2 KORINTO 4:6 - PIPÏLIA

⁶ Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

2 KORINTO 4:6 ပူးပေါင်းရင်းမြစ်များ

TOWUNÖT 1:3

Atolapay kïlö Tororöt, “Nya kulïwï löpoyïn,” kulïwï löpoyïn lenyini.

TUMWÖY 63:2

Kyasïwinyi ompö kongu, iros owesyengu nko ororyengu.

TUMWÖY 74:16

Kighanyi pöghet nko nangat aitö asis nko arawa woptinekwa.

TUMWÖY 90:16

Iporwecha mötworiku ighisyewutköku akïsïwa monecha owesyengu nyo pö ororyö.

ISAYA 35:2

Ngongöy möt tapïkoyï ompö chongïn, lïliyöy akïtum ompö ngörekyö. Ororitu le kutïngkoti Lepanon, akïnyorï okwoghyö le nyo pö pareni Karmel nko Syaron. Sïwïyi chi anka tïkwïl ororyo ECHOTYON akïsïwa wowïntanyi nko owesyenyi.

ISAYA 40:5

Atökeporï nyu ororyo ECHOTYON tökïsïwa pipö ngwïny kïmïkul. Nyinte ECHOTYON nyo keyomisï lenyoni.”

ISAYA 45:7

Oghan löpoyïn nko tuwïn, opchinan pich kisoyönöt nko nyarïl tïkwïl. Ani ECHOTYON nyo oghöy tïkuchoni löwïr.

ISAYA 60:2

Lumöy tuwïn koros pö ngwïny walaka, Wölo lïwchininyi löpoyïn pö ECHOTYON, akïrumuneninyi ororyenyi.

LUKA 10:22

Atolapay kïlenchï pïchay, “Kökonanïn Paponyan tïkwïn löwïr apayta. Möminye chi nyo nkït lö, ngo Weri kïpoto Papo, akï möminye chi nyo nkït lö, ngo Papo, kïpoto Weri nko pich cho kacham nyinte kïngongchï.”

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

YOANA 11:40

Kïlenchï Yeso, “Kömömwowunyinye so lö isïwïyenyi ororyo Tororöt ato ighananyi?”

YOANA 12:41

Kimwa Isaya ngalechoni, ompöwölo kisïwa ororyo Yeso akïngalana nyinte.

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

1 KORINTO 12:8

Töni Mïkulöwunoni chitö anka ngölyonto ngöghomnyö, kutö anka chïreryö kïle wölo möktoy Mïkulöwunoni.

2 KORINTO 2:10

Ato olöstoghchikwa chi lelutyenyi, olöstoghchinan ante tïkwïl ato otïngetan kïgh nyoman nyo olöstoghchini, olöstoghchinan nyinte ompö tawu Kristo ompö akwa,

2 KORINTO 3:18

Kïlenyona nyu, kiportocha löwïr cho tomöcha keyenö tokochwecho ororyo Echotyon le ato kïsïwïyegho kiyo, wöghökecha nyu ororyononi ngwïno wölo mi Echotyon (Nyoni kï Mïkulögh) kekara kegh nko nyinte lasiny, ompö ororyö nyo wow tya.

2 KORINTO 4:4

Melö ghönöy chane ompöwölo körchini tororöt pö ngwïnyinï tuwïn pköchintöngwa, atömemï chane kïsïwa löpoyïn pö Lökoy cho Karamach cho pö töroryo Kristo* nyo le kïton pö Tororöt.

EPESO 1:17

atömanyïl kïkonokwa Tororöt pö, Echotyontenyo Yeso Kristo, Papo nyo pö ororyö, Mïkulögh nyo Tïlil tonkïtunö ngala yïm akïpköchok nyinte.

EPESO 1:18

Osoghan kutö nyinte mïkuliskökwa löpoyïn tasïwena, ankïtï wölo tenö kikönötö nyo kikurchokwa nyinte nko ororyö nyo pö ropöw cho kiyomisï nyinte pikachi,

EPESO 5:8

Kyomitekwa tïkwïl ato le tagh tuwïn, wölo kyalïkukwa ye pipö löpoyïn otini kyolinyekwa nko Echotyon. Otïpinö nyu le monïngo löpoyïn,

PILIPI 2:6

Nyo, kïrkegh ki körökegh nko Tororöt, wölo melö kinan nyinte lö, kekarkegh nko Tororöt kï kïgh nyo kïchengo charut.

KOLOSAY 1:15

Nyinte Kristo nyo le kïton pö Tororöt, Tororöt nyo melö kïsïwïyi. Kristo tïkwïl kï poretya tïkwïn löwïr cho kikigh.

1 TESALONIKE 2:12

Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.

EPRANIA 1:3

Nyinte nyo le kwörkwöryö nyo pö ororyo Tororöt akï nyinte nyo le körkeyïn pö Tororöt tighöy tïkwïn löwïr ngölyontenyi nyo pö owesyö kiwö nyinte kïtöpunö ewu tagh nyo pö wowïn pö Tororöt otini kiwany kutïlilöy pich ompö ngokikwa.

EPRANIA 6:4

Ompöwölo, ato töp pich cho kitach löpoyïn pö Tororöt, akïchamcham ropöwonto yïm, akïsïch ghamtagh nko Mïkulögh nyo Tïlil,

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

2 PETRO 1:19

Aketïngetecha man ompö lökoy cho kimwowï werkoy. Nyo oghekwa nyo karam ato arïpakwa ngalechoni, ompöwölo karkegh nko kitömöwon nyo lïwuno wölo tuw ntökïtenö kuwas Asisoni akulïwchï mïkuliskökwa löpoyïn pö Kristo le wölo lïwchini kiwasan tapogh pö ngwïny.