2 KORINTO 4:11 - PIPÏLIA

¹¹ Kïmitecha tapanpa meghat ompöwölo kighönecha Yeso kïnomnyö, atökumï söpontanyi tïkwïl kïrumteghö porwöyicha cho wonyot.

2 KORINTO 4:11 ပူးပေါင်းရင်းမြစ်များ

TUMWÖY 141:7

Kïköreröy koyekwa aketoyö ompö kuti ngwen le kwen cho kïköreröy akenïkanïk.

TUMWÖY 44:22

Wölo kakïparecha kïtenö osis akwompö nyi, kakighecha le kechir cho kïyengöy.

RUMI 8:11

Ato mi orinkwa Mïkulöwu Tororöt nyo kigh Yeso kututunö ngwen, kwighöy Tororötnoni kigh Kristo Yeso kututunö ngwen porwöyikwa kïsöpchö, ompö Mïkulöwunoni mi orinkwa.

RUMI 8:36

Kïle wölo mwoghöy Kikirut lö, “Kïmitecha körköryo meghat kwimön ompö nyi kikongityonecha nko kechir cho kïpetöy keyengöy.”

1 KORINTO 15:31

Werköcho, wïranïn choghïn pö meghat asis anka tïkwïl! Keghanïn salata nyo otïngetan nko akwa ompö ghömïcho Kristo Yeso Echotyontenyo omwowan ngölyontononi.

1 KORINTO 15:49

Kïle wölini kïkörecha kegh nko chichoni kikigha nyïngwïtyan kekörecha kegh tïkwïl nko chichoni kingwïna yïm.

2 KORINTO 4:10

Kïkösönecha megha Yeso ompö porwöyicho kïnomnyö, atökïrumteghö tïkwïl söpontanyi porwöyicha.

2 KORINTO 4:12

Poru nyoni lö pöghisyegho meghat orincha, kïmi söpon kïpöghisyegho orinkwa.

2 KORINTO 5:4

Kingerötyocha otete tökemitenö otöpnete pö por ompö pïröto pich amelö ompöwölo kïmökecha kechengenech portönyo nyï meghöy, wölo kïmökecha kelokwecha por nyo melö wïröy atökïnyïkwïda söpon kïyoni meghöy.

2 KORINTO 6:9

Kïlatecha pich cho mörumucha akwanyï nkïtecha pich tïkwïl, kïlatecha pich cho kimeghö, wölo kïchicha söpchote lasiny kïle otini osïwïyekwa, kïlatecha pich cho kichopöy kong, wölo tomönye keparecha.