2 KORINTO 6:18 - PIPÏLIA

¹⁸ Olïkunan Paponkwa alïkukwa werköchan mwoghöy Echotyon Kimuktoghin.”

2 KORINTO 6:18 ပူးပေါင်းရင်းမြစ်များ

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

TOWUNÖT 48:3

Akïlenchï Yakopo Yosep, “Kengwïnchanïn Tororöt Kimuktoghin ompö Lus koro Kanan akusoyönanïn,

2 SAMWEL 7:14

Olïkunan paponyi, kïlïkwï nyinte werïnyan. Ato igh ngokï, omungan le atay mungöy papo montanyi.

1 OTÖPTINO OSIS 17:13

Olïkunan paponyi, kïlïkwï nyinte werïnyan. Mochenganye kingörokutyenyan ompö nyinte le ato kyachengan Saulö, nyo kyanateghan ompö tawungu atelïkunanyi pöytoghin.

TUMWÖY 22:30

Pöghisyechini nyinte pïnwöy cho tökeyiyöy, mwochini pich pïnwöy cho tökïpkonöy lökoyo ECHOTYON.

ISAYA 43:6

Omwochinan pipö ewu löt kïpïstö chane, amwochan cho pö ewu tagh kutyak chane. Nya kïmïlisyeghö chane koros cho lowöch, nya kïpkana koroswo ngwïny löwïr.

YEREMIA 3:19

“ ‘Kyononchan kegh lö, Israel, opï kechinyi akonga ompö monechan, akoninyi kor nyo karam nyoman, kor nyo pïchigh kïtïl koros löwïr. Kyolentan ikuraninyi lö, “Paponyu,” amelö kepïstonenyi rïpanïn kokay.

YEREMIA 31:1

Lentöy ECHOTYON, “Ompö osiswechoni, konyïtanïn kestoni pipö Israel löwïr lö ochan Tororötïngwa akïlïkwï chane piköchan.”

YEREMIA 31:9

Mïlisyot piköchan kïlokyonu, omïtunan osoghsoghonu chane, kuweranï lalwatïn cho mi pögh. Pegho or nyo tapulul nyo puryö kïgh nyo kwötöy chane, ompöwölo ochan papoto Israel, akï poretyenyan Epraim.

YOANA 1:12

Wölo pich löwïr cho kïtak akughan nyinte, kwigh chane kïlïkwï monïngo Tororöt.

RUMI 8:19

Ompöwölo köngöy kïgh anka tïkwïl nyo kikigh ompö emö nyo wow asis nyo ngongu Tororöt monechi.

RUMI 8:29

Ompöwölo pich cho kinya Tororöt kïkïl kïngeta otini le könyisyok kï kilöwön lö lïku chane cho körökegh woptöngwa atökïkarkegh nko Werïnyi, atömanyïl kïlïkwï nyinte poret nyo kwenu monïngo Tororöt cho chang.

KALATIA 3:26

Kalïkukwa löwïr monïngo Tororöt ompö kighanat otini kotuyekwa nko Kristo Yeso.

EPESO 1:5

Kinya Tororöt kïkïlecha könyisyok kelïkuna monechi ompö ara Yeso Kristo, kïle wölo lata köromnyö nyo pö machatenyi.

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

NGONGUT 21:22

Kimosöchanye Kö pö Tororöt kanasyantanoni ompöwölo nyinte Echotyon Tororöt Kimuktoghin nko Wawa Kech nyo le Kö pö Tororöt ompö kanasyantanoni.

NGONGUT 21:7

Anka tïkwïl nyo rïntoy otöninan tïkuchete löwïr, alïkunan Tororötïnyi, kïlïkwï nyinte montönyan.