2 KORINTO 4:16 - PIPÏLIA

¹⁶ Kïlenyona nyu, melö meghsonecha mutïnö, akï kïrkegh könïnö porwöyicha, kighöy mïkulisköcha kïrelachitu kïtenö osis.

2 KORINTO 4:16 ပူးပေါင်းရင်းမြစ်များ

TUMWÖY 119:81

Komchanïn emö sörunötengu ntaryaltan, ompöwölo oköngan ngölyontengu.

TUMWÖY 27:13

Oghönan lö osïwïyan köromnyo ECHOTYON ato towestonan.

TUMWÖY 51:10

Konante mïkulögh nyo karam, we Tororöt, aitö orinyan mïkulögh nyo sis.

TUMWÖY 73:26

Kïrkegh kanyarkalalit portönyan nko mïkulöwunyan, wölo owesyenyan Tororöt akï mïlatenyan kokay.

ISAYA 40:29

Töni owesyö pich cho nyörkölöl nko cho kikwoghochö.

ISAYA 40:31

Wölo nyoru pich cho könönöy ECHOTYON owesyö. Piltegho chane köpepoy le sichtin, ryöghöy chane amelö oghochot. Petöy chane amelö oghochot.

YEREMIA 45:3

Kalïman mwoghenyi lö, ‘Nyarïl nyo tya nya wey! Ompöwölo katasa ECHOTYON ngwonïn nyörilwoköchan. Mökwaninye nko kiteghat nyo pö kïtenö osis amömi ato omungöy!’

LUKA 11:3

Konech omisyö osis tïkwïl.

RUMI 12:2

Marïp otöptino pipö ngwïnyinï, wölo nya kïwaghach Tororöt kinonutkökwo. Pköchokwa nyu atoni lö ne machata Tororöt, ankïtukwa kïgh nyo karam nyo ngörokini nyinte akï kïltït.

RUMI 7:22

Ngörökyini mïkulöwunyan kïmïkul Kirurut pö Tororöt.

1 KORINTO 15:58

Kïlenyona Werköcho cho le chaman achïchïma, amakany ketimtimok, alet tagh agh ighisyo Echotyon kïtenö osis, ompöwölo onkïtökwa lö möpönye kwïle pöghisyenkwa nyo opöghisyechinekwa Echotyon.

2 KORINTO 12:15

Omitan kïpsach nyoman opöghisyeghö tïkuchan löwïr akokonwan kegh nyoman ompö tösunöto mïkulöwekwa atamukan angarakakwa. Ochömanïkwa so kite ompöwölo kachamakwa lasiny?

2 KORINTO 4:1

Kïlenyona nyu, ompöwölo kakusyonchecha Tororöt akïkonecha ighisyonï, kemitecha kekilöy kegh.

EPESO 3:16

kïkonok le wölo lata sïkönöteto ororyenyi, kïkonokwa owesyö nyo kilok ompö ara Mïkulöwunyi talïkuna pich cho chïchïmote ompö oringwo,

EPESO 4:23

Asata mïkuliskökwo nko kinonutkökwo kïrelachitu,

KOLOSAY 3:10

alak otöp nyo rel. Letoy tagh Tororöt kupïchöy otöpnoni kïrelit kïnomnyö ntökïkarkegh nko nyinte, nyini le ighintenyi kegh atamukakwa nyu onkïtunö Tororöt lasiny.

TITO 3:5

kïsörwecha nyinte. Melö ompö pöghisyewut cho karamach cho kikighacha, wölo kïsörwecha ompö kisyonötenyi nyinte kegh, ompö kiwunöto yiyö nyo rel nko söpon nyo konecha nyinte ompö ara Mïkulögh nyo Tïlil.

1 PETRO 3:4

Wölo nya kïpöyit pïchighyenkwa nyo pö ori, pïchighyö nyo möwïrönye nyo pö mïkulögh nyo talase akï nyo pö kalya akï nyo pö olyot nyo wow ompö tawu Tororöt.

1 PETRO 4:14

Ongörekyenö ato mwaghakwa pich ompöwölo ochikwa pipö Kristo. Poru nyoni mi kïtöpo nko akwa Mïkulöwu ororyö akï nyoni kï Mïkulöwu Tororöt.