AMOS 2:15 - PIPÏLIA

¹⁵ Amelö tökumuköy tökughyongtö chi pö kotï amelö söru chi kegh nyo pïrtït anta sörï chi nyo wegho angole.

AMOS 2:15 ပူးပေါင်းရင်းမြစ်များ

OMTOGHIN 9:11

Asïwan ngat ompö ngwïnyinï lö melö pö kirïpötö pich cho pïrtït amelö pö poryot pich cho owesöch anta pöyit omisyö pich cho ngöghomöch anta pöyit sïkönöt pich cho chïreröch anta pöyit chömchin pich cho le tïngan, wölo ngwïnchini asis nko pöroyïn chane löwïr.

ISAYA 31:3

Pich pat pipö Misri, molenchï kegh tororötin chane. Pö ngwïnyinï angoletinekwa molenchï kegh pkono yïm. Kïkany ato ghïtö ECHOTYON ewunyi, kïrulyö nyu pipö punton cho owesöch akïrulyö tïkwïl chane cho kinyorunö kingarakat chane. Kiwuröy chane kwodeny.

YEREMIA 51:56

akunyar koro Papilon Torchini morïn akïnam Papilon akïrïngarïng kotikwa. Ochan Tororöt nyo omungöy mwokïyis kïlenyona oghchinan Papilon kïrïp kegh nko ghöyïntanyi.

ESEKEL 39:3

Atolapay akwantan kïwantingu ompö ewungu pö löt kïchïntoy kotiku cho inömonyi ewu tagh.

AMOS 9:1

Asïwan Echotyon kughyongo kamasu ato kïpelo amörostin, kïlö, “Wira pchörino Kö pö Tororöt* tökuyotyot kot, kanya kïrulchï pich mötöwöy. Owonyan pikö cho kongotï ompö chok, melö mi ompö akong nyo rïpöy.

AKAY 2:22

Onyoran pöyunötin, awanyan owesyengwa nyo pö poryot. Oryewan nkarinekwa cho pö poryot cho chutöy angoletinö nko ipikwa tïkwïl. Meghot angoletine, kïpara kegh ipikwa chokonikwa kïmeghö.

SAKARIA 10:5

Petïtoy akonga pipö Yuda le nyökon pö lïk. Tïkyini ngwïny pungkökwa le norayon ompö or. Poryot lenyoni ompöwölo mi ECHOTYON nko chane Rïntoy ntökïwir arasï poryeghikwa cho pegho angoletin.