2 TIMOTEO 2:2 - PIPÏLIA

² Neta kinetut chanya kilïmanyi omtonan ompö tawu söwï cho chang, aionkoghchï pich cho ghonote atökumï tïkwïl kunet pikö walaka.

2 TIMOTEO 2:2 ပူးပေါင်းရင်းမြစ်များ

ESRA 7:10

Kinet kegh Esra kirurut pö ECHOTYON akwigh akïrïp akunet pipö Israel kirurut löwïr cho pö Tororöt.

ESRA 7:25

“Akï nyi Esra, ompöwölo kikoninyi Tororötïngu ngöghomnyö, kïla muti ngal nko kirwokï cho muköy kïpayta pich löwïr ompö lalwa Yuparet okumpö ta cho nkït kirurut pö Tororöt, ato cho menkïtcha inet.

NEEMIA 7:2

Otönön werïncha Anani nko Anania nyo le wowïn pö lïk kughyongchï Yerusalem, ompöwölo kikonyïtöy Ananiya Tororöt kïtïl pikö walaka.

TUMWÖY 101:6

Ochöman pich cho ghönote ompö kor, tökïtïpï chane nko ani. Pöghisyewanïn chi anka tïkwïl nyo puryö lelut.

NGÖTÏNYÖ 13:17

Ipchini pich tapan kiyoktoghintö nyo gha, wölo ipu sopön kiyoktoghintö nyo ghanate.

YEREMIA 23:28

Nya kïmwa werkoyonta kirwotïtoghtanyi nyo kirwotïtö, kïmwa ngölyontenyan lenyini kamwaghan nyo kalïm ngölyontenyan. Ayo, karkegh so morïr nko pagh?

LAWIN 14:42

Atolapay kechengwï koghïn walaka aketö walay kikïponchos akechengwï nyïngwïny walaka kemala wölay kikïngongogh ompö köyay.

MALAKI 2:7

Mïchini tïsï kunet pich kunkïtï man pö Tororöt akï mïchini kïpechï pich tïsï atö kenet kirurutköchan, ompöwölo tïsï kï kiyoktoghi ECHOTYON Kimuktoghin.

KIYITUT 12:7

Wölo sis ompö mötworintenyan Musa, ompöwölo kotönön nyinte kuntöghoghchï piköchan pipö Israel.

MATAYO 13:52

Kïlenyona kïlenchï chane, “Poru nyoni lö konetinto kirurut anka tïkwïl nyo lïku kinetana ngala Pöyunöto Yïm, kï karkegh nko chi nyo chenguno konyi tïkwïn cho relach nko cho pö köny kïpkana kaplawachtanyi.”

MATAYO 24:25

Alïma nyu, komwowokwa kïtomö kwitï ngalechï.

LUKA 12:42

Kuyokyï Echotyon lö, “Ngo ataye mötworintö nyo kighönöy akï ngöghom nya? Mötworin nyo lata nyoni kï nyo töni echotyontenyi kughyongchï pöghisyewut pö akuros lö könyorï konyi mötwori walaka ropöwo omisyo osiswechini kikïchomnyechï.

1 KORINTO 4:2

Kïgh nyu ngat nyo kïmöko komönini anka tïkwïl kï kighanat.

2 KORINTO 2:14

Wölo keyokyinö Tororöt söro nyo ntöghoghwecha kïtenö osis kerïntena poryenyo ompö Kristo! Ighecha nyinte kyamtena man nyo pö Kristo nyo lata sikak kïghömï woptin löwïr.

2 KORINTO 3:5

Amelö kimukecha ketigho kegh owesyenyo achane, wölo ngwïno owesyencha kïmïkul wölo mi Tororöt,

KOLOSAY 1:7

le wölo kinetïtakwa werïnyo Epapra, mötworinto Kristo nyo kïchömöy akepöghisïyi tïkwïl. Mötworin nyinte nyo ghanate akwompö tösunötencha löwïr.

1 TIMOTEO 1:12

Oyokyinan sörö Kristo Yeso Echotyontenyo, nyo kökonanïn owesyö agh pöghisyenyi. Oyokyinan nyinte sörö ompöwölo keyitanïn mïchini opöghisyechan nyinte,

1 TIMOTEO 1:18

Kokoninyi kiyomisötonï, werïnyu Timoteo, kïrïp kegh nko ngala werkoynön cho kikïmwa kutöngunyi. Pöghisyeghenö ngalechoni le kari lïk, atemuka poryenö poryot nyo karam.

1 TIMOTEO 4:14

Mepïstö pöghisyeghenö ropöwontengu nyo kinyorunyi atanya kingalan werkoy akukanaghinyi poyi kanisa morïn.

1 TIMOTEO 4:6

Ato inetanyi tupchenicho kinetutchï, ilïkunenyi mötworinto Kristo Yeso nyo karam, otini ipöghonyi kegh ngala kighanat nko kinetut pö man cho irïpenyi.

1 TIMOTEO 5:22

Mesörchï ikanagh chi ewun atökïpöghisyechi Echotyon, Ilowitö kegh ngokiko pikö walaka. Töpenö ompö tïlilïn.

1 TIMOTEO 6:12

Iporyö lasiny poryo kighanat ainam lö kïng söpon pö kokay nyo kikurchinyi Tororöt otini kimwaghenyi kutingu lö kaghan Kristo ompö tawu söwï cho chang.

2 TIMOTEO 3:10

Wölo nyi Timoteo, olentan kinkïtunyi kinetutköchan nko otöptönyan nko kerötenyan ompö möngot nko kighanatenyan nko mïkukönötenyan nko chomnyenyan nko kamaghatenyan.

2 TIMOTEO 3:14

Wölo nyo le nyi, tasa tagh rïpa ngalechoni pö man kikinetinyi akeghananyi lasiny. Inkïtönyi nyinte lö ngo choni kinetïnyi.

EPRANIA 2:17

Kïlenyona, kimïchï egh nyinte kïkarkeyit nko tupchenichi ompö ngal lapay atökumï kïlïkwï tïsintengwa nyo Wow nyo kighönöy, nyo tïng kisyonöt otini pöghisyechini nyinte Tororöt, atökelöstoghchï pich ngokikwa.

1 SAMWEL 2:35

Okïlchinan kegh tïsin anka nyo kighönöy, nyo ighöy kïrïp kegh nko machatenyan. Otöninan nyinte monïng cho chang, atökïpöghisyechï kïlanenyan kokay.