7 Kïnam Daudi kanasyanta Sayon,* nyoni kï kanasyanta Daudi.
Kïlö Daudi asisoni, “Ekïmito chi yete nyo reyöy pipö Yepusi le ani nya? Ngo nyo muköy kïpöröy chane? Nya kïwö nyinte kïrïp aranoni pö pögh akïpar chepkarotinechoni nko mwolöytinechoni.” Nka nyay kïmwoghöy lö, “Mölïtöcha chepkarotin nko mwolöytin Kö pö ECHOTYON.”
Kïmang Daudi kanasyantanay akekurö kanasyanta Daudi. Kitek Daudi kanasyante kuwit kïngata wölay kikïtïp kutang ori.
Melö kimököy nyu Daudi kïsïtöy Santuku Muma kutang kanasyantenyi. Kïrop kamas akïsïtï kö pö Oped Edom nyo le chi pö Kit.
Kemwochï pöytoghin Daudi lö, “Kesoyön ECHOTYON kö pö Oped Edom nko kïgh anka tïkwïl nyo le nyenyi akwompö Santukunay pö Muma.” Kïwö Daudi kïsïtunö Santukunay kö pö Oped Edom kutöngwï kanasyantenyi ompö ngörekyö.
Nyini kitï Santuku Muma kanasyanta Daudi, kurumï Mikal chepö Saulö tïrisya akïsïwa pöytoghin Daudi kïnyolöy akudöngonyöy ompö ECHOTYON, kïsas nyinte nyoman.
Kïrapas Daudi aketïpchï kanasyan nyo kikïkurteghö nyinte.
Kïnam Solomon kongotnön nko Parao pöytoghinto Misri akwip cheptanyi akumïtï kutöngwï kanasyanta Daudi ntökïtenö kuwany kïtek konyi nyo pö paytagh nko Kö pö Tororöt nko nayat nyo kiwit Yerusalem.
Kïkur nyu Solomon poyi Israel nko kintöghoghï löwïr cho pö ortïna pipö Israel, kïtuyö nko nyinte ompö Yerusalem, atökïsïtö Santuku Muma ECHOTYON Sayon* kanasyanta Daudi kutang Kö pö Tororöt.*
Atolapay kuwï pöytoghintö Solomon korkenyi chepö Parao, kïweghö kanasyanta Daudi kutang konyi nyo pö paytagh nyo kitekyï ompö Milo nyo kimi okumpö kongasis.
Kïmang Daudi kanasyantanay, akekurö kanasyanta Daudi.
Ketïpchï nyinte kanasyanta Daudi wölo kimi pïrïmpoti pöytoghï ompöwölo kigh nyinte nyo karam ompö Israel nko ompö ECHOTYON nko konyi.
Atolapay kïkur Solomon poy cho pö Israel nko yetïntin löwïr cho pö ortïn nko kintöghoghi kori kukötino pipö Israel ompö Yerusalem kwipï Santuku Muma ECHOTYON kïngetunö kanasyanta Daudi nyo mi Sayon.*
Kïtek ngat Syalum wero Kolose nyo le kirwokinto Mispa Kuka Kö pö Pögh akïtekyï pörkö atolapay kïpölchï pölöw kukoti akwighchï möröwe. Atolapay kïtek nayat nyo lekïto para pöytoghin ompö Ngarpïlu Syela ntökwit ato kïröytegho Kanasyanta Daudi.
Kakïl ECHOTYON Sayon,* akwigh kïlïkwï möngenyi.
“Kotönön pöytoghintenyu kïtöpö Sayon,* kutïngtönyan nyo tïlil.”
Atanga Sayon, ape awitwita, oyitö kïtartinechi.
Kakuporï Tororöt lö tïghume ori nayatu kanasyan.
Ighchï nyo karam kanasyanta Sayon* aitek ngat nïyetwo Yerusalem,
Chömöy nyinte kanasyantanoni pö Sayon* tïlil wop anka tïkwïl nyo möngöy Yakopo.
Otumchinö ECHOTYON nyo möngöy Sayon,* omwochinö pich tïkwïn cho kegh nyinte!
Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”
“Ongwïnan nyo ochï Ghetintenkwa Sayon,* ongwïnchinan pipö Yakopo cho kökötö ngokikwa. Mwoghöy ECHOTYON.
Konömchinyi lat we Yerusalem, oporyegheninyi! Nyi nyo imi ghat parak ompö ato syolote. Nyi nyo ilentöy, ‘Ekï ngo köny nyo muköy kungwïn akïlïtï möngencha nyo ripote, akï ngo nyo muköy kïporyeghenecha?’
Pkonöy pipö punton cho möngörï akïlö “Apkana kepe kutïng pö ECHOTYON, ketanga Kö pö Tororöt* pö Yakopo. Atökunetech ortïnechi akerïp ngalechi.” Ompöwölo pkono Sayon* kirurut, akungwïna ngölyonto ECHOTYON Yerusalem.
kogh nyo ngölono Kikirut lö, “Asïwa ya lö, otöninan Sayon* kögh nyo kwötöy pich, ghat nyo ighöy pich kupïtyö. Wölo mösïkönye arasï anka tïkwïl nyo ghönöy nyinte.”
Wölo katukwa kutïng pö Sayon* akwa kanasyanta Tororöt nyo satate, Yerusalem nyo pö yïm, wölo nyoryegho malayken cho makïrar.
Atolapay asïwan Wawa Kech kughyongo kutïng pö Sayon* nko pich 144,000 cho kikikirchï tokochwekwa kaynata Yeso nko nyo pö Kwanta.
