2 KORINTO 9:13 - PIPÏLIA

¹³ Akwompöwölo rumunote kikïniniot nyo pö ighisyenkwa, kïchongitu nyu pich cho sölöy Tororöt ompö kighanatenkwa nyo otïngetekwa ompö Lökoyo Kristo cho Karamach nko tïkwïl ompö tïkwïn cho otöninekwa chane nko pikö walaka.

2 KORINTO 9:13 ပူးပေါင်းရင်းမြစ်များ

TUMWÖY 50:23

Konyïtanïn chi nyo konanïn sörö le amörostanyi asörunan nyo mötïny chi anka tïkwïl nyo rïpöy ngalechan.” Ompö kintöghoghinto tumï. Tum pö Daudi, otini kikïmwochï werkoyon Natan nyinte paraku cheporesnanenyi nko Patsyepa.

MATAYO 5:16

Akanya nyu kulïwunö löpoyïntöngwo tawu pich atökïsïwa chane ighisyewutkökwa cho karamach atökïsal Papongwo nyo mi yïm.

MATAYO 9:8

Otini kisïwa söpïchoni, kuwöghisyö akukus Tororöt nyo kitö pich wowïn nyo lata nyoni.

LUKA 6:46

“Ompö ne tokuranïkwa lö, ‘Echotyon, Echotyon,’ amelö oghekwa le nyo komwowokwa?

YOANA 15:8

Kïkonyïtöy Paponyan ato ayinukwa akwa cho chang alïkwï nyu ompö aranoni kinetankachi.

IGHISYEWUT 11:18

Kïkany kïlïm chane ngalechoni, kïsisyö akïsal Tororöt lö, “Nkïchï kikutö Tororöt pipö punton pöroyïn nyo kötegho atökïsöpchö!”

IGHISYEWUT 4:21

Kïkany kwotyeghö Kokwö chane ngat kumuchö, kutyakta kïpa. Kimemïcha kïmuny chane, ompöwölo kimi pich kïsölöy Tororöt ompö tïkwïn cho kighisyö.

RUMI 10:16

Wölo melö chane lapay cho kirïp Lökoy cho Karamach, ompöwölo kimwa Isaya nyinte lö, “Echotyon ngo nyo kighan ngalecha nya?”

RUMI 12:8

Ato ko ropöwonto kikilöto pich, kukil pich lenyoni. Kïkany chi nyo pöghöy pich, kwigh lenyoni ompö mu nyo karam, akwanka tïkwïl nyo ghyongchini pich, kughyongchï lasiny akwanka tïkwïl nyo syonchini pich kwigh lenyoni ompö ngörekyö.

RUMI 15:31

Osoghwante atachïwïta pich cho mi Yudea cho meghönöcha Yeso Kristo, asagha ngat atökïcham pipö Tororöt cho mi Yerusalem ighisyenyan.

RUMI 16:26

wölo kikengongwï ye kuwerï Kikirut pö werkoy. Akwompö kuti Tororöt nyo satate kokay, keporchï pipö punton löwïr ngalechoni pö man atökumï chane tïkwïl kughan nyinte akïrïp ngalechi.

2 KORINTO 10:5

Kiwurecha kimölöto kegh nko kïgh anka tïkwïl nyo nisönöy akupapech pich kïlowöchitunö kinkïtöto Tororöt. Kighecha kinonut anka tïkwïl kïlïkwï naman akechikyï kïterchï Kristo,

2 KORINTO 2:12

Kyamtan Lökoy cho Karamach cho pö Kristo otini kyatan Troa. Kyonyorchan atoni kukat nyo yatate ompö ighisyo Echotyon.

2 KORINTO 8:4

Kisaghecha nyoman ketönöcha chane pöroyïn nyo ghömechini ighisyononi kingöroköy pipö Tororöt,

2 KORINTO 9:14

Kïlenyona nyu, soghwokwa chane ompö lïmchin nyo mi mïkulöwekwa ori, ompöwölo kikonokwa Tororöt pöropchö nyo sis.

KALATIA 1:24

Kïsal nyu pïchoni Tororöt ompö ani.

1 TIMOTEO 6:12

Iporyö lasiny poryo kighanat ainam lö kïng söpon pö kokay nyo kikurchinyi Tororöt otini kimwaghenyi kutingu lö kaghan Kristo ompö tawu söwï cho chang.

1 TIMOTEO 6:13

Ochilinyi ompö tawu Tororöt nyo töni söpon tïkwïn löwïr nko tawu Kristo Yeso nyo kitötö söwintön nyo pö man ompö tawu Pontio Pilato,

EPRANIA 10:23

Kenama nyu lasiny mwaghateto kikönötenyo nyo kakeghan ompöwölo ghanate Tororöt nyini kiyomisï.

EPRANIA 13:16

Mowutyeghö oghchï pich nyo karam angarak kegh akwane, ompöwölo amörostin cho lata choni cho chömöy Tororöt.

EPRANIA 3:1

Tupchenicho cho ochï pipö Kristo cho kikurok Tororöt! Anan Yeso, nyo kiyokwï Tororöt akï Tïsin nyo Wow* nyo pö kighanat nyo kïmwotïtoy.

EPRANIA 4:14

Mïchinecha nyu kenama lasiny kighanatenyo. Ompöwölo kïtïngetecha Tïsin nyo Wow nyo kiwö ntökwit wölo mi Tororöt Yeso, Wero Tororöt.

EPRANIA 5:9

Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.

RUS 2:19

Kïtep Naomi nyinte lö, “Kerorönyi para ngo asete? Akepöghisyeghenyi onö? Soyönote chichini kesyonchinyi.” Kïmwochï nyu Rus lö, “Komitan para chi nyo kïkuro Poas.”