3 Chenga kareranpa kiwongunöt le askaryon nyo ghanate nyo pö Kristo Yeso.
Kumït nyu askarin Paulö kïle wölini kikiyomïstö. Kïyotï Paulö akumït oghononi kïwö Antipatris.
Kömöghöy chomnyogh ngal löwïr, akughönöy tïkwïn löwïr, akukönisïyi, akïmïkukönöy ompö ngal löwïr.
Akï askaryon ne nyo pögho kegh ropïyenichi kïmi poryot? Akï ngorinto par nyo nen nyo momönye akweko sapipunechi? Anta mösöwon ne nyo yokwïyi kyak amölï cheko kyakichi?
Ato kinyarilecha kong, kïtökïpö nyoni saghsaghatenkwa nko sörunötenkwa. Kwoto kïsaghsaghecha, kwompö saghsaghatenkwa nyo olïmchinekwa kegh otini okömöghekwa ompö nyörilwokchoni kiwongunocha.
Kokoninyi kiyomisötonï, werïnyu Timoteo, kïrïp kegh nko ngala werkoynön cho kikïmwa kutöngunyi. Pöghisyeghenö ngalechoni le kari lïk, atemuka poryenö poryot nyo karam.
Kakirwan palalyantanï ante Paulö kiyoktoghinto* Kristo* Yeso ompö machata Tororöt, ani nyo kikïyonton amwatïta ngala kiyomisöto söpon nyo kïsïkecha otini kökïtuyecha nko Kristo Yeso.
Kïlenyona melalïyan isöwintönchï Echotyontenyo, amelalïyan ompö ani nyo kikïtorchon chela ompö parakunyi. Wölo chengchinö kegh kareran nyo pö kiwongunöt ompö amtagh pö Lökoy cho Karamach, kïle wölini koninyi Tororöt owesyö.
Nka nyoni ye omitan omïkukönöy ompö ngwonïn anka tïkwïl ompö kinyiwutyo pipö Tororöt cho kikïlöwön, atökumï chane tïkwïl kïnyorï sörunöt ompö Kristo Yeso nyo ipu ororyö nyo pö kokay.
Kowongwan ompöwölo kamtan Lökoy cho Karamach, akeratan le chi nyo le rïmin. Wölo melö ratate ngölyonto Tororöt.
Kinkïtunyi tïkwïl wölo kikichoptanïn kong owongwï, ainkïtönyi ngalechanye löwïr kipkonchanïn ompö okumpö Antiokia, Ikonio nko Lustra. Akï ngwonïn nyo tya nyaye kyakamaghan. Wölo kisörunenanïn Echotyon choni lapay.
Wölo mïchininyi ripö kegh, amekany kumirïn kïgh anka tïkwïl. Kamagha nyörïlwok, igha pöghisyö nyo kyomtoy Lökoy cho Karamach, ailïtit pöghisyengu nyo kikonïn Tororöt.
nko kanisa nyo nyoryegho kongu nko cheptöncha Apia nko Arkipo nyo le askaryon nko acha nyo kïpöghisïyi tïkwïl.
Anane otöptönkwa nyo kipö tagh. Kyowongunekwa tïkwïn cho chang osiswechoni kïtenö osïkökwa löpoyïn pö Tororöt, amöminye kïgh nyo kipölokwa.
Kigh kighanata Musa kïwuwö koro Misri, amewaghnye nörekyo pöytoghin amamlanye lötï, ompöwölo kilata chi nyo kisïwïyi Tororöt nyo mösïwïyinye chi.
Kïmïkukön Apraam ato mi söröm kïnyorï kïyoni kiyomisyï Tororöt.
Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.
Kigh lenyoni atö kumï kunet pïnwöy löwïr cho pö Israel cho pkonöy wölo kïporyeghtoy ntökïmïr tya pich cho kitomöcha kïset lïk.