AKAY 2:22 - PIPÏLIA

²² Onyoran pöyunötin, awanyan owesyengwa nyo pö poryot. Oryewan nkarinekwa cho pö poryot cho chutöy angoletinö nko ipikwa tïkwïl. Meghot angoletine, kïpara kegh ipikwa chokonikwa kïmeghö.

AKAY 2:22 ပူးပေါင်းရင်းမြစ်များ

2 OTÖPTINO OSIS 15:6

Kimi kore anka kïpöröy kore anka akupokyï kanasyante anka kanasyante anka, ompöwölo kitö Tororöt chane kisusut nko kömpölelut cho chang.

2 OTÖPTINO OSIS 20:22

Nyini kitor kïtum akïsölisyö, kwigh ECHOTYON lïkö pipö Amon nko Moap nko cho pö kuntïng pö Seir cho kipkonöy kupokyini koro Yuda kïwöngisyö akerich chane lö, tïlkwïch.

2 OTÖPTINO OSIS 20:23

Kïnget pipö lïko Amon nko Moap kïpar pipö kutïng pö Seir kuwonyö. Otini kiwany kïpar mïrön pö lïk Seir kïlïtyï kïpar kegh chane opïn tökïtenö kuwany chi tïkwïl kongenyi.

TUMWÖY 46:9

Wongöy nyinte poryotïn ompö ngwïny kïmïkul akïrïng kïwantis nko ngötwö akïpel longoy.

TUMWÖY 76:6

Otini kiteghchinyi chane, we Tororöt pö Yakopo, kïmeghö angoletinekwa nko pikö cho kipegho.

WUWÖT 14:17

Oghan mötöwo pipö Misri kwoghïghitu atökïpa kïrïp chane, tonyorchan ororyö Parao nko pikachi löwïr nko nkaritine nko pikachi pö angoletin.

WUWÖT 14:28

Kïmïlisyö pöghechay akulum nkaritine nko pipö angoletin nko lïke kïmïkul nyo pö Parao nyo kirïp chane ntökwit nanam ori. Möminye ompö akong nyo kingötï.

WUWÖT 15:19

Otini kilït angoletino Parao nanam nko nkarinechi nko ipi, kuyokyï ECHOTYON pöghechay nanam kulum chane, wölo kuwer pipö Israel wölo tïyame ompö kwenu nanam.

WUWÖT 15:4

Köwirchï nanam nkarino Parao nko lïkenyi. Kuchut pögho Nanam nyo Pïrir yetïntine cho köromöch.

ISAYA 19:2

Owulyenan pipö Misri kïpar kegh chane nko chane. Poryot nyu chi anka tïkwïl nko werïngwa, akïporyö chi anka tïkwïl nko pöröryenyi, setïni kanasyanta kïpar kanasyante anka, akïpar kegh pöyunötö nko pöyunöte anka.

ISAYA 60:12

Kiwuröy kor anka tïkwïl nyo töghöy kïpöghisyewokwa, ay, kiwuröy koroschoni lökarpïs.

ISAYA 9:19

Pelöy ECHOTYON Kimuktoghin koronete kïtïryalit ompöwölo kanarek nyinte, pelöy pikö kïnöghyö le kwen cho kinoghöy, amelö mito chi atoni nyo söröpchini werïngwa.

ESEKEL 21:27

Kinyarat, kinyarat! Onyoran kanasyante ntökïtenö kungwïn nyinte nyo kakïlan kutö sitöt kanasyante otönön nyu nyinte.

ESEKEL 26:16

Rökuno pöytoghi punton ngöcherwekwa pö paytagh, akïngwïs sampunekwa nko sïrokökwa cho mirmiryot nko karïn atolapay kïtïpï ngwïny kïpotonchot.

ESEKEL 38:21

Okurunan chok kungwïnchï Kok ompö kutïngtönyan, mwoghöy Echotyon TORORÖT pöröy choko chi anka tïkwïl werïngwa.

ESEKEL 39:20

Omo mesenyan panya angoletin nko ipikwa nko nyökon nko pipö lïk cho sisinchö.’ Mwoghöy Echotyon TORORÖT.

DANIEL 8:25

Nyoru tösunöt ompö ngala lïsutkachi. Akwip kegh parak ompö kinonutkachi akunyar pich cho chang kïtomö kïchil. Ngetöy kïporyegho Pöytoghinto pöytoghï, wölo kinyoröy nyinte amelö ompö owesyo ptangengmöt.

AMOS 2:15

Amelö tökumuköy tökughyongtö chi pö kotï amelö söru chi kegh nyo pïrtït anta sörï chi nyo wegho angole.

MIKA 5:10

Lentöy nyu ECHOTYON, “Owonyan angoletinekwa lömïs ompö asisoni anyornyoran nkarinekwa tïkwïl.

MIKA 5:15

Owetan otokisïyi ompö nörekyo punton cho melö kikonyït ngalechan.”

MIKA 5:8

Mi ngötunön pö Israel kwenu punton lenye ngïtïny ompö wuw pö sakas, lenye wara ngotïny atolïtyï kechir, nyo, otini kasïwa kukomchï lawel akïmutmut lökïr puryö chi nyo söru nyonikïny.

MIKA 5:9

Rïntoy pipö Israel pungkökwa, pöröy chane nyo möngötunye ompö akong.

MIKA 7:16

Sïwïyi pipö punton töngönchin akuwöghisyö kïrkegh kö owesöch, mïghyot akïnam kïgh kutïw akïmingö.

SEPANIA 3:8

Kïlenyona, lentöy ECHOTYON, “Akanyanïkwa nyu! Itïtoy ato orwokyinan pipö punton. Kyamutan akonga lö oghömïtunan koros nko pöyunötin atomïlchinan chane nörekyenyan nyo ngwan lakat, nörekyenyan nyo pö sastagh nyo nyoröy ngwïny kïmïkul.”

SAKARIA 10:11

Weröy chane nanamu Misri, okörtonan chane ompö chepkiriri pö nanam, aghan lalwa Nile kïteny! Owonyan menöto Asirya, aghan owesyo Misri kupot.

SAKARIA 10:5

Petïtoy akonga pipö Yuda le nyökon pö lïk. Tïkyini ngwïny pungkökwa le norayon ompö or. Poryot lenyoni ompöwölo mi ECHOTYON nko chane Rïntoy ntökïwir arasï poryeghikwa cho pegho angoletin.

SAKARIA 12:9

Onyoran ompö asisoni punton löwïr cho pkonöy kupokyini Yerusalem.

SAKARIA 14:3

Atolapay kïwö ECHOTYON kïporyeghö pipö koroschoni le wölo ighöy su asispa poryot.

SAKARIA 4:6

Kimwowanïn malaykayan lö, “Ipchinö Serupapel ngölyonto ECHOTYON nyo lentöy Irïntonenyi kïgh anka tïkwïl amelö ompö owesyo lïk anta owesyengu kegh wölo ompö owesyo mïkulöwunyan. Kamwa ECHOTYON Kimuktoghin.

SAKARIA 9:10

Lentöy ECHOTYON, “Owonyan nkarino lïk cho chutöy angoletino Epraim, nko cho pkonöy kanasyanta Yerusalem. Oriyan kïwantis pö poryot. Ipchini nyu nyinte pipö koros kalya, yöstoy paytaghtanyi kïngeta nanam ntökwit nanam. Ngeto lalwa Yuparet ntökwit söremwok pö ngwïny.”

MATAYO 24:7

Ompöwölo setyini kegh puntonï akïporyö pöytoghi pöyunöt anka nko pöyunöt anka. Itu kömeywok nko potanata ngwïny ompö woptin löwïr.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

KIRWOKÏ 7:22

Akwotini kipechï kïkut kontinechay le 300, kwigh ECHOTYON chane kïpar kegh. Kupertoy chane ntökwit Pet Syita wölnö pörtoy Serera, ntökwit kanasyanta Apel Meola, wölo lekïto Tapat.

1 SAMWEL 14:16

Kïlö kiros ripi Saulö cho kimi Kipea nyo pö Penchamen, kiryöghsyetö Pilisti akïkwangkwang kegh.