2 KORINTO 4:17 - PIPÏLIA

¹⁷ Kïnyorunecha kömpölelut ye atö ipkecha ororyö nyo tïlöy kinonutköcha löwïr, ororyö nyo mötïngnye söröm.

2 KORINTO 4:17 ပူးပေါင်းရင်းမြစ်များ

TOWUNÖT 15:1

Nyini kiwonyö ngalechoni, kungwïn ngölyonto ECHOTYON wölo mi Apram ompö sïwïyagh nyo kilö, “Mewöghisyö Apram! Ochan longengu. Akoninyi ropöwon nyo wow tya.”

TUMWÖY 119:67

Kyochan low kïtomö onyorwan sitöt, wölo orïpan ye nyu ngölyontengu.

TUMWÖY 119:71

Karam kyonyorwan sitöt, atö anetan kegh kikirutköku.

TUMWÖY 30:5

Töpo nörekyenyi nyo tangogh, wölo pö kokay köromnyenyi. Muköy lok kïtörengu ato le oghö, wölo itu kuti ngörekyö ato le tökwoghö.

TUMWÖY 31:19

Wow tya köromnyengu ompö chane cho konyïtinyi nko chane cho ghïponinyi! Kïsöwintönchini pich löwïr.

TUMWÖY 73:24

Nyi nyo intöghoghwanïn ompö kirurötengu. Ato mi löt itakaninyi atwan wölo mi ororyö.

ISAYA 26:20

Ape pikachu atanga korikwo, apa akar kukotwekwo. Awïnga kegh kite, ntökïtenö kuwonyö sïngiryo Tororöt.

ISAYA 54:8

Kyawïngeninyi tokochunyu nyo le kite, wölo oporunyi chomnyenyu kokay. Mwoghöy ECHOTYON Ghetintengu.

ISAYA 64:4

Möminye chi nyo le ompö akonga nyo kikïsïwa anta lïm Tororöt nyo kikongityot nko nyi, nyo ighchini tïkwïn cho pö töngönchin pich cho köninyi.

KIYITUT 5:28

Wölo atomelö kitïl kokononi kasar kïmomönye kïgh nyinte akumuköy nyu kïsïkisyö.

MATAYO 5:12

Oturonchenö angörekyö, ompöwölo wow ropöwontenkwa nyo mi yïm. Ompöwölo kikichop kong werkoy cho kimi tawunkwa lenyoni.

LUKA 6:23

Oturönchenö adangony ompö ngörekyö ato itï choni, ompöwölo wow ropöwontenkwa nyo mi yïm. Lenye nyoni wölo kida papotïnekwa werkoy cho kimwoghöy ngala Tororöt.

IGHISYEWUT 20:23

Kïpoto onkït nyo porwanïn Mïkulögh nyo Tïlil lö könyanïn rata nko kömpölelyö ompö kanasyan anka tïkwïl.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

RUMI 8:18

Moyitanye lö, kïgh kiwongunötö nyo pö ye ato kikongityö nko ororyö nyo tökïsis kengongwecha.

RUMI 8:34

Mï ngo nyu nyo rwokyini chane? Puryö, ompöwölo Kristo Yeso nyo kima, atolapay kitutunö ngwen, akïmi ye ewu tagh nyo pö Tororöt. Mi nyinte ye kïsoghwecha!

RUMI 8:37

Wölo kïrïntonecha tïkuchoni löwïr, ompö kingörokut nyo ngwïno nyinte nyoni kichamecha.

1 KORINTO 2:9

Wölo kïle wölo mwoghtoy Kikirut lö, “Kighchï Tororöt pich cho chömöy nyinte tïkwïn cho kitomöcha kïsïwa kong anta lïm yit, tïkwïn cho kitomöcha kïpköchï ptangengmöt.”

2 KORINTO 3:18

Kïlenyona nyu, kiportocha löwïr cho tomöcha keyenö tokochwecho ororyo Echotyon le ato kïsïwïyegho kiyo, wöghökecha nyu ororyononi ngwïno wölo mi Echotyon (Nyoni kï Mïkulögh) kekara kegh nko nyinte lasiny, ompö ororyö nyo wow tya.

PILIPI 1:19

ompöwölo onkïtön lö kïsörwanïn ompö sowutkökwa nko kingarakata Mïkulöwu Yeso Kristo.

2 TESALONIKE 1:4

Nka nyoni kïgh nyo keghecha kekwolenö kegh akwa ompö kaniseni Tororöt. Kïkwolecha kegh ompö or nyo omitekwa orïpöy ompö kighanatenkwa nyo melö wöghöko, kïrkegh nyörilwok nko kiwongunöt cho konyorukwa.

2 TESALONIKE 1:6

Ighöy Tororöt kïgh nyo tenate: ipchini nyarïl pich cho chopokwa kong,

2 TIMOTEO 2:10

Nka nyoni ye omitan omïkukönöy ompö ngwonïn anka tïkwïl ompö kinyiwutyo pipö Tororöt cho kikïlöwön, atökumï chane tïkwïl kïnyorï sörunöt ompö Kristo Yeso nyo ipu ororyö nyo pö kokay.

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

1 PETRO 4:7

Kikïlekïtit sörömu tïkwïn lapay. Mïchinokwa nyu otïpinö ompö tölosyö nko ripöto kegh atïpï kïpsach atamuka asagha.

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.

1 YOANA 3:2

Chamankachu, kïchicha ye monïngo Tororöt, wölo tömönye kengongwï lasiny lö kïnenöchitucha. Wölo kinkïtöcha lö ato kïngongwï Kristo,* kekörecha kegh nko nyinte, ompöwölo kïsïwïyecha nyinte le wölo lata.

YUDA 1:24

Nya kïsïch Tororöt ororyö, nyinte nyo muköy kïripokwa tömopïtyö, akumïtakwa ape tawuto ororyenyi ompö ngörekyö kïpuryö lelut, nyinte nyo le Tororöt onkït akï Ghetintenyo ompö Yeso Kristo Echotyontenyo. Nyenyi wowïn nko owesyö nko paytagh kïngeta könyisyok nko ye nko kokay! Amen.