2 KORINTO 6:4 - PIPÏLIA

⁴ Nyinö kötö kighecha lenyoni, keporucha kegh lasiny lö kïchicha mötwori Tororöt ompö kïgh anka tïkwïl nyo kighecha ompö mïkukönöt nyo wow ompö osiswo kichopat nko kömpölelyö nko nyarïl.

2 KORINTO 6:4 ပူးပေါင်းရင်းမြစ်များ

ISAYA 61:6

Kïkurenokwa nyu, “Tïsi ECHOTYON,” akekurokwa lö, “Mötwori Tororötïncha.” Omekwa sïkönöto pipö koros akwolökwa kegh sïkönötengwa.

YOEL 1:9

Mömicha ropöwo pagh nko tïsöw Kö pö Tororöt.* Ay, alokyenö nyu tïsï cho opöghisyechini ECHOTYON.

YOEL 2:17

Akanya kïlokyö tïsï cho pöghisyechini ECHOTYON ompö kwenu ato kïpelo amöros nko kuka Kö pö Tororöt* akïsagh lö, ‘Syonchinö piköku, we ECHOTYON. Mepïstö piköku kesas amekany kïroröchï puntonï. Pö ne kïmwa pich lö, “Mi onö tororötïngwa?’ ”

LUKA 21:19

Achïchïm nyu lasiny tonyorunö söpon.

YOANA 16:33

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

IGHISYEWUT 2:22

“Atere ngalechï pipö Israel! Yeso nyo pö Nasaret kï chi nyo kikïla Tororöt kwenunkwa akutö ighisyö nyo pö owesyö nko töngönchin nko kimukat nko kiporunöt cho kigha Tororöt kwenunkwa ngalechoni kuwerï Yeso le wölo onkïtïtekwa so.

IGHISYEWUT 20:34

Ankïtökwa akwane lö kyopöghisyeghan ewunechan chete atonyorï möchutköchan kegh nko cho pö pich cho kyomitan tïkwïl.

IGHISYEWUT 9:16

Ompöwölo oporchinan nyinte tïkwïn lapay cho mïchini kïsïkö nyinte nyarïl ompö kaynenyan.”

RUMI 14:18

Akï chi nyo pöghisyechini Kristo lenyoni kïngörokyini Tororöt akï tïng nyinte tokoch nyo karam ompö pich.

RUMI 16:10

Otokweswante Apele nyo kikuporï kegh lasiny lö rïpöy Kristo. Otokweswante pich löwïr cho mi kö pö Aristopulo.

RUMI 3:5

Wölo ekemwoghecha ne nyu ato poru ghöyityö nyo kighecha lö ighöy Tororöt man? Muko kemwaghacha lö kalel Tororöt otini kömungecha? (Olentan mwoghöy pich ataye lenyoni.)

RUMI 5:8

Wölo kikuporwecha Tororöt lö chömecha nyinte nyoman, ompöwölo kima Kristo ompö acha, otini kitökechicha mwokïyis!

1 KORINTO 3:5

Ngo Apolo nya? Kï ngo Paulö? Kichicha mötwori Tororöt cho kipkokwa ngala kighanat, lenyini kitö ighöy chi anka tïkwïl ompö acha ighisyö nyo ketö Echotyon nyinte.

1 KORINTO 4:1

Nya kuyitecha chi lö kichicha mötwori Kristo akechï komöni wïngut pö Tororöt.

1 KORINTO 9:11

Ato kikïlechicha kösïgho mïkulögh kwenunkwa, kïpïchighitu tya ato kïsïkecha tösunöto por wölo omitekwa?

2 KORINTO 11:23

Mötwori Kristo so chane? Ochan tïkwïl, angölonan lenyoni le chepoyï, lö ochan mötworinto Kristo kïtïl chane! Kaghan ighisyö nyo aghïgh tya, kikïtorchanïn chela kïnyïl cho chang tya akemungenanïn syaritin kïnyïl cho chang tya. Kyachïwïtan meghat kïnyïl cho chang.

2 KORINTO 11:27

Kyopöghisyan awongwï kïnyïl cho chang. Kyowestan akimonyorwanye rïwön kïnyïl cho chang. Kyamanïn kömöy nko maral, akïruran kïnyïl cho chang, ampur wölo kaghït amotïng sïra.

2 KORINTO 11:9

Kïkany atanye kyomitan nko akwa, kïmelö kyosusenokwa kingarakata ropïyen. Kipkanïn werköcho cho kipkono Makedonia kïgh anka tïkwïl nyo kyomökan. Kyoripön kegh lasiny atömokonokwa nïkisïn anka tïkwïl akïtomitan oghöy lenyoni.

2 KORINTO 12:10

Kïlenyona, ochömonan kegh nyörkölelut nko chïput nko nyörilwok nko kinyarilata kong nko kiwongunöt ompö Kristo, ompöwölo otini ochan nyarkalal, kï atoni ato ochan awes.

2 KORINTO 12:12

Kighisyeghö möcheyut nko töngönchintin kwenunkwa ompö mïkukönöt nyo wow nyo kïniniot nyoman lö ochan kiyoktoghin.*

2 KORINTO 2:17

Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.

2 KORINTO 3:6

ompöwölo nyinte nyo kighecha kemuka kepöghisyechinö muma nyo rel, muma nyo melö pö kirurut cho kikikir, wölo nyo pö Mïkulögh. Ompöwölo ipu meghat kirurut cho kirote, wölo ipu Mïkulögh söpon.

2 KORINTO 4:17

Kïnyorunecha kömpölelut ye atö ipkecha ororyö nyo tïlöy kinonutköcha löwïr, ororyö nyo mötïngnye söröm.

2 KORINTO 4:2

Kakïpïstecha ngala arasï löwïr cho wïngote. Melö tökepöghisyeghocha lïs anta kïpöghisyeghö ngölyonto Tororöt ompö putintön. Kiportocha man otini kighecha man atöketönöcha sïkunöto chi anka tïkwïl kurwokyecha ompö tawu Tororöt.

2 KORINTO 4:8

Kinyörilecha kong ompö or anka tïkwïl, wölo tomönye kewanyecha. Kïtomtomönecha, wölo melö meghsonecha mutïnö.

2 KORINTO 7:11

Arose köny, kïgh nyo kigh Tororöt ompö kiwongunötenkwa kïrïp kegh nko tötutyenyi. Rose lö keghakwa ye okilö kegh tya ompö orinkwa, akwighakwa osïkö machat nyo tya nyo poru lö ochikwa kïltït! Kyonörekyekwa awöghisyö. Omitekwa onoghyot, amitö kïpsach asïwena lö kegha man. Kokïniniekwa nyu ompö or anka tïkwïl lö motïngetekwanye lelut ompö ngölyontononi.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

1 TESALONIKE 3:7

Kïlenyona, nyu tupchenicho, kekilecha kighanatenkwa otini kïmitecha nyarïl nko kiwongunöt.

1 TESALONIKE 5:14

Akesoghokwa ngat tupchenicho lö, aneta pich cho le soson, akil cho nyökoröch, angarak cho nyörkölöl, amïkukön nko pich löwïr.

1 TIMOTEO 2:15

Kïrkegh kïlenyona, kesöru korka ompö yiyöto monïng ato tastagh nyinte ompö kighanat nko chomnyogh nko tïlilyö nko ripöto kegh.

1 TIMOTEO 4:6

Ato inetanyi tupchenicho kinetutchï, ilïkunenyi mötworinto Kristo Yeso nyo karam, otini ipöghonyi kegh ngala kighanat nko kinetut pö man cho irïpenyi.

1 TIMOTEO 6:11

Wölo nyi, chi pö Tororöt malena kegh ngalechoni löwïr airïp ara man aikonyït Tororöt. Nama kighanat nko chomnyogh nko mïkukönöt nko tölosyö.

2 TIMOTEO 1:8

Kïlenyona melalïyan isöwintönchï Echotyontenyo, amelalïyan ompö ani nyo kikïtorchon chela ompö parakunyi. Wölo chengchinö kegh kareran nyo pö kiwongunöt ompö amtagh pö Lökoy cho Karamach, kïle wölini koninyi Tororöt owesyö.

2 TIMOTEO 2:24

Mömïchininye mötworinto Echotyon kïlïkwï chi nyo le syölin. Mïchini nyinte kuporï tölosyö ompö pich lapay, akïlïkwï konetin nyo karam nyo le mïkukönin.

2 TIMOTEO 4:5

Wölo mïchininyi ripö kegh, amekany kumirïn kïgh anka tïkwïl. Kamagha nyörïlwok, igha pöghisyö nyo kyomtoy Lökoy cho Karamach, ailïtit pöghisyengu nyo kikonïn Tororöt.

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

NGONGUT 1:9

Ochan werïnkwa Yoana nyo oghömöy nyarïlwok ompö mïkukönöt nko akwa, cho nyoru pich cho kikïghömö nko Yeso akïpöyit Pöyunötenyi ompö. Kikitönanïn Patmos kor nyo kikwen nanam, ompöwölo kyomtonan ngölyonto Tororöt asöwintönchini Yeso.

NGONGUT 3:10

Akwompöwölo keripönyi ngölyontenyan aimïkukön, oripinyi nyu tïkwïl ompö asispa työmut nyo ityini pipö ngwïny kïmïkul atöketyam chane löwïr.