2 KORINTO 5:17 - PIPÏLIA

¹⁷ Kïlenyona nyu ato tuyö kegh chi anka tïkwïl nko Kristo kïkalïkwï nyinte ighan nyo rel, kikuwer ngala köny, ketï otöp nyo rel.

2 KORINTO 5:17 ပူးပေါင်းရင်းမြစ်များ

TUMWÖY 51:10

Konante mïkulögh nyo karam, we Tororöt, aitö orinyan mïkulögh nyo sis.

ISAYA 45:17

Wölo söru ECHOTYON pipö Israel ompö sörunöt nyo pö kokay. Mololïyönekwanye anta omïghyö kokay.’ ”

ESEKEL 11:19

Otöninan chane mïkulögh akonga atönan mïkulögh nyo rel. Achengan mïkulögh nyo aghïgh ompö chane atolapay otönön mïkulögh nyo tapïlïl.

ESEKEL 18:31

“Opïstenö ngokï löwïr cho kaghakwa ompö tawunyan acheng mïkulögh nyo rel. Pö ne omeghenö nya we pipö Israel?

ESEKEL 36:26

Okonokwa mïkulögh nyo rel nko mïkulöwunyan nyo rel kïtöpö nko akwa. Atolapay ochengenekwa mïkulöwunï aghïgh le kogh akonokwa mïkulögh nyo tapïlïl.

MATAYO 12:33

“Ato anyïn ket kwonyïne akwechi ato ngwan ket kïngwonöch akwechi, ompöwölo kinkïtuno ket akwechi.

MATAYO 24:35

Weröy yïmö nko ngwïny, wölo meweröcha nyonikïny ngalechan.

LUKA 5:38

Wölo mïchini ketö dipay cho kötökeryököy tökol cho relach.

YOANA 14:20

Otini ketï asisoni, onkïtukwa nyu lö omitan orito Paponyu, omitekwa orinyan, le wölini omitan orinkwa.

YOANA 15:2

Töröy akïwirta morïn anka tïkwïl nyo mi orinyan nyo meyinunye akwa akïpïtyï morïn anka tïkwïl nyo karam tökuyin akwa cho chang.

YOANA 15:5

“Ochan sapipïyonte, ochikwa mori. Yinöy akwa cho chang chi nyo mi orinyan, amitan orinyi, ompöwölo momuchekwanye oghöy kïgh nyonikïny ato momitanye nko akwa.

YOANA 17:23

omitan oringwa imitenyi orinyan, atökïlïkwï chane akonga laras atökumï ngwïnya kunkïtï lö nyi nyo kiyokwanïn aichömenyi chane le wölini ichömtonaninyi.

YOANA 3:3

Kuyokyï Yeso lö, “Omwowunyi nyoman lö möminye chi nyo muköy kïsïwa Pöyunöto Tororöt kïpoto ato kïyï nyinte ngat.”

YOANA 3:5

Kuyokyï Yeso chichay lö, “Omwowunyi nyoman lö möminye chi nyo muköy kïlïtöy Pöyunöto Tororöt kïpoto ato kïyï nyinte ompö pögh nko Mïkulögh.

RUMI 16:10

Otokweswante Apele nyo kikuporï kegh lasiny lö rïpöy Kristo. Otokweswante pich löwïr cho mi kö pö Aristopulo.

RUMI 16:11

Otokweswo Erodion, nyo le chi pö Yaudi le ani nko pipö Kristo ompö ka Narkisi.

RUMI 16:3

Otokweswante Priska nko Akwila cho kïpöghisïyecha tïkwïl ompö ighisyo Kristo* Yeso.

RUMI 16:7

Otokweswo werköcha cho le pipö Yaudi le ani Androniko nko Yuniya chay kikïmitecha chela tïkwïl, akunkïtote chane lasiny ompö kiyoytoghi Kristo. Chane ompö cho kinya kughan Kristo kïtomö aghanan.

RUMI 16:9

Otokweswo Urpano nyo kikïpöghisyecha tïkwïl ompö ighisyo Kristo, atokweswante kongenyu Stakis.

RUMI 7:6

Wölo kiketyakenecha kirurut ye ompöwölo kikemeghecha ompö kïyoni kinamecha akïratecha. Kïlenyona nyu melö tökepöghisyechinecha Tororöt ngat le nyay pö köny nko kirurutchanya kikikir pö könyisyok, wölo kïpöghisyechinecha nyinte ye kïrïp kegh nko söpon nyo rel nyo pö mïkulögh.

RUMI 8:1

Kïlenyona nyu ye, mökurwokyininye Tororöt pich cho linyote nko Kristo* Yeso.

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

1 KORINTO 13:11

Kyangalanan le monïng otini kitochan monïng akïpköchanïn tïkwïn le monïng, anonsyan le monïng. Wölo otï le ye koyetwan, kyopïstan ye nyu ngala monïngnön.

2 KORINTO 12:2

Onkïtön chi akonga nyo pö Kristo* nyo kikimït könyis taman nko angwan cho kakuwer kïwö ntökwit yïm nyo pö sömök. (Melö onkïtön lö ekighisyö ngalechoni nyoman nya anta ki sïwïyagh. Tororöt nyo nkït.)

2 KORINTO 5:16

Melö tökepimecha ye nyu chi anka tïkwïl ompö ara par, kïrkegh kimi ato kikipimacha Kristo ompö ara por, wölo melö tökeghecha ye nyu ngat lenyoni.

2 KORINTO 5:19

Poru nyoni lö kilinyö kegh Tororöt nko pich ompö Kristo amelö kitökuyityï Tororöt chane ngokikwa. Kökonecha kemwatïtena ngölyontononi kilinyot pich nko nyinte.

2 KORINTO 5:21

Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

KALATIA 3:28

Mökïminye nyu ngat sisïn kwenu chi pö Yaudi nko chi pö punton anta kwenu sekeyon nko nyo tyakate anta kwenu mïrön nko korka. Kalïkukwa löwïr kïgh akonga otini koghömekwa nko Kristo Yeso.

KALATIA 5:6

Ompöwölo ato kaketuyecha nko Kristo Yeso kïmelö kïgh ato kakïpa tum anta ewo. Kïgh pat nyo pïchigh kï kighanat nyo pöghisïyi ompö chomnyogh.

KALATIA 6:15

Mökïghnye ato köwö chi tum anta ewo. Kïgh nyo pïchigh kï kelïkwï ighan nyo rel.

EPESO 2:10

Kïchicha ighanpa Tororöt kighecha nyinte ompö Kristo Yeso, atökegha ighisyewut cho karamach cho kisötwecha nyinte kegha könyisyok.

EPESO 2:15

Kiwang nyinte ompö meghenyi kirurut pö pipö Yaudi nko kinetutkökwa atömanyïl kwighuna puntonichoni kwodeny chi akonga cho tïng otöp nyo rel cho kakelinyö nko nyinte, akwompö aranoni kwipï kalya.

PILIPI 4:21

Otokwesï pipö Tororöt löwïr cho ghönöy Kristo Yeso, ketakwesakwa tupchenicho cho mi nko ani.