2 KORINTO 3:6 - PIPÏLIA

⁶ ompöwölo nyinte nyo kighecha kemuka kepöghisyechinö muma nyo rel, muma nyo melö pö kirurut cho kikikir, wölo nyo pö Mïkulögh. Ompöwölo ipu meghat kirurut cho kirote, wölo ipu Mïkulögh söpon.

2 KORINTO 3:6 ပူးပေါင်းရင်းမြစ်များ

YEREMIA 31:31

Lentöy ECHOTYON, “Pkonöy osiswö cho oman muma* nyo rel nko pipö Israel nko Yuda,

MATAYO 13:52

Kïlenyona kïlenchï chane, “Poru nyoni lö konetinto kirurut anka tïkwïl nyo lïku kinetana ngala Pöyunöto Yïm, kï karkegh nko chi nyo chenguno konyi tïkwïn cho relach nko cho pö köny kïpkana kaplawachtanyi.”

MATAYO 26:28

Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa.

MARKO 14:24

Atolapay kïlechï Yeso chane, “Kisönköchan chete, nyo puntoy muma* Tororöt cho kïmïltoy ompö pich cho chang.”

LUKA 22:20

Kïmwa lenyoni ngat ompö kikompo dipay otini kiwany omisyo nangat lö, “Kikomponï kuporu muma* Tororöt nyo rel ompö kisönköchan cho kïmïltoy akwompö akwa.

YOANA 5:21

Kïle wölini ighöy Paponyan cho kimeghö kututu akutö söpon, kïlenyoni tïkwïl, töni Werïnyi söpon pich cho chömöy nyinte.

YOANA 6:63

Kïgh nyo konu söpon kï Mïkulöwu Tororöt, menyiwunye kïgh ptangengmöt onkït. Ngalechoni komwowokwa kï Mïkulögh akï söpon.

RUMI 1:5

Kikonanïn Tororöt pöropchö ompö Werïnyi alïkwï kiyoktoghin atamukan ontöghoghchï pipö Punton löwïr kughan akïterchï nyinte ompö.

RUMI 3:20

Ompöwölo möminye chi nyo kiyityini man ompö tawu Tororöt, ompöwölo karïp nyinte kirurut. Kïgh nyo ighöy kirurut kï kuporchï chi lö, kegh ngokï.

RUMI 4:15

Ipu kirurut nörekyo Tororöt, wölo ntökömökïmicha kirurut kötömökïmicha kirurut cho kïpenyöy.

RUMI 4:17

Kïle wölo mwoghöy Kikirut lö, “Kaghinyi lïkuna papo nyo pö punton cho chang.” Poru nyu nyoni lö, nïkis kiyomisöto Tororöt nyini kighan Apraam. Tororöt nyinte nyo tutuy mïntïrïch, akwotini kangalan ighöy kïgh nyo melö kömito tagh kïrumï.

RUMI 7:6

Wölo kiketyakenecha kirurut ye ompöwölo kikemeghecha ompö kïyoni kinamecha akïratecha. Kïlenyona nyu melö tökepöghisyechinecha Tororöt ngat le nyay pö köny nko kirurutchanya kikikir pö könyisyok, wölo kïpöghisyechinecha nyinte ye kïrïp kegh nko söpon nyo rel nyo pö mïkulögh.

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

1 KORINTO 11:25

Kïlenyoni, otini kiwany kwomisïyi, kïcheng mpalaw akïlö, “Anyï kikompa nyo pö muma* nyo rel nyo kakikïninieghö kisönköchan. Agha le nyete kïnomnyö otini ononanïkwa.”

1 KORINTO 12:28

Ketö Tororöt pïchï kanisa: cho pö tagh kï cho kiyoktö Yeso, cho pö odeny kï werkoy, cho pö sömök kï konetï. Atolapay kutö cho ighöy töngönchin atolapay kutö cho sopöy kichirut nko kingörokï nko kintöghoghï nko cho ngölonöy kutïw cho sisinchö.

1 KORINTO 15:45

Ompöwölo lentöy Kikirut, “Kilïkwï Adam nyo pö tagh chi nyo söpote,” wölo kïlïkwï Adamto söröm Mïkulögh nyo töni pich söpon.

1 KORINTO 3:10

Kyamukan otor teksyo köyoni ompö owesyo Tororöt, nyo kighanïn ompö pöropchenyi alïkwï tekin nyo le tïngan, kïtek chitö anka parakuto kitorutyonini. Wölo nya kuros chi anka tïkwïl wölo tektoy parakunyi.

1 KORINTO 3:5

Ngo Apolo nya? Kï ngo Paulö? Kichicha mötwori Tororöt cho kipkokwa ngala kighanat, lenyini kitö ighöy chi anka tïkwïl ompö acha ighisyö nyo ketö Echotyon nyinte.

2 KORINTO 11:23

Mötwori Kristo so chane? Ochan tïkwïl, angölonan lenyoni le chepoyï, lö ochan mötworinto Kristo kïtïl chane! Kaghan ighisyö nyo aghïgh tya, kikïtorchanïn chela kïnyïl cho chang tya akemungenanïn syaritin kïnyïl cho chang tya. Kyachïwïtan meghat kïnyïl cho chang.

2 KORINTO 3:14

Wölo kiwöngisyö kinonutkökwa, ompöwölo otini kisomönöy muma nyo pö köny, kïtökïmi anankanoni körtoy mötöwekwa. Ompöwölo melö kïngwïsöy anankanoni kïpoto ato tuyö chi nko Kristo.

2 KORINTO 3:3

Rumunote nyoni lö ochikwa palalyanta Kristo* nyo kikir nyinte akïkonecha ketötenö. Melö kikikira winö palalyantanoni, wölo kikikira Mïkulöwu Tororöt nyo satate amelö kikikirchï paraku keronytina, wölo kikikirchï paraku mïkulis pö pich.

2 KORINTO 3:7

Kikïkonï kirurut akekir paraku keronytin, wölo ato mi löt kwipï meghat. Ki wow ororyeto kirurutchoni nyoman nyo kimelö kitökumuk pipö Israel ntökïtopön tokochu Musa lötok akwompö kwerkwerïn pö ororyononi kimi kulingotoy pat. Kïkany nyu ato kikonï ighisyo kïyoni kikonï meghat ororyö nyo wow lenyoni,

2 KORINTO 3:9

Kïkany nyu ato kitïng ororyö ighisyo nyo kipï kirwok, kïrumu nyu lö tïng ororyö nyo wow tya ighisyo nyo konecha sörunöt!

KALATIA 3:21

Poru so nyoni lö, poryegho kirurut kiyomisut pö Tororöt? Ewo! Ompöwölo, ntökikitö pich kirurut cho muköy kïkonu söpon, kötökimukecha nyu löwïr ketene ompö tawu Tororöt ompö kirurutyononi.

EPESO 2:1

Kyochikwa ato le tagh pich cho kimeghö, ompö tighintön nko ngokï,

EPESO 2:5

nyo kïrkegh otini kitökechicha pich cho kimeghö ompö ngokicho, kwighecha nyinte kesöpchenö nko Kristo.* Kikïsörwokwa ompö pöropcho Tororöt,

EPESO 3:7

Kikighanïn alïkwï mötworinto Lökoyechete Karamach ompö ropöwon nyo kikonanïn nyinte ompö pöropchenyi kïpöghisyeghö orinyan ompö kimukatenyi.

KINONO KIRURUT 27:26

“ ‘Chïpote chi anka tïkwïl nyo möripönye kirurut pö Tororöt nko kinetutkachi.’ Kuyokwï pich löwïr lö, ‘Amen!’

1 TIMOTEO 4:6

Ato inetanyi tupchenicho kinetutchï, ilïkunenyi mötworinto Kristo Yeso nyo karam, otini ipöghonyi kegh ngala kighanat nko kinetut pö man cho irïpenyi.

2 TIMOTEO 1:11

Kikïlanïn Tororöt alïkwan kiyoktoghin alïkwï konetin nyo omtoy Lökoy cho Karamach,

EPRANIA 12:24

Kapkanakwa wölo mi Yeso nyo kingwïn kwigh muma* nyo rel akï kïmïlta kisönkachi cho ngölonöy tïkwïn cho karamach kïtïl chanya pö Apel.

EPRANIA 13:20

Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.

EPRANIA 7:22

Lïku nyu Yeso kighyongtoghin nyo pö muma* nyo karam kïtïl walaka.

EPRANIA 8:13

Kikuyit Tororöt mumananya pö tagh lö kiyosit otini ngölono nyinte muma nyo rel. Akï kïgh nyo kiyosit akïwïr, kï kirik kupot lö weng.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

1 YOANA 1:1

Kakikirucha akwa paraku ngölyonto söpon, nyo kimito kïngeta otini le towunöt. Ngölyonto söpon nyo kikïlïmacha akesïwegha konyicho, nyo kikirosöcha, aketatapa moricho.