7 Oryewan koros löwïr, akepï sïkönötengwa kïnyïghï konyan.
Soyönöy kegh asïyech pipö punton cho pö ngwïny kïmïkul, ompöwölo keteranyi kutinyan.”
Otöninan punyontön kwenungu nko kokonï nko kwenuto yiyengu nko yiyenyi. Tïghöy nyinte mötïngu lö körpïs isïrenyi nyinte kowo monion.”
Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.
Otini kilïtunö tïsï Wölo Tïlil Tya, kinyïghï polta Kö pö Tororöt,
ntömökumïcha tïsichay kwigh ighisyengwa ompöwölo kinyïghï ororyo ECHOTYON kot.
ntökimelö kitökumï tïsichay ntökwigh ighisyewutkökwa ompöwölo kinyïghï ororyo ECHOTYON Konyi.
Terwecha sowutköcho, we Mösöwonto Israel, nyi nyo intöghoghchini monïngo Yosep le kechir, nyi nyo itöpo paraku kerupimtin* ailïwï
Nyoman söru pich cho konyïtöy nyinte, atökïtöpö ororyenyi korencha.
Pertoy pich nyu kïpetöy kïghïpcheghö köpönot anta pïrïmpot cho mi ngwïny kumukyï kïchïwïtyeghö sïnyoryo ECHOTYON nko owesyenyi nko ororyenyi nyo itu otini ngwïnöy nyinte kutimtimöy ngwïny.
Topöne kamasungu köny tesïwena kïgh nyo mi kwigho. Kesup kegh piköku tökïpka kaw! Pkono werköku wölo low kïkösönu tipikwa le monïng.
Kïropkokwa kechir löwïr cho pö koro Kedar, oghekwa mökol cho pkono Nepaiot kïlïkwï amörostin, cho chömöy ECHOTYON. Minöy nyu ECHOTYON Konyi kïsïch ororyö nyo wow.
Kinyarat, kinyarat! Onyoran kanasyante ntökïtenö kungwïn nyinte nyo kakïlan kutö sitöt kanasyante otönön nyu nyinte.
Oghan punton kïpotonchö otini kalïm kïrul nyinte. Otini kowirchan ngwen kïröytö nko chane cho petöy parsïkon. Ngörechot keti Eden löwïr nko keti Lepanon löwïr cho pïchighöch nko ket löwïr ompö ngwïny cho gheghöy pögh ori.
Omwoghan nyu lö rïngringöy koro Israel asisoni nyoman ompö kililatenyan nko nörekyenyan nöghöy le ma.
Atolapay kwipanïn chichay orel or okumpö löt ompö tawu Kö pö Tororöt. Asïwan kinyïghï ororyo ECHOTYON Kö pö Tororöt, opïtyan ngwïny.
Ape apusa komos, atörï ket, atek Konyan atongörökyan aketöroranïn.
Lentöy nyu ECHOTYON Kimuktoghin, “Arosa, oyonunan kiyoktoghintenyan kungwïn kïsötwanïn arenyu. Kïnyini kïrumunö ECHOTYON nyini koyörekwa Konyi. Ngwïnöy kiyoktoghintononi okönekwa ompö emö nyo wow akïmwatïta ngala mumenyan.”
Ompö osiswechoni, kinetisyeghö Yeso Kö pö Tororöt osis löwïr. Kïmach tïsï cho echön nko koneti kirurut kïpar nyinte kimach tïkwïl lenyoni pich cho echön ompö korononi.
Kuntöghoghchï Mïkulögh nyo Tïlil Simion kïlït Kö pö Tororöt. Akwotini kipï yïyiko monïngoni le Yeso Kö pö Tororöt atökeghchï kïrïp kegh nko machat nyo kipö kirurut.
ato mi asisto sömök, kïnyorchï nyinte Kö pö Tororöt, mpuröy nko konetï, teröy chane akïtepöy teput.
Asistanka ato kimi Yeso kuneto pich Kö pö Tororöt* akwomchini chane Lökoy cho Karamach, kïpkonchï tïsï cho echön nko koneti kirurut nko poy.
Kingetöy pich otini le kiwasan kïpetöy Kö pö Tororöt kïteröy ngalechi.
Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.
Kinya Kikirut kïngor lö ighöy Tororöt pipö punton kutenöy nko nyinte ompö kighanat. Nka nyoni kinya Kikirut kïmwochï Apraam Lökoy cho Karamach lö, “Soyönöy Tororöt punton löwïr ompö nyi.”
Ompöwölo mi asïl pö Tororöt kïmïkul orito por pö Kristo ompö otöptanyi nyo pö ptangengmöt
