13 Ongölonwokwa ye le ato ongölonchinan monechu akany ya kïyotisyö mïkulöwekwa lasiny ompö acha le wölo kikidecha chicho.
Orïpan kirurutköku ompö machat, ompöwölo itöswaninyi pköchin.
Ochan ECHOTYON Tororötïnkwa nyo kyamïtunenekwa koro Misri. Ayata kutïwekwo atapaghakwa.
Kïlenyona omwowokwa lö, kïgh anka tïkwïl nyo osomekwa ompö saghat, aghan lö kyonyorukwa, anyorunekwa lenyoni.
Osomokwa nyoman werköcho lö, otïpinö le wölo alatan, ompöwölo otöponan tïkwïl le akwa. Tomönye olelchanïkwa nyonikïny.
Monechu cho mïnkech, otïngetan ngwonïn ompö akwa nyo lata nyo pö kama monïng nyo karich kïlusyö tökïtenö kwitïta ato rumuno Kristo orinkwa!
Onkïtökwa lö kikighchicha chi anka tïkwïl ompö kwenunkwa le wölo köteghchini papo monechi kegh.
Kakirwakwa ngalechï monechu kïle nyo wow ompö akwa, atömagh ngokï. Wölo ato igh chi ngokï, ketïngetecha kingörokin nyo ighöy man, Yeso Kristo* nyo ipöy soghutköcha wölo mi Papo.
Monechu, merokonye keporunöcha chomnyenyo ompö ngal nko ngalanat pat. Mïchini kïlïkwï nyincha chomnyogh nyo pö man nyo kïsïwïyegho ighisyewut.
Makany kïlïsak chi monechu! Chi anka tïkwïl nyo ighöy tïpö man, kï pö man, le wölo pö man Kristo tïkwïl.
Möminye kïgh nyo konanïn ngörekyö nyo wow kïsir alïman lö tïpisot monechan ompö man.