AKAY 2:5 - PIPÏLIA

⁵ kïrïp kegh nko wölo kyoyomiswokwa atanya kyamïtunekwa koro Misri. Kïlenyona, mi mïkulöwunyan nko akwa, nyo mowöghisyö nyonikïny.

AKAY 2:5 ပူးပေါင်းရင်းမြစ်များ

2 OTÖPTINO OSIS 20:17

“ ‘Akwa pipö Yuda nko Yerusalem melö mi machata oporyenökwa ompö poryonï, oghyongenö pat adekelyengwo lasay, atasïwena wölo rïntewokwa ECHOTYON kïlïkwï.’ Mowöghisyö amomïghyö, anapa kegh oporyö nko chane asïyech ompöwölo mi ECHOTYON nko akwa.”

NEEMIA 9:20

Kitönönyi Mïkulöwungu nyo karam kunet chane, amelö kichïchukenyi chane mana cho kyomöy itönönyi chane pögh cho gheghöy.

NEEMIA 9:30

Kimïkukönönyi könyis cho chang ompö chane airirchinyi ompö Mïkulöwungu kuwerï werkoyköku, wölo kimöterchïcha chane kïlenyona itönönyi mori pipö punton.

WUWÖT 19:4

‘Kasïwekwa kïgh nyo koghchan pipö Misri apunenokwa köpepoy le sich nyo ipöy warechi apkanakwa wölo omitan.

WUWÖT 19:6

pich cho kikengot kïpöghisyeghwanïn akï pipö punton akonga cho tïlilöch.’ Imwochinenyi pipö Israel ngalechï.”

WUWÖT 24:3

Kïwö Musa kïmwochï pich ngala ECHOTYON löwïr nko kirurut, kuyokwï chane ompö kut akonga lö, “Kighecha kïgh anka tïkwïl nyo kamwa ECHOTYON.”

WUWÖT 24:8

Kïcheng Musa kisön akwisö pich akïlö, “Chï kï kisön cho pö muma nyo kam ECHOTYON nko akwa ompö ngalechï.”

WUWÖT 34:10

Kïlenchï ECHOTYON Musa, “Oman muma nko pipö Israel. Oghan töngönchin ompö tawungwa cho kitomöcha kwighisyö ompö ngwïny kïmïkul anta ompö punton anka tïkwïl akïsïwïyi pïchï omöngekwa kwenungwa ighisyo ECHOTYON, ompöwölo oghwokwa tïkwïn cho pö töngönchin.

WUWÖT 34:8

Kungïrukö Musa lawel ntökwit ngwïny akïsagh

ISAYA 41:10

Amowöghisyö, omitan nko akwa! Ochan Tororötïnkwa momïghyö! Oghokwa osïke owesyö, angarakekwa, oghetokwa, asörwokwa.

ISAYA 41:13

Ochan ECHOTYON Tororötïnkwa nyo okilokwa lö, ‘Mowöghisyö, ongörochokwa.’ ”

SAKARIA 4:6

Kimwowanïn malaykayan lö, “Ipchinö Serupapel ngölyonto ECHOTYON nyo lentöy Irïntonenyi kïgh anka tïkwïl amelö ompö owesyo lïk anta owesyengu kegh wölo ompö owesyo mïkulöwunyan. Kamwa ECHOTYON Kimuktoghin.

SAKARIA 8:13

Akwa we pipö Yuda nko Israel, mowöghisyö! Nyo pö nyoman, ompö osis cho kikuwer kiyitokwa pipö punton le pich cho kikïchïp! Wölo ye osörwokwa, alïkukwa pich cho soyönote akï cho nyorchini piko walaka kisoyonöt. Kïlenyona, osïko nyakanat!”

SAKARIA 8:15

owetan oghchini nyo mötïny pipö Yerusalem nko Yuda nyo karam. Kïlenyona, mowöghisyö.

MATAYO 28:5

Kïlenchï malaykayantanay koruchini, “Mowöghisïyi, onkïtön lö omörekwa Yeso, nyay kikïwudochï kimurtöwon.

IGHISYEWUT 27:24

akïlenchanïn, ‘Mewöghisyö Paulö! Ighyongonenyi tawu Kaisari akikïkoninyi Tororöt ompö kisyonötenyi söponwo pïchï löwïr rutoy nko nyi.’

YOSWÖ 1:9

Inan lö ani, ECHOTYON Tororötïngu nyo kyomwowunyi lö, ichichïm ainyakanitï, mewöghisyö anta meghïn mu, ompöwölo omitan nko nyi ompö wop anka tïkwïl nyo iwesteghonyi.”

YOSWÖ 8:1

Kïmwochï ECHOTYON Yoswö lö, “Mewagh anta meghïn mu, mïta pipö lïk apusta Ai, kotönön moriku pöytoghinto Ai nko pikachi nko kanasyantenyi nko korenyi.

NGONGUT 1:17

Otini kyasïwan nyinte, opïtyan kelyechi le chi nyo kima. Kukanaghanïn ewunyi nyo pö tagh akïlö, “Mewöghisïyi! Ochan nyo pö tagh achï nyo pö löt.

1 SAMWEL 12:20

Kïlenchï Samwel pïchay, “Mowöghisyö, kïrkegh kaghakwa ghöyityö nyo tenö nyï, mopïstö ECHOTYON, wölo opöghisyechinö nyinte ompö mïkuliskökwa löwïr.