2 KORINTO 5:9 - PIPÏLIA

⁹ Wölo kïgh nyo wow kïsïr, kï keghacha tïkwïn cho mököy nyinte ato kö ompö ngwïnyinete anta kö woptö anka.

2 KORINTO 5:9 ပူးပေါင်းရင်းမြစ်များ

TOWUNÖT 4:7

Ntökeghanyi nyo karam, kötö kïtokinyi. Wölo ato ighenyi nyo gha, kïmito ngokï kukat kusyepinyi. Pïrchini kïpöytoninyi, wölo mïchini rïntenanyi.”

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

YOANA 6:27

Mosïngo omisyö nyo wonyot, wölo asïngena omisyö nyo ghyongtoy ntökwitïta söpon pö kokay. Konokwa omisyononi Wero Chi nyo kakukïniniö Paponyi Tororöt akutö nyinte macheyunyi nyo pö chamat.”

IGHISYEWUT 10:35

Wölo chi anka tïkwïl nyo pö punton nyo konyïtöy nyinte akwighöy man kïtoköy nyinte.

RUMI 14:18

Akï chi nyo pöghisyechini Kristo lenyoni kïngörokyini Tororöt akï tïng nyinte tokoch nyo karam ompö pich.

RUMI 14:8

Ato tökesöpchonecha anta kikemeghö, kemitecha lenyoni ompö Echotyon. Kïlenyona nyu ato tökesöpchonecha anta kikemeghö, kepoyecha Echotyon.

RUMI 15:20

Machatenyan kïtenö osis kï omchï pich Lökoy cho Karamach ompö wop anka tïkwïl wölo tomönye kelïma kaynata Kristo, atömalïkwan chi nyo teköy paraku kitoröto chitö anka.

1 KORINTO 15:58

Kïlenyona Werköcho cho le chaman achïchïma, amakany ketimtimok, alet tagh agh ighisyo Echotyon kïtenö osis, ompöwölo onkïtökwa lö möpönye kwïle pöghisyenkwa nyo opöghisyechinekwa Echotyon.

2 KORINTO 5:6

Kïmitecha nyu kekilöy kegh kïnomnyö. Kinkïtöcha lö otini tökemitenöcha orito porete, kïtökechicha lowöch nko Echotyon.

2 KORINTO 5:8

Kïchicha nyökon akepïrchinecha lö tökïwuwö möngonete akepa ketïpï nko Echotyon.

EPESO 1:6

Kesala nyu Tororöt ompö pöropchenyi nyo töror nyo kikonecha nyinte kwïle ompö Werïnyi nyo le chamanenyi!

KOLOSAY 1:10

Omukekwa nyu omöngisyö kïrïp kegh nko machata Tororöt, amukakwa agh kïnomnyö tïkwïn cho ngörokyini Echotyon. Oporunekwa ompö söponwekwa ighisyewut cho karamach atasakwa tagh onkïtunö Tororöt tya.

KOLOSAY 1:29

Kïlenyona omitan okilöy kegh opöghisïyi atökwighisyö ngalechoni. Opöghisyeghonan owesyö nyo wow nyo konanïn Kristo akwowesyononi nyo pöghisïyi ompö orinyan.

1 TESALONIKE 4:1

Sörömuto choni nyu, tupchenicho, kyanetekwa kegh acha otöp nyo ngörökyini Tororöt. Akï nyoman komitekwa omöngisïyi lenyoni. Kïsomecha ye nyu akwa nyoman akesoghokwa ompö kaynata Echotyon Yeso lö, atasa tagh lenyoni.

1 TESALONIKE 4:11

Amak lasiny otöp nyo mötïngnye kisusöt, mïchini chi anka tïkwïl kïsïnga tïkuchi kegh akwigh ighisyenyi ompö ewunechi le atanye kikïnyaghacha kemwowokwa tagh.

1 TIMOTEO 4:10

Kinoghyonecha ompö pöghisyö anka tïkwïl nyoman ompöwölo kiketönöcha kikönötenyo wölo mi Tororöt nyo söpöy akï nyo le Ghetinto pich lapay, kï mïr tya pich cho kikughan.

EPRANIA 12:28

Kesoyönisyenö nyu, ompöwölo kakekonecha pöyunöt nyo metimtimonye. Kesoyönisyenö akesagh Tororöt kïle wölo chömtoy nyinte ompö rïngata kegh nko kiwaghat,

EPRANIA 4:11

Kekilö nyu kegh kelïtö kimungötononi atömötöp ntökïchïnta chi nyonikïny ompö akwa nyo pïstoy kimungötononi le wölo kitagh pïchoni ompöwölo kimötïngcha kighanat.

2 PETRO 3:14

Kïlenyona nyu, kongotichu, otini omitekwa oköngöy Asisoni, okilö kegh lasiny alïkwï pich cho tïlilöch akï cho puryö lelut ompö tawu Tororöt, asïch kalya nko nyinte.