2 SAMWEL 24:1 - PIPÏLIA

¹ Kïngwanit nörekyo ECHOTYON lö kat ompö pipö Israel ngat akwigh Daudi kutö chane kömpölelyö, kïlenchï ECHOTYON nyinte, “Wïyö yitö pipö Israel nko Yuda.”

2 SAMWEL 24:1 ပူးပေါင်းရင်းမြစ်များ

TOWUNÖT 45:5

Wölo ye nyu motyö anta ogheghchï kegh akwane, ompöwölo kyoltochanïkwa wölete. Wölo Tororöt nyo kiyokwanïn anya angwïn tökïsöpchö pich.

TOWUNÖT 50:20

Kyolentekwa kyaghwanïn nyo gha, wölo kwigh Tororöt kïkaramachitu, atamanyïl kesörï pich cho chang le ye,

2 SAMWEL 12:11

Kïlenyona kölö ECHOTYON, ‘Oghan chi nyo pö kongu kwipunyi ghöyityö, achengan koruku atönön pöröryengu, akurïwotö nko chane pöghet kulïwu asis.

2 SAMWEL 16:10

Wölo kïlenchï pöytoghintö Apisyay nko werïngwa Yoap, “Melö lata nyona werpö Seruya, töptoy chïpisïyi nyinte ompöwölo kömwochï ECHOTYON lö, ‘Chïpö Daudi.’ Ngo nyu nyo mwoghöy lö, ‘Ompö ne takwigh nyinte le nyï?’ ”

2 PÖYTOGHÏ 3:6

Kïweghö pöytoghintö Yeoram panini Samaria akïghamït pikachi cho pö lïk löwïr

1 OTÖPTINO OSIS 21:1

Kipchï Onyötö pipö Israel kömpölelyö, kïlenyona kwigh Daudi kuyit pipö Israel.

1 OTÖPTINO OSIS 7:2

Kitïng Tola wor mut nko akonga: Usi nko Repaya nko Yeriel nko Yamay nko Ipsam nko Syemuel, ki kikintöghoghi koriko papotïnekwa chane aki nyökon ompö osiswekwa. Ompö Osiswo pöytoghin Daudi ki 22,600 chane.

1 OTÖPTINO OSIS 7:40

Chete löwïr kï monïngo Asyer. Ki yetïntino korikwa aki pipö poryot cho le nyökon akï kintöghoghï. Kitïng chane pipö poryot cho le 26,000.

2 OTÖPTINO OSIS 32:25

Wölo metönye Esekia ECHOTYON sörö ompö ngal cho karamach cho kikighchï nyinte ompöwölo kikwol kegh. Kïnyorï nyinte sitöt akïnyorï pipö Yuda nko pipö Yerusalem.

WUWÖT 7:3

Wölo oghan möt pö Parao kwaghïghit, kïrkegh atasan kiporut nko töngönchintin ompö koro Misri,

ESEKEL 14:9

“Ato kïlïs werkoy kïngalan ngölyon, kï ani ECHOTYON nyo kalïs nyinte anoteghonan nyinte kïweghö kwenu pipö Israel.

ESEKEL 20:25

“Atolapay otönön chane kiyomisut cho melö karamach nko kirurut cho melö tïng söpon,

LAWIN 10:6

Atolapay kïlenchï Musa Aron nko werkachi Eleasar nko Itamar, “Mopïstö putekwo kïtirirön amakarer sïrokökwo, kuporï lö omikwa lok atömomeghö atömönörekyï ECHOTYON pich löwïr. Wölo muköy kïriryö pipö Israel walaka löwïr ompö chane cho kewanya ECHOTYON ma.

KIYITUT 1:19

kïle ato kimwochï ECHOTYON Musa: kuyit nyu Musa pich ompö surkwen pö Sinay.

IGHISYEWUT 4:28

Kituyö chane atökwigh kïgh anka tïkwïl nyo kitatanyi könyisyok, ompö owesyengu nko machatengu lö, igho.

2 TESALONIKE 2:11

Nka nyoni ketö Tororöt oringwa owesyo kipotöt atökughan chane putintön

KIRWOKÏ 2:14

Kïngwanit lö kat nörekyo ECHOTYON ompö pipö Israel, kïpïstö chane kenam akesara tïkukwa, akutö chane moriko pungkökwa cho kimang kuwitwit chane, amelö kitökumï pipö Israel ntökughyongtö ngat.

KIRWOKÏ 2:20

Kïngwanit nörekyo ECHOTYON lö kat ompö pipö Israel, akïlö, “Ompöwölo kapeny pich mumenyan nyo kyaman nko papotïnekwa, amelö kötökïter ngalechan,

1 SAMWEL 26:19

Tere ye nyu pöytoghin ngal cho mwoghöy mötworintengu. Ato ECHOTYON nyo keghinyi ighwanïn le nyï, otöninan ropöwo kalya, kïnyïl ato pich, kïchïpote chane ompö ECHOTYON, ompöwölo kayonenanïn chane koro ECHOTYON tömonyorwan mïlat akïlenchanïn, ‘Wïyö pöghisyechinö tororötin walaka.’