2 KORINTO 6:7 - PIPÏLIA

⁷ ompö amtaghtancha nyo pö man nko ompö owesyo Tororöt. Lïku man karicha cho kïporyegho akeripo kegh ompö ewu tagh nko nyo pö löt.

2 KORINTO 6:7 ပူးပေါင်းရင်းမြစ်များ

TUMWÖY 119:43

Ighante amwa ngölyonto man kïtenö osis, ompöwölo mi kikönötenyan kirurutköku.

WUWÖT 14:22

Kuwer pipö Israel nanam kwen wölo tïyame, kïlïkwï pögh nayat ompö ewu tagh nko ewu löt ompö chane.

NGÖTÏNYÖ 3:16

Mi osiswö cho chang ewunyi nyo pö tagh, akïmi sïkönöt nko konyït ewunyi nyo pö löt.

ISAYA 11:5

Lïku man angweto muyenyi nyo röto kegh, akïlïkwï kighanata angwa nyo röto kegh.

ISAYA 59:17

Loköy nyinte man le ato kiloköy karïn nyo körtoy takat nko rïntagh le kopiyo. Lokyini kegh machat nyo awes atökwigh tïkwïn kuten akuchop kong kutak tïkwïn cho kewongunö pich.

MARKO 16:20

Kïpa wop lapay akwamtata kimi Echotyon kïpöghisïyi nko chane akuchichim ngölyotononi, pö amtaghtangwa kutö machey nyo kinomnyoto tïkwïl.]

IGHISYEWUT 11:21

Kimi owesyo Echotyon nko chane, kughan pich cho chang nyoman akïrïp Echotyon.

1 KORINTO 1:24

wölo nyu owesyo Tororöt Kristo, akï ngöghomnyo Tororöt nyinte ompö pich cho kikekur ato kö chi pö Yaudi, anta chi pö Krik.

2 KORINTO 13:4

Ompöwölo, kïrkegh kikïwudochï nyinte kimurtöwon ompö nyörkölelyö, wölo satate nyinte ye ompö owesyo Tororöt. Kïchicha tïkwïl nyörkölölech otini kakïtuyecha nko nyinte, wölo kiporecha owesyo Tororöt ompö söpontanyi otini kakïtuyecha nko akwa.

2 KORINTO 2:17

Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.

2 KORINTO 4:2

Kakïpïstecha ngala arasï löwïr cho wïngote. Melö tökepöghisyeghocha lïs anta kïpöghisyeghö ngölyonto Tororöt ompö putintön. Kiportocha man otini kighecha man atöketönöcha sïkunöto chi anka tïkwïl kurwokyecha ompö tawu Tororöt.

2 KORINTO 7:14

Kyokwolokwa nyoman ompö tawunyi amelö mi chi nyo kilïsanïn ompö kwolötononi. Kïmitecha kemwowokwa ngala man kïtenö osis nka nyoni poru lö man kwolötononi kikïmwochicha Tito.

EPESO 1:13

Kighakwa Tororöt alïkuna pikachi akwa chona kyalïm ngölyonto man, nyoni kï Lökoy cho Karamach cho kipkokwa sörunötengwo akyaghanakwa Kristo, akïpelchokwa Tororöt machey nyoni. Kï Mïkulögh nyo Tïlil nyo kikikuyomisï pikachi.

EPESO 3:20

Nya kïsala nyinte nyo muköy kwighöy tïkwïn cho pö töngönchin kïtïl cho kïsomecha anta cho kinonecha ompö kimukata owesyö nyo pöghisïyi ompö orincha.

EPESO 4:21

Kyalïmakwa ngalechi nyoman, kïkany otini kyalïkukwa rïpankachi, kenetokwa ngala man cho mi oripö Yeso.

KOLOSAY 1:5

Ghyongo kighanatenkwa nko chomnyenkwa kikönöt nyo kikekomönwokwa ompö yïm. Kyalïmakwa ngala kikönötononi panto tagh atanya kikyomwokwa Lökoy cho Karamach cho pö man.

1 TESALONIKE 5:8

Wölo kichicha pipö pöghet akïmïchinecha keripö kegh. Mïchinecha kelacha kighanat nko chomnyogh le longa nyo körtonecha takat nko kikönötencha nyo pö sörunöt le kopiyo karïn.

2 TIMOTEO 2:15

Inoghyö lasiny tökïcham Tororöt pöghisyengu ailïkwï, chi nyo mötïngnye lolïyönöte ompö pöghisyenyi akï chi nyo netöy ngölyonto Tororöt kuten.

2 TIMOTEO 4:7

Koporyan poryot nyo karam, akorïpön ntat sörömu kirïpöt, akaman lasiny kighanat.

EPRANIA 2:4

Kïsöwintönchï Tororöt tïkwïl kighanatengwa kwigh kiporunöt anka tïkwïl nko töngönchin ompö tïkwïn cho chang akïchöghchï chane konut cho pö Mïkulögh nyo Tïlil kïrïp kegh nko chamatenyi.

YAKOPO 1:18

Kiyiyecha nyinte ompö machatenyi ompö ngölyontenyi nyo pö man atökelïkuna cho pö tagh ompö tïkwïn lapay cho kigh nyinte.