4 Wölo kïlenchï ECHOTYON Natan aghononi,
Kïyonta ECHOTYON Natan wölo mi Daudi. Kïwö Natan wölo mi nyinte akïlenchï, “Kimito pich odeny ompö kanasyan, ki monkoryon anka, kï meywon anka.
Kïlenchï Natan pöytoghin, “Wïyö igha löwïr cho inonenyi, ompöwölo mi ECHOTYON nko nyi.”
“Wïyö mwochinö mötworintenyan Daudi lö, ‘Kölö ECHOTYON, melö nyi nyo itekwanïn kö nyo omöngan.
‘Melö mi kanasyanta anka nyonikïny ompö koro Israel kïmïkul nyo kïteköy atökïlïkwï nyo kïsoghenanïn, kïngeta atakinye kyamïtunan pikachu koro Misri. Wölo kakïlinyi, Daudi atepaytena piköchan.’ ”
Wölo kïlenchï ECHOTYON Natan aghononi,
Melö ighöy Echotyon TORORÖT kïgh ameporchï mötworichi werkoy.
Kïlenchï ECHOTYON chane, “Atera ngalechï! Atomi werkoyonta nyo mi kwenunkwa, oporchinan kegh nyinte ompö sïwïyagh, angölonchan nyinte ompö kirwotïtogh.
