2 SAMWEL 7:10 - PIPÏLIA

¹⁰ Oyörchinan piköchan Israel kor atökïmang chane korengwa atömökïmi pich cho le pkatis cho susöy chane le tagh

2 SAMWEL 7:10 ပူးပေါင်းရင်းမြစ်များ

2 PÖYTOGHÏ 21:8

Nyo ato cham pipö Israel kïrïp ngalechan löwïr nko kirurutköchan cho kyotönön mötworintenyan Musa, kïmelö opïstenan chane keyona koronete kyotönön papotïnekwa.”

1 OTÖPTINO OSIS 17:9

Oyörchinan piköchan Israel kor, atökïmang korengwa amökïminye chi nyo susöy chane le atay le tagh.

2 OTÖPTINO OSIS 33:8

amoyonenanye Israel koronï kyotönön papotïnekwa, ato cham kwigh tïkwïn löwïr cho kyomwochan chane, cho kikïkonï kuwerï Musa.”

TUMWÖY 44:2

Kiyontenyi pipö punton, wölo itönönyi korengwa papotïnecha Kichoptenyi kong pipö punton walaka aighanyi piköku kulet akïsïch tïkwïn.

TUMWÖY 44:4

Ichinyi pöytoghintenyan aichï Tororötïnyan nyo itöni rïntagh piköku.

TUMWÖY 80:8

Kipunenyi Misri ket pö sapipïyon, kiyonenyi pipö punton aikatkatanyi ketoni korengwa.

TUMWÖY 80:9

Kirösönyi kore, kïpit ighinkachi kïghömï korononi.

WUWÖT 1:22

Kïlenchï Parao pikachi, “Monïng anka tïkwïl nyo le weri nyo kökïyï ompö pipö Eprania owirchï lalwa Nile, wölo opïstokwa tipïn löwïr kïsöpchö.”

WUWÖT 15:17

Imïtunyi chane aikany kïmang kutïngtöngu, we ECHOTYON, wölo kekïlanyi kïlïkwï möngengu, kongu nyo tïlil nyo kitekenyi moriku.

ISAYA 5:2

Kïngas chichay paranay akïwösï koghïn cho kimi pare, akïkatkat sapipun cho pïchighöch. Akïtek kïtar nyo ripsyegho, akïpel wölo kitïgho akweko sapipun. Atolapay kïköngisyö ntökïrïr sapipunechay, wölo kïlö achamcham kïngwonöchitu akwechay.

ISAYA 5:7

Israel nyo le para ECHOTYON Kimuktoghin, akï pipö Yuda cho le keti sapipun cho kikatkat nyinte Kikönöy lö ighöy chane nyo karam, wölo kïmïltegha kisön pungkökwa, akwigh kungeyö kïyöröy keghchï man.

ISAYA 60:18

Melö tökelïmo korengu ngat kiteghata masat. Amelö tökutimtimöy korengu kiwurata ngat. Okörtoninyi aghetinyi le nïyat, isölaninyi ompöwölo kosörunyi.

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

YEREMIA 18:9

Kïkany amwaghan lö oteköy, achïchim kor anta paytagh anka tïkwïl,

YEREMIA 24:6

Okomönan chane nyoman, awetan oyoku kïmïlisyö koronï. Oghan chane kïlïkwï akonga amorultonanye. Oghan chane kïpit le ket amokölöngtenanye.

ESEKEL 28:24

Lentöy ECHOTYON, “Möminye chi ompö punton löwïr cho kimang kuwit pipö Israel cho kichopöy kong chane, nyo tökuchopöy kong chane ngat atökunkïtï lö ochan Echotyon TORORÖT.”

OSEA 2:18

Oman nyu muma* asisoni nko tïpö wudïn nko törit nko tïkwïn cho chuto kegh ngwïny akwompö chane, atömökïswany ngat piköchan. Ochengonan kari lïk löwïr korengwa nko chokon nko kïwantis, apïsyan piköchan kïmöngisyö ompö kalya wölo tïghume.

AMOS 9:15

Okötkötyinan pikachu korengwa amelö tökengetöy chane kokay ompö koronï otöninan chane.”

NGONGUT 21:4

Misöy nyinte Tororöt lok cho mi konyikwa akïmökïminye meghat kokay, amökïminye lok ompöwölo kama chi, anta rirat anta kichïr ompöwölo kikuwer tïkuchay pö tagh.”

KIRWOKÏ 4:3

Kitïng Sisera nkaritin cho pö karïn cho le 900, akökikunyaril pipö Israel ompö könyis tömönut odeny. Kïlenyona kïrirchï pipö Israel ECHOTYON.

1 SAMWEL 13:17

Kupokunö pipö lïk möngonay pö Pilisti akïchagh kegh kïlïkwï söpïchis sömök. Kïwö söpïchtö anka kutang Opra, ntökwit koro Syual,