8 kïtïng nyu ighisyo Mïkulögh ororyö nyo wow tya!
Töpo mïkulöwu ECHOTYON parakunyi mïkulögh nyo pö ngöghomnyö nko nyo pö sïkunöt mïkulögh nyo pö kirwokin nko owesyö. Mïkulögh nyo pö kinkïtöt nko nyo wöghöy ECHOTYON,
“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.
Atolapay aman mumanï* nko akwa: Töpo nko akwa kokay, Mïkulöwunyan nyo mi nko akwa, nko ngalechan cho kotönön kutïwekwa. Töpisot tïkwïl nko monekwa nka monekwa, kïngeta ye kutang tagh, kokay nko kokay.”
Kikonï Tororöt kirurut kuwerï Musa, wölo kikonï pöropchö nko man kuwerï Yeso Kristo.*
Kimwa Yeso ngalechoni ompö ngala Mïkulögh nyo kitomönye kite kïtak pich cho ghönöy nyinte. Kitomönye atoni kekonï Mïkulögh ompöwölo kitomönye ketöror Yeso.
Monkïtökwanye so lö ochikwa Kö pö Tororöt* akïmöngöy Mïkulöwu Tororöt orinkwa?
Ato ongörökyikwa chi kïtïkon nyo kengwïn kwomwokwa Yeso anka nyo sis melö nyï kyomtocha anta atakakwa mïkulögh nyo sis melö nyay kyatakakwa anta atakakwa lökoy walaka cho melö kyatakakwa!
“Echotyon,” ye nyu ompö yete kï Mïkulögh, akï wop anka tïkwïl wölo mi Mïkulöwu Echotyon, kïmi kityakata.
ompöwölo nyinte nyo kighecha kemuka kepöghisyechinö muma nyo rel, muma nyo melö pö kirurut cho kikikir, wölo nyo pö Mïkulögh. Ompöwölo ipu meghat kirurut cho kirote, wölo ipu Mïkulögh söpon.
Kikïkonï kirurut akekir paraku keronytin, wölo ato mi löt kwipï meghat. Ki wow ororyeto kirurutchoni nyoman nyo kimelö kitökumuk pipö Israel ntökïtopön tokochu Musa lötok akwompö kwerkwerïn pö ororyononi kimi kulingotoy pat. Kïkany nyu ato kikonï ighisyo kïyoni kikonï meghat ororyö nyo wow lenyoni,
Kïkany nyu ato kitïng ororyö ighisyo nyo kipï kirwok, kïrumu nyu lö tïng ororyö nyo wow tya ighisyo nyo konecha sörunöt!
Kigh Kristo lenyoni atömanyïl ketö pipö punton kisoyönöto Tororöt nyo kiyomisyï nyinte Apraam ompö ara Kristo Yeso atömanyïl ketakacha Mïkulöwunoni kiyomisï Tororöt ompö ara kighanat.
Kikönecha cho le acha lö, ighecha Tororöt ketene nko nyinte ompö owesyo Mïkulögh nka nyete kikönisïyecha ompö ara kighanat.
Kimukecha ye nyu ompö ara Kristo kepete tawu Tororöt kuwerï Mïkulöwunoni le akonga, kïrkegh kechicha pipö Yaudi anta pipö punton.
Mïchinecha keyokyine Tororöt sörö kïnomnyö ompö akwa, tupchenicho akwa chona kichamak Echotyon, ompöwölo kikïlakwa Tororöt kïngeta towunöt atonyorunö sörunöt ompö owesyo Mïkulögh atökeghakwa alïkuna pikachi cho tïlilöch ompö kighanat nyo pö ngölyonto man.
Kikïkïlakwa kïrïp kegh nko machata Papo Tororöt aketïlilokwa ompö Mïkulöwunyi atoterchinö Yeso Kristo atökuwunokwa kisönkachi. Osoghan lö nya kïtasa tya pöropchö nko kalya ompö akwa.
