2 KORINTO 4:7 - PIPÏLIA

⁷ Kïlatecha nyu cho kïtïng mökosyononi pö mïkulögh kari tören, atökïrumtö lasiny lö, ngwïno owesyononi wow wölo mi Tororöt amelö ngwïnonecha achane kegh.

2 KORINTO 4:7 ပူးပေါင်းရင်းမြစ်များ

AYUPU 10:9

Nana lö kighenaninyi nyïngwïtyan iyokyinaninyi ye nyu nyïngwïtyan ngat?

AYUPU 33:6

Rose lö ani nko nyi kechï karkegh ompö tawu Tororöt kikighenanïn tïkwïl mönö.

AYUPU 4:19

Itep ne nyu ptangengmöt nyo kikigha mönö nyo kingwïna terït, nyo kinyirkitöy le tapïrpur?

LOK 4:2

Ki pïchighöch chumwakayi Sayon* kikiyitöcha lö karkegh nko koltin cho kwerkwersot, wölo ye karkegh nko töreni nyïngwïtyan.

MATAYO 13:44

“Karkegh Pöyunöto Yïm nko kaplawach nyo kikïwïnchï par. Kitöp chi ntökïnyorï atolapay kïwïng ngat. Ki wow ngörekyenyi nyoman nyo kimï kïwö kwalta tïkuchi löwïr cho kitïng akwal paranini.

MATAYO 13:52

Kïlenyona kïlenchï chane, “Poru nyoni lö konetinto kirurut anka tïkwïl nyo lïku kinetana ngala Pöyunöto Yïm, kï karkegh nko chi nyo chenguno konyi tïkwïn cho relach nko cho pö köny kïpkana kaplawachtanyi.”

YOANA 16:33

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

1 KORINTO 1:28

Kikïl tïkwïn cho sösöy kinonut pö ngwïny akuyitöy lö kwïle, tökunyar tïkwïn cho nonöy ptangengmöt lö pïchighöch.

2 KORINTO 10:10

Muköy chitö anka kïmwoghöy lö, “Ngwonöch tya palaltina Paulö, wölo nyarkalal nyinte ato kïmitecha tïkwïl amelö kïgh ngalechi.”

2 KORINTO 13:4

Ompöwölo, kïrkegh kikïwudochï nyinte kimurtöwon ompö nyörkölelyö, wölo satate nyinte ye ompö owesyo Tororöt. Kïchicha tïkwïl nyörkölölech otini kakïtuyecha nko nyinte, wölo kiporecha owesyo Tororöt ompö söpontanyi otini kakïtuyecha nko akwa.

2 KORINTO 4:1

Kïlenyona nyu, ompöwölo kakusyonchecha Tororöt akïkonecha ighisyonï, kemitecha kekilöy kegh.

2 KORINTO 5:1

Ompöwölo kinkïtöcha lö ato kïngany koncha nyï kïmöngöy otï le ye nyoni kï portöncha nyo pö ngwïnyinï, kïtökïkonecha Tororöt mönge anka nyo mi yïm nyo pö kokay nyo melö kïteko ewun.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.

EPESO 2:5

nyo kïrkegh otini kitökechicha pich cho kimeghö ompö ngokicho, kwighecha nyinte kesöpchenö nko Kristo.* Kikïsörwokwa ompö pöropcho Tororöt,

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

KOLOSAY 2:12

Ompöwölo kikïtïpokwa nko Kristo otini kikipatisanakwa! Akwompö kipatisanatanoni, kyotutukwa nko Kristo ompöwölo kyaghanakwa owesyo Tororöt nyo kigh nyinte kututunö ngwen.

KOLOSAY 2:3

Kikïwïnchï orinyi kaplawachtin cho pö ngöghomnyo Tororöt kïmïkul nko kinkïtöt.

1 TESALONIKE 1:5

Ompöwölo atanye kikïpkanacha kyomwokwa Lökoy cho Karamach, amelö kikyomucha ngal opïn pat, wölo kikyomucha tïkwïl ompö owesyo Mïkulögh nyo Tïlil, akenkïtöcha lö onkïtökwa manto lökoyechoni. Onkïtökwa otöptöncha atanye kikïmitecha nko akwa lö ki ompö tösunötenkwa.

1 TESALONIKE 4:4

Mïchinokwa cho ochï mïrön onkïtunö wölo töptoy chi anka tïkwïl nko korkenyi ompö or nyo tïlil akï pö könyït,

2 TIMOTEO 2:20

Ompö kö nyo wow mi karïn cho chang cho lata tören nko otupöy. Kikigha walaka kari silpa nko koltin, kegha walaka ket nko mönö. Kïpöghisyegho walaka ompö osiswo ichon, kepöghisyegho walaka ompö osiswechinö walaka.

KIRWOKÏ 7:2

Kïlenchï ECHOTYON Kidyon, “Chang tya pïchï imitenyi tïkwïl nyo mochömanye otöni chane kïrïnta pipö Midyan, atö mökwol egh pipö Israel asïyech lö, ‘Kakïsörï kegh.’