtas tagh nko ortïnechi cho ghach tömösörï kegh.

ESEKEL 20:13

Wölo kipenyanïn pipö Israel ompö surkwen, melö kirip kiyomisutköchan wölo kitagh kirurutköchan cho söpo chi ato rïp, kikyolan ompö nörekyö wanya pïchï ompö surkwen.

ESEKEL 20:16

Ompöwölo kitagh kirurutköchan amarïpcha kiyomisutköchan akusïmnyon Sapatotïnyan* otinö kirïp chane körkeyïntin.

ESEKEL 20:18

Kyolenchan monekwa ompö surkwen, motöp tarïp kirurutko papotïnekwa anta kiyomisutkökwa, amosïmnyonö kegh körkeyïntinekwa.

ESEKEL 20:24

Ompöwölo melö kirïp kinetutköchan, akïtagh kiyomisutköchan akusïmnyon Sapatotinechan akïrïp körkeyïntin cho kisoghöy papotïnekwa.

ESEKEL 20:30

Kïlenyona, lenchinö pipö Israel lentöy Echotyon TORORÖT, osïmnyonekwa kegh ye so le papotïnekwa, amostoy arïp tïkwïn cho kïkïröy?

ESEKEL 22:28

Kikuyen werkoykökwa ngokichï le atay molo pich korïn relnoy. Sïwïyi sïwïyagh pö putintön akïngor ngala putintön kïlentöy, ‘Kamwa Echotyon TORORÖT,’ akwanyï melö kamwa lenyoni.

ESEKEL 22:8

Kisasanyi tïkuchan cho tïlilöch aisïmnyonönyi Sapatotinechan.*

OSEA 12:2

Tïng ECHOTYON kïgh nyo gheghchinegho Yuda akutöni sitöt Yakopo kïrïp kegh nko ortinechi, akwighchï nyinte kïrïp kegh nko ighisyewutkachi.

OSEA 12:3

Kinam Yakopo werïngwa kel kimi mu, kïkany kïlïkwï mïrön, akïsït kegh nko Tororöt.

OSEA 6:11

“Akwompö akwa, kyatatan asis nyo okonokwa sitöt we Yuda, ompö tïkuchinö oghekwa.

AMOS 1:3

Lentöy ECHOTYON, “Melö oyodeghonan sitöt Damaska ompö ghöyitwokachi cho kigh. Ompöwölo kilïwo Kiliad karïn cho kïtïgho pagh.

AMOS 3:2

“Ochikwa pich opïn ompö punton löwïr ompö ngwïny cho onkïtön. Kïlenyona omungokwa ompö ngokikwa löwïr.”

MIKA 6:12

Köpïr pikökwa cho le sïkön mey, akï mïröy putï chane pikö löwïr.

APAKUK 2:18

Nyiwu ne körkeyïn nyo kipötöy anta nyo kitongöy otini kakiwany kegh? Menetönye kïgh ighintenyi kïpoto putintön. Nyiwu ne ompö nyinte tökïlentöy oghönöy? Kïgh nyo le tororöt pö putintön nyo memuköy ompö ntökïngalan!

RUMI 1:25

Kitagh chane kughan ngala man paraku Tororöt akïpechï kughan putintön. Kïnget ngat kïsagh akïpöghisyechï kïgh nyo kigh Tororöt, nyinö kötösoghöy Tororöt kegh, nyini le ighinto tïkwïn löwïr, akï nyinte nyo mïchini kesal kokay! Amen.*

1 TESALONIKE 4:8

Kïlenyona nyu, chi anka tïkwïl nyo sösöy kinetutchoni, kïmelö katagh chi, wölo katagh Tororöt nyo konokwa Mïkulöwunyi nyo Tïlil.

1 PETRO 1:18

Ompöwölo onkïtökwa lö, kityakenekwa Tororöt otöp nyo kimerokonye nyo kyosïkekwa papotïnekwo. Amolenchï kegh kikitykenekwa tïkwïn cho wïryot cho lata ropïyen anta koltin,

KIRWOKÏ 10:6

Kwigh pipö Israel ngokï ngat ompö tawu ECHOTYON otini kisagh Paaltin* nko Astarotin* nko tororötino pipö Sirya nko pipö Sidon nko pipö Moap nko pipö Amon nko pipö Pilisti. Kïpïstö chane kïsagh ECHOTYON.