2 KORINTO 8:2 - PIPÏLIA

² Kikïtyam kighöniko kanisenichoni nyoman ompö nyarïl, wölo ki wow ngörekyengwa nyo kimï kïpagh pich cho chang kïrkegh ki mey chane tya.

2 KORINTO 8:2 ပူးပေါင်းရင်းမြစ်များ

NGÖTÏNYÖ 11:25

Sïkönonöy chi nyo le pöropchon akï chi nyo töni chi pögh, ketöni nyinte tïkwïl.

MATAYO 20:15

Kömotïngetanye so man otötö tïkuchu le wölo komöktoy? Kelilinyi so köromïntanyan?’ ”

RUMI 12:8

Ato ko ropöwonto kikilöto pich, kukil pich lenyoni. Kïkany chi nyo pöghöy pich, kwigh lenyoni ompö mu nyo karam, akwanka tïkwïl nyo ghyongchini pich, kughyongchï lasiny akwanka tïkwïl nyo syonchini pich kwigh lenyoni ompö ngörekyö.

RUMI 2:4

Nkï töptoy isösenyi köromnyenyi nyo wow nko mïkukönötenyi nya? Menkïtönyinye so lö karam Tororöt lenyoni ompöwölo kökoninyi pöroyïn kötenö ngokï?

2 KORINTO 1:12

Kïkwolecha kegh ompöwölo söwintönchini mïkulöwecha lö, kakemangacha ompö tïlilyö nko kitenat, mïr tya atanya kimitecha nka akwa. Melö kintöghoghwecha ngöghomnyo ptangengmöt kïpoto pöropcho Tororöt.

2 KORINTO 2:9

Nka nyoni kïgh nyo kighanïn akir palalyantananye atömanyïn atyamakwa atonkïtwan ompö akwa lö omitekwa kipsach aripa ngalechoni löwïr.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.

2 KORINTO 9:11

Ighokwa nyinte alïkuna sïkön ompö kïgh anka tïkwïl atamuka atasa tagh osïkö tïkwïn cho opögho pich kïnomnyö, atökumï chane kïsal Tororöt ompö ropöwekwa cho chang cho sïkenokwa chane.

2 KORINTO 9:13

Akwompöwölo rumunote kikïniniot nyo pö ighisyenkwa, kïchongitu nyu pich cho sölöy Tororöt ompö kighanatenkwa nyo otïngetekwa ompö Lökoyo Kristo cho Karamach nko tïkwïl ompö tïkwïn cho otöninekwa chane nko pikö walaka.

KINONO KIRURUT 15:4

“Wölo mörumunocha meyï korenkwa, ompöwölo soyönokwa ECHOTYON Tororötïnkwa lasiny ompö koronini konokwa.

1 TESALONIKE 1:6

Kyarïpakwa otöptöncha nko nyo pö Echotyon akï kïrkegh kyowongukwa nyoman, wölo kyatachakwa ngölyontononi ompö ngörekyö nyo kikonokwa Mïkulögh nyo Tïlil.

1 TESALONIKE 2:14

Tupchenicho, könyorwokwa ngalechoni ghach kinyorï kaniseni Tororöt cho mi Yudea cho kinyorï piko wöloni cho kikilïkwï pipö Kristo Yeso. Kichopokwa kong pikökwo le wölo kichopta chane kong pipö Yaudi,

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

NGONGUT 2:9

Onkïtön nyörilwokökwa nko chopatengu, wölo ichinyi sïkön, ankïtön ngalechoni ghach ngöloneninyi pich cho lentöy kïchï pipö Yaudi amenkacha, pö chane Onyöt!