2 SAMWEL 11:1 - PIPÏLIA

¹ Kikany ato kile towunöto köny, ato kisetöy pöytoghï, kïyonta Daudi Yoap nko mötworichi nko lïko Israel kïpa kïpar pipö Amon, akurich kanasyanta Rapa. Wölo kimpur Daudi Yerusalem.

2 SAMWEL 11:1 ပူးပေါင်းရင်းမြစ်များ

2 SAMWEL 10:14

Nyini kisïwa pipö Amon lö kiryagh pipö Sirya, kïryagh chane tïkwïl ompö wölo kimi Apisyay akïlïtöy kanasyan. Kïmïla nyu Yoap kutöngwï Yerusalem ompö wölay kiporyegho pipö Amon.

1 PÖYTOGHÏ 20:22

Kïwö ngat werkoyontonay wölo mi pöytoghintö Aap akïlenchï, “Wïyö ghamïta piko lïkengu ategha kegh, ompöwölo tökïmöröy pöytoghinto Sirya or nyo poryegheninyi ngat könyinï ngwïnöy.”

1 PÖYTOGHÏ 20:26

Ato mi könyito odeny, kïghamït piko lïkenyi akïpa kutang kanasyanta Apek atökïporyeghö pipö Israel.

1 OTÖPTINO OSIS 20:1

Kintöghoghchï Yoap pipö lïk akupokyï koro pipö Amon, ompö kitoröto köny nyo kirïptoy ato kipetöy pöytoghï poryot, akimi Daudi Yerusalem. Kïnam chane kanasyanta Rapa akïporyeghö akuwur.

2 OTÖPTINO OSIS 36:10

Nyini kiwonyö könyï, kuyoktö Nepukadnesa pich kïpa kurewï Yeoyakin kungwïn kerötyï Papilon nko kari Kö pö Tororöt cho pö olyot nyo wow, akwigh Sedekia werto ompö Yeoyakin kïpayta Yuda nko Yerusalem.

TUMWÖY 60:9

Ekï ngo nyo mïtanïn kanasyan nyo tekate? Ngo nyo ntöghoghwanïn ntatïtan Edom?

OMTOGHIN 3:8

ato kïchömöy nko ato kïtïghöy, ato kïporyot nko ato kyomöy mis.

YEREMIA 49:2

Kïlenyona, kamwaghan ante ECHOTYON lö, itïtoy nyo mötïny, ato oghan pipö kanasyanta Rapa, nyo mi koro Amon, kïlïm chöghöto poryot. Kiwuröy Rapa kïlïkwï kïratyan kïpelo ma keston cho lekïtinö chengöy nyu atoni pipö Israel korengwa ngat, chengo mori pïchanye kisara chane. Kamwaghan ante ECHOTYON lenyoni.

YEREMIA 49:3

“Akwa pipö Espon, osönönchenö! Ompöwölo kikewur kanasyanta Ai! Akwa tipö Rapa, okörmönchinö kegh sarankwachtin ariryö, otïpökpokö olïtöy köser. Ompöwölo kikewï tororötïnkwa Milkom, kikewï nko tïsichi nko mötworichi.

ESEKEL 21:20

Ighenyi ara choko pöytoghin nyo wetöy kutöngöy Rapa kanasyanta pipö Amon, kutang are anka kanasyanta Yerusalem nyo tekate nyoman ompö koro Yuda.

AMOS 1:14

Kïlenyona otorenan ma nayatu Rapa, atökïnagh wölo ghupo kegh. Kïlïmöy asisoni rira nyo pö poryot, ngwonitu porye le köromnyo chepkiriri.

SAKARIA 14:3

Atolapay kïwö ECHOTYON kïporyeghö pipö koroschoni le wölo ighöy su asispa poryot.

KINONO KIRURUT 3:11

(Ki pöytoghin Ok nyo pö Pasyan onkït nyo kingötunö pipö Repaim. Kagh tökïmi ye santukunoni Rapa, koro pipö Amon. Kingata koghïntanyi miten angwan, kïngata töpesïntanyi miten odeny.)

1 SAMWEL 18:30

Kipka lïkos pö Pilisti kïporyö nko pipö Israel, wölo kïrïnta Daudi chane kïtïl yetïntino Saulö walaka cho pö lïk. Kïtasa Daudi kwororit.