2 KORINTO 5:21 - PIPÏLIA

²¹ Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

2 KORINTO 5:21 ပူးပေါင်းရင်းမြစ်များ

YEREMIA 23:26

Mïröy putintönengwa akïmwoghöy lïs nyo kinyïghï mïkuliskökwa akwigh piköchan kupotyö nko oyï nya wey?

YEREMIA 33:16

Kïsöru pipö Yuda nko Yerusalem kïtïpï ompö kalya akïsïköy kanasyantanoni kaynat nyo kïlentöy, ‘ECHOTYON nyo le sörunintencha.’

DANIEL 9:24

“Kakïmutyï piköku nko kanasyan nyo tïlil könyis 70 kïnyïl mut nko odeny atökïpïstö ngokï nko ghöyïn atökemista ngokï akegh man nyo pö kokay atökïpïntö ngala sïwïyagh nko werkoynön aketïlil Kö pö Tororöt* nyo tïlil.

DANIEL 9:26

Nyini kewonyö könyiswechoni, kepar pöytoghintonay kikengot akï puryö chi nyo mïlöy nyinte. Kunyar lïko pöytoghin nyo awes kanasyante nko Kö pö Tororöt. Ngwïnöy nyu söröm le puseryon akwipï poryot nko kinyarat lenyini kikïtat Tororöt.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

KIYITUT 21:9

Kilenyona kwigh Musa moroyo tay akukach ket nyo sakate, chi anka tïkwïl nyo kasïr moroya akïtopön moroyo tay kïsöpöy.

LUKA 1:35

Kuyokyï malaykayantanay lö, “Ngwïnchininyi Mïkulögh nyo Tïlil akuwuro owesyo Tororöt nyo Töror Tya parakungu, kïlenyona monïngoni iyiyenyi kekuro nyo tïlil, Wero Tororöt.

IGHISYEWUT 3:14

Wölo ataghakwa chi nyo Tïlil akï pö man. Omwochikwa Pilato kutyokwokwa pörin.

RUMI 1:17

Ngongu nyu Lökoy cho Karamach or nyo yityinegho Tororöt pich man ompö tawunyi. Aranoni kï kighanat akï kighanat ntökwit söröm. Kïle wölo mwoghöy Kikirut, “Söpöy chi nyo kikuyityï Tororöt man ompö ara kighanat.”

RUMI 4:25

Kikonï Tororöt Kristo* kungwïn kïma ompö ngokicha akututï nyinte atökeyitwecha man.

RUMI 5:19

Ompöwölo kïle wölini kikigh pich cho chang kïlïkwï mwokïyis ompö tighintöno chi akonga, kïlenyoni tïkwïl, yityini Tororöt pich cho chang man ato terchï chichoni pö man le akonga, Yeso Kristo.

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

2 KORINTO 5:17

Kïlenyona nyu ato tuyö kegh chi anka tïkwïl nko Kristo kïkalïkwï nyinte ighan nyo rel, kikuwer ngala köny, ketï otöp nyo rel.

KALATIA 3:13

Wölo kityakenecha Kristo chïpo kirurut otini kikasan nyinte chïpononi ompö acha. Ompöwölo mwoghöy Kikirut lö, “Chïpote chi anka tïkwïl nyo kiwuso ket.”

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

PILIPI 3:9

alinyö lasiny nko nyinte. Melö totïngetan ngat kiyityinogh pö man nyo kïnyoruno kïröto kirurut, wölo nyo ngwïno kighanat ompö Kristo, kiyityinogh pö man nyo ngwïno Tororöt nyo montoy kegh kighanat.

EPRANIA 4:15

Ompöwölo kïtïngetecha Tïsin nyo Wow nyo muköy ntökungarakecha ompö nyörkölelyenyo, nka nyoni kikïtyam nyinte ompö or anka tïkwïl le acha, akimeghnye ngokï.

EPRANIA 7:26

Yeso nyu onkït nyo le Tïsin nyo Wow* nyo mïchinecha. Tïlil nyinte akïmötïngnye lelut anta ngokï ompö orinyi. Kikepesyö nyinte nko mwokïyis aketotegha kïwö yïm parak.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

1 YOANA 3:5

Onkïtökwa lö kingwïn Kristo atökïngongoghta ngokicha, akï möminye ngokï orinyi.