2 KORINTO 9:7 - PIPÏLIA

⁷ Akanya nyu kutötö chi anka tïkwïl kïrïp kegh nko machatenyi melö ompö chopat anta ompö kichikyin, ompöwölo chömöy Tororöt chi nyo tötoy kïgh ompö ngörekyö.

2 KORINTO 9:7 ပူးပေါင်းရင်းမြစ်များ

1 OTÖPTINO OSIS 29:17

Onkïtön lö ityömenyi mïkulis, aichömenyi pich cho tïng konyït. Kokonwan chete ompö konyït nko ompö chamatenyan kegh, akasïwan piköku chï kötuyechï yi lö kepunyi ropöw ompö ngörekyö.

1 OTÖPTINO OSIS 29:9

Kingörechote pich ompöwölo kitötö chane ompö machatengwa, kingörekyö ompöwölo kikitötö tïkwïn cho tenö choni. Kingarak pöytoghintö Daudi tya.

WUWÖT 25:2

“Mwochinö pipö Israel kwipkanïn ropöw. Ichengwanïn ropöw cho tenö cho kacham mïkulis pö pich kïkonï.

WUWÖT 35:5

Achenga ompö kwenunkwa ropöw cho kitöni ECHOTYON. Nya kwipï chi anka tïkwïl nyo karam mu, tïkwïn cho ropchini ECHOTYON: koltin nko silpa nko taghoy

NGÖTÏNYÖ 11:25

Sïkönonöy chi nyo le pöropchon akï chi nyo töni chi pögh, ketöni nyinte tïkwïl.

NGÖTÏNYÖ 22:9

Kisoyönöy chi nyo karam mu, ompöwölo moröy omisyenyi nko mey.

ISAYA 32:5

Möminye chi asisoni nyo konyïtöy chi nyo le sölwö anta mwa lö tenate pkatyan.

ISAYA 32:8

Wölo ighöy chi nyo le pöropchon ngala pöropchö akughyongo lasiny ngalechoni.

IGHISYEWUT 20:35

Kyoporwokwa ompö tïkwïn lapay lö ato opöghisyekwa le ani, kïmïchini angaraka pich cho nyörkölöle, akïkaram anana ngölyonto Echotyontenyo Yeso nyay kimwa nyinte lö, ‘Mi ngörekyö nyo wow otinö kakitötö kïsir ketach.’ ”

RUMI 12:8

Ato ko ropöwonto kikilöto pich, kukil pich lenyoni. Kïkany chi nyo pöghöy pich, kwigh lenyoni ompö mu nyo karam, akwanka tïkwïl nyo ghyongchini pich, kughyongchï lasiny akwanka tïkwïl nyo syonchini pich kwigh lenyoni ompö ngörekyö.

2 KORINTO 8:12

Ompöwölo toköy Tororöt kïgh nyo mököy chi kutötoy amelö nyo mötïngnye.

KINONO KIRURUT 15:14

Otöninekwa nyinte ompö köromnyö: kechir nko pagh nko dipay,* kïrïp kegh nko wölini kesoyöntokwa ECHOTYON Tororötïnkwa.

PILEMON 1:14

Wölo melö komökan omwoghöy lö ngaraka ompö lasïma, wölo le wölini kechamanyi nyinte. Kïlenyona moghanye kïgh anka tïkwïl ompö ngölyontononi ato mechamanyinye.

YAKOPO 5:9

Tupchenichu, mongwïrngwïronchï kegh akwane atömerwokwok Tororöt. Anyona nyu kirwokinte, mi kukat, mi kïpsach kwitu.

1 PETRO 4:9

Atach kegh akwane ompö kestonikwo amongwïrngwïronchö.