AMOS 1:11 - PIPÏLIA

¹¹ Lentöy ECHOTYON, “Melö oyodeghonan sitöt Edom ompö ghöyitwokachi cho pö kïnomnyö ompöwölo kiyona werïngwa chok nyo mesyonchïnye kïnörekyï nyinte osis löwïr akirorchï mïkulöwunyi kokay.

AMOS 1:11 ပူးပေါင်းရင်းမြစ်များ

2 OTÖPTINO OSIS 20:10

Kanget ye nyu pipö Amon nko Moap nko cho pö kutïng pö Seir chanya kimepïsinyinye pipö Israel kïlït korengwa, atanya kiwuwuno Misri wölo kïmolisyö kuwerata kareran, amaparnye chane.

2 OTÖPTINO OSIS 20:11

Achï ye ketökisyö, kipka kutulenecha koronï kikonechanyi kïlïkwï nyincha.

2 OTÖPTINO OSIS 28:17

ompöwölo kikipka pipö Edom ngat kupokyï kïpar akïrïnta pipö Yuda akïnam pich kïrat kïlïkwï mampustin.

TUMWÖY 137:7

Mewutyeghö, we ECHOTYON, ngala pipö Edom asisanya kikïnam Yerusalem atakinye kimwa lö, “Anganya Yerusalem! Anganya, ntökwit koghi kitorötenyi!”

TUMWÖY 85:5

Inyölechinechanyi kokay nya ECHOTYON? Ighenyi nyölotyengu kïtas tagh ompö pïnwöy löwïr?

OMTOGHIN 7:9

Irip kegh menyagh imïrmïritï, ompöwölo töpo mïrmïryö mïkulis pö sölwöy.

ISAYA 57:16

Kyotönön pikachu söpon amelö toletan tagh orwokyini chane anta anarek nko chane kokay.

OSEA 8:3

Wölo kïtagh chane ngal cho karamach wölo rïpöy nyu chane pung.

YOEL 3:19

“Kighöy Misri kïlïkwï kïratyan akegh Edom kïlïkwï köpöryon nyo kimïl ompöwölo kipokyï pipö Yuda kïporyeghö akïmïltegha pich kisön ompö korengwa cho puryö lelut.

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

SAKARIA 1:15

Ochan narekat nyoman ompö punton cho kimang kïkalyan, ompöwölo nko kimïnïng sitöt nyo kyotönön piköchan, wölo kipka puntonï kïtas kïyetï tya.

MALAKI 1:2

“Ochömokwa, wölo otepanïkwa lö, ‘Ichömechanyi ompö or ne?’ Oyokunan ante ECHOTYON, lö, ‘Ayo, melö so ki werpö chi akonga Esau nko Yakopo? Wölo kyachaman Yakopo,

MALAKI 1:4

“Ato lö pipö Edom cho pö ara Esau, ‘Kïrkegh kenyar kanastinecha, kïtekecha ngat,’ omwoghan ante ECHOTYON Kimuktoghin lö, ‘Orultenan kïrkegh kïtek ngat.’ Kïkuro korengwa, ‘Koro ghöyityö,’ kekurö pikökwa, ‘Pich cho nörekyini ECHOTYON kokay.’ ”

EPESO 5:1

Alïkuna nyu cho orïpöy Tororöt, ompöwölo ochikwa monechi cho le chaman.

KINONO KIRURUT 23:7

“Motöp lö osösöy pipö Edom, ompöwölo werkökwa chane amasas pipö Misri, ompöwölo kyochikwa ton ompö korengwa.