2 KORINTO 5:14 - PIPÏLIA

¹⁴ Ompöwölo pöywecha chomnyo Kristo otï le ye kakenkïtucha lö kimegha chi akong pich löwïr, poru nyu nyoni lö kakupar pich tïkwïl meghenyi.

2 KORINTO 5:14 ပူးပေါင်းရင်းမြစ်များ

1 OTÖPTINO OSIS 11:18

Kïnget pïchay kï sömök le nyökon akuwer möngo Pilisti kwen, akïrömunö pögh köyay pö pögh mi Petleem akwipchï Daudi. Wölo melö kigha nyinte kitö ECHOTYON,

AYUPU 32:18

Ompöwölo otïngetan ngal cho chang, konanïn sirmoy mïkulögh nyo mito orinyan.

TUM PÖ TUMWÖY 1:4

Nyonö mïtanïn kepïnö tïkwïl lawel, nya kumïtanïn pöytoghintö konyi wölnö rïwöy. Tökengörekyenöcha tïkwïl aketurönchï chomnyogh lasiny, akemeghyechï chomnyenyo, akanya kesala chomnyengu kïtïl dipay, owöy, mïchï kïchöminyi korï!

ISAYA 53:6

Kïkörecha kegh löwïr nko kechir cho kepotyö köwö chi anka tïkwïl ompö acha orenyi. Wölo ketö ECHOTYON parakunyi ghöyityo chi anka tïkwïl ompö acha.

MATAYO 20:28

le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”

LUKA 15:24

Ompöwölo kikyoghitön lö kima werïnyan, wölo anyï ye satate akikyoghitön lö, kikupot wölo kakïrumï.’ Kwomisyö pïchay akïngörekyö.

LUKA 15:32

Wölo kömïchecha kengörekyenö aketuronchö, ompöwölo kökikeghitöcha lö kima werïnkwa, wölo satate ye, akikïlentecha kökikupot wölo kikenyorï ye.’ ”

LUKA 24:29

Wölo kïmir chane nyinte akïlenchï, “Mpurö nko acha, ompöwölo ki kwimön akikungwïn tuwïn.” Kïlenyona, kïlït kanasyantanay akïtöpö nko chane.

YOANA 1:29

Kisïwa Yoana Yeso asista nyo kirïpöy kungwïnöy wölini kimi nyinte, kïmwochï pich lö, “Anyï Wawa Kecha Tororöt nyo ipöy ngokï ngwïny!

YOANA 11:25

Kïlenchï Yeso, “Ochan kitutunöt, achan söpon. Anka tïkwïl nyo ghönanïn, kïsöpöy, kïrkegh kökikïma.

YOANA 5:25

Amwowokwa nyoman lö, ngwïnöy asis akikungwïn asisoni ato lïmöy pich cho kimeghö kuti Wero Tororöt, akïsöpchöt chane cho lïmöy kutinoni.

IGHISYEWUT 18:5

Nyini kituna Sila nko Timoteo Makedonia, kwamta Paulö kïtenö asis ngölyonto Yeso, akunetöy pipö Yaudi lö, Yeso nyinte nyo le Kristo.*

RUMI 2:2

Nkït pich lapay lö, otini rwokyini Tororöt pich cho ighöy tïkwïn cho lata choni, kwighöy man.

RUMI 5:15

Wölo melö karkegh laras ompöwölo memukonye kekongityö ropöwonto Tororöt nko ngoki Adam. Pö man kemwa lö, kimeghö pich cho chang ompö ngoki chi akonga. Wölo wow tya pöropcho Tororöt akï wow tïkwïl ropöwontenyi ompö pich cho chang ompö pöropcho chi akonga, Yeso Kristo.

RUMI 6:13

Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

RUMI 6:6

Kinkïtöcha lö, kikewudochï otöptöncha nyay pö köny kimurtöwon nko nyinte atömanyïl kewur otöptöncha nyo pïrchini ngokï atömakelïkunacha ngat sekeyi ngokï.

1 KORINTO 16:22

Akanya kïchïpö chi anka tïkwïl nyo möchömönye Echotyon! Maranata, nyoni kï, Nyonö Echotyontyenyo!

1 KORINTO 2:14

Melö toköy chi nyo mi otöp nyo pö por ropöw cho konu Mïkulöwu Tororöt, ompöwölo sölwontön tïkuchoni ompö nyinte, ompöwölo kinkïtuno tïkuchoni ara mïkulögh.

2 KORINTO 3:7

Kikïkonï kirurut akekir paraku keronytin, wölo ato mi löt kwipï meghat. Ki wow ororyeto kirurutchoni nyoman nyo kimelö kitökumuk pipö Israel ntökïtopön tokochu Musa lötok akwompö kwerkwerïn pö ororyononi kimi kulingotoy pat. Kïkany nyu ato kikonï ighisyo kïyoni kikonï meghat ororyö nyo wow lenyoni,

2 KORINTO 3:9

Kïkany nyu ato kitïng ororyö ighisyo nyo kipï kirwok, kïrumu nyu lö tïng ororyö nyo wow tya ighisyo nyo konecha sörunöt!

KALATIA 2:20

Kikïwudochanïn kimurtöwon nko Kristo, wölo ochan ye satate amelö tökwani ngat, wölo Kristo nyo satate ompö orinyan akï söponete otïngetan ye ompö por, otïngetan ompö kighanat nyo ngwïno Wero Tororöt nyo kichamanïn akïkonï söpontanyi ompö ani.

EPESO 6:24

Nya kïtöpö pöropcho Tororöt nko pich lapay cho chömöy Echotyontenyo Yeso Kristo ompö chomnyogh nyo mewonyotnye.

KOLOSAY 2:13

Kyochikwa pich cho kimeghö ato kile tagh ompö ngokikwa ompöwölo kyochikwa pipö punton cho kimelö kitïng kirurut, pö Tororöt, wölo keghakwa Tororöt ye onyoru söpon nko Kristo. Kilöstowecha Tororöt ngokicho löwïr,

KOLOSAY 3:3

Ompöwölo kyomeghekwa, akikewïny söponwekwa nko Kristo orito Tororöt.

1 TIMOTEO 2:6

nyo kitötö kegh atö kumuka kutyokisyö pich löwïr ompö ngokï. Kilïkwï nyoni kiporunöt otini kitïta osiswö cho kimököy Tororöt kïsöru pich löwïr.

1 TIMOTEO 5:6

Wölo mïsïk nyo chömo kegh lïs nyo pö ngörekyo ngwïny, kïlenye chi nyo kikïma kïrkegh kïsöpöy.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

EPRANIA 2:9

Wölo kïsïwïyecha Yeso nyo kikigh kwapta kite osis cho ngörï kïtïl malayken kelokyini ororyö nko konyït ompöwölo kiwongunö meghat atökumï ompö pöropcho Tororöt kïmegha chi anka tïkwïl.

EPRANIA 6:10

Pö man Tororöt nyo möwutyeghonye ighisyenkwa nyo pö chomnyogh nyo kyaghakwa ompö kaynenyi, ompö kingarakat nyo kyoghchikwa pipö Kristo akïtomitenökwa oghchine chane.

1 PETRO 1:8

Ochömekwa nyinte, kïrkegh kötomönye asïwenakwa, aghönekwa kïrkegh mosïwïyekwanye nyinte nyete le ye. Kïlenyona ongöreksokwa ompö ngörekyö nyo pö töngönchin nyo möngölononye chi kutinyi,

1 YOANA 5:19

Kinkïtöcha lö kïpoyecha Tororöt, kïrkegh kömi ngwïnya kïmïkul pöyunöto Mwokïyontonay.