2 TESALONIKE 3:3 - PIPÏLIA

³ Wölo ghanate Echotyon nyo ighokwa achïchïma akïripenokwa Mwokïyontonay.

2 TESALONIKE 3:3 ပူးပေါင်းရင်းမြစ်များ

TOWUNÖT 48:16

Nya kusoyön monechï malaykayan, nyo kisörwanïn ompö ghöyitwok löwïr akekurteghö chane kaynenyan nko nyo pö papotïnechan Apraam nko Isak, oyiyö atösisyö achangitï ompö ngwïny.”

1 OTÖPTINO OSIS 4:10

Kïsagh Yapes Tororöt pö Israel kïlenchï, “Soyönante Tororöt aipörogh rotyotïnechan, töpenö nko ani ainategha kïgh anka tïkwïl nyo ipkanïn ghöyityö!” Kutö ECHOTYON nyinte kïgh nyo kisom.

TUMWÖY 121:7

Ripinyi ECHOTYON ghöyityö anka tïkwïl akïrip söpontöngu.

TUMWÖY 19:13

Ilowitante ompö ngoki kwötyin, amepïsyï kïpaytanïn ngokichoni. Atamukan nyu alïkwï chi nyo tenate aketyakan ompö ngokï cho ghach.

MATAYO 5:37

Nya kïlïkwï kïgh nyo imwoghöy, ‘Owöy’ anta, ‘Ewo.’ Kïgh anka tïkwïl nyo tïlöy nyoni, kungwïno wölo mi Onyötö.

MATAYO 6:13

Amemïtyecha wölo mi tyamata, wölo isörunenech Onyöt.’

LUKA 11:4

Löstewecha ngokicho, ompöwölo kïlöstoghchinecha pich löwïr cho lelwecha. Iripech tömökïlit työmut.’ ”

YOANA 17:15

Mosoghanye lö techenga chane ngwïny wölo osoghinyi lö iripö chane Mwokïyontonay.

1 KORINTO 1:9

Ghanate Tororöt nyinte nyo kikurokwa oghömenö nko Werïnyi, Echotyontenyo Yeso Kristo.

1 KORINTO 10:13

Möminye tyamata nyo itwokwa nyo sis nko nyo nyoru chi anka tïkwïl. Ghanate Tororöt amelö pïsini nyinte ketyömokwa kïtïl owesyenkwa, wölo konokwa tïkwïl owesyö kïmi nko tyamatanoni nyo omïkuköno nko or nyo ochïwïto atamuka oghyongtenö.

1 TESALONIKE 5:24

Ighöy nyinte nyo kikurokwa ngölyontononi ompöwölo ghanate nyinte.

2 TESALONIKE 2:17

lö, tetö nyinte mïkulöwekwa saghsaghat, akuchïchimakwa kinomnyö agha, angalan kïgh anka tïkwïl nyo karam.

2 TIMOTEO 4:18

Sörwanïn Echotyon ompö kïgh anka tïkwïl nyo gha, akïripanïn ntökïtenö atan Pöyunötenyi nyo pö yïm. Nya kïsïch nyinte ororyö kokay nko kokay! Amen.*

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.

2 PETRO 2:9

Kïlenyona nyu Nkït Echotyon kïsöru pich cho wöghöy Tororöt kïngetunö työmutkökwa akunyaril kong pich cho ghach ntökwit asispa kirwok,

YUDA 1:24

Nya kïsïch Tororöt ororyö, nyinte nyo muköy kïripokwa tömopïtyö, akumïtakwa ape tawuto ororyenyi ompö ngörekyö kïpuryö lelut, nyinte nyo le Tororöt onkït akï Ghetintenyo ompö Yeso Kristo Echotyontenyo. Nyenyi wowïn nko owesyö nko paytagh kïngeta könyisyok nko ye nko kokay! Amen.