2 KORINTO 3:3 - PIPÏLIA

³ Rumunote nyoni lö ochikwa palalyanta Kristo* nyo kikir nyinte akïkonecha ketötenö. Melö kikikira winö palalyantanoni, wölo kikikira Mïkulöwu Tororöt nyo satate amelö kikikirchï paraku keronytina, wölo kikikirchï paraku mïkulis pö pich.

2 KORINTO 3:3 ပူးပေါင်းရင်းမြစ်များ

TUMWÖY 40:8

Ongörökan agh machatengu, we Tororötïnyu, okomönchinan mïkulöwunyu kïmïkul kirurutköku.”

TUMWÖY 42:2

Omchinanïn maral Tororöt, maral nyo pö Tororöt nyo satate. Owetan oyï atotuyö nko nyinte?

TUMWÖY 84:2

Omchinanïn emö kïtya, Kö nyo pö Tororöt! Tumchini mïkulöwunyan kïmïkul Tororöt nyo satate ompö ngörekyö.

WUWÖT 24:12

Kïlenchï ECHOTYON Musa, “Nyonö mpurö kutïng parak wölï omitan, ato konïn koghïn cho töpölöl cho mi kirurut nko kinetut cho kyakiran.”

WUWÖT 31:18

Otini kiwany ECHOTYON kïngalan nko Musa ompö kutïng pö Sinay, kutö nyinte koghïn odeny cho töpölöl cho pö söwintön cho kikira Tororöt ewunyi.

WUWÖT 32:15

Kïmïla Musa kïrökunö kutïng nko koghichay töpölöl le odeny pö kirurut kimi morichi cho kikikir woptine kwodeny.

WUWÖT 34:1

Kïlenchï ECHOTYON Musa, “Pata koghïn odeny cho töpölöl le chay kipö tagh, tokirchan ori ngalechay kimi chay kipö tagh kiwirtenyi kïghyösyö.

NGÖTÏNYÖ 3:3

Mekany kïweghenin konyït nko man rötinö katïngu aikirchï mïkulöwungu,

NGÖTÏNYÖ 7:3

Rötinö moriku aikirchï mïkulöwungu.

YEREMIA 10:10

Wölo ECHOTYON kï Tororöt pö man. Tororöt nyinte nyo söpöy, Pöytoghin nyo pö kokay. Otini kanarek kurïngring ngwïnya. Kor ne nyo köngöy nörkyengu nya?

YEREMIA 17:1

“Kikikira ngoki pipö Yuda kalamu karïn, akekira koghpa almasi nyo ngatip kekirchï mïkuliskökwa, akekirchï luchtina atay kïpelo amörostinekwa.

YEREMIA 31:33

Muma nyo rel nyo owetan omöy nko pipö Israel kï lata nyï: Otöninan kirurutköchan oringwa, akörchan mïkuliskökwa. Olïkunan Tororötïngwa, kïlïkwï chane piköchan. Mwoghöy ECHOTYON.

ESEKEL 11:19

Otöninan chane mïkulögh akonga atönan mïkulögh nyo rel. Achengan mïkulögh nyo aghïgh ompö chane atolapay otönön mïkulögh nyo tapïlïl.

DANIEL 6:26

Kamwaghan ompö pöyunötenyan kïmïkul lö mïchini kuwagh akïkonyït chi anka tïkwïl Tororöt pö Daniel. Ompöwölo Tororöt nyinte nyo satat akïtöpo nyinte kokay. Melö kinyoröy pöyunötenyi nyonikïny amelö wonyot owesyenyi kokay.

MATAYO 16:16

Kuyokyï Simon Petro lö, “Ichinyi Kristo,* Wero Tororöt nyo satate.”

1 KORINTO 3:5

Ngo Apolo nya? Kï ngo Paulö? Kichicha mötwori Tororöt cho kipkokwa ngala kighanat, lenyini kitö ighöy chi anka tïkwïl ompö acha ighisyö nyo ketö Echotyon nyinte.

2 KORINTO 3:6

ompöwölo nyinte nyo kighecha kemuka kepöghisyechinö muma nyo rel, muma nyo melö pö kirurut cho kikikir, wölo nyo pö Mïkulögh. Ompöwölo ipu meghat kirurut cho kirote, wölo ipu Mïkulögh söpon.

2 KORINTO 3:7

Kikïkonï kirurut akekir paraku keronytin, wölo ato mi löt kwipï meghat. Ki wow ororyeto kirurutchoni nyoman nyo kimelö kitökumuk pipö Israel ntökïtopön tokochu Musa lötok akwompö kwerkwerïn pö ororyononi kimi kulingotoy pat. Kïkany nyu ato kikonï ighisyo kïyoni kikonï meghat ororyö nyo wow lenyoni,

2 KORINTO 6:16

Tïngeto tïlyantan ne Kö pö Tororöt* nko körkeyïntino putintön? Ompöwölo kïchicha Kö pö Tororöt nyo satate. Kïle wölo mwoytoy nyinte Tororöt lö, “Oghan möngenyu orito pikachu, atöponan nko chane. Olïkunan Tororötïngwa, kïlïkwï chane piköchan.”

1 TESALONIKE 1:9

Ngölono pich tïkwïl wölo kyataktekwa acha, atanya kikïrutowucha nko wölo kyataghtekwa saghata körkeyïntin, apöghisyechï Tororöt pö man nyo söpöy,

EPRANIA 10:16

“Nyï kï muma* nyo oman nko chane osis cho pkonöy, Mwoghöy Echotyon. Otöninan kirurutköchan mïkulöwekwa, akirchan sïkunötengwa.”

EPRANIA 8:10

Anyï muma nyo oman nko pipö Israel, mwoghöy Echotyon otöninan kirurutkachu kinonutkökwa ori, akirchï kirurutchoni mïkulöwekwa. Olïkunan Tororötïngwa, kïlïkwï chane piköchan.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

YOSWÖ 3:10

Tosöwunö ompö yete lö mito Tororöt nyo satate kwenunkwa akï yonöy akwompö akwa nyo mötïny, pipö Kanan nko pipö Ititi nko pipö Ipiti nko pipö Peris nko pipö Kirkasyi nko pipö Amori nko pipö Yepusi.

NGONGUT 2:1

“Kirchinö malaykayan nyo pö kanisa Epeso lö, ‘Anyï ngölyon nyo ngwïno nyinte nyo nömöy kokelyechay le mut nko odeny, ompö ewunyi nyo pö tagh akïwestegho kwenu ketï pö koltin le mut nko odeny cho ghyongo tatïna.

NGONGUT 2:12

“Kirchinö malaykayanta kanisa Perkamo lö, ‘Anyï ngölyon nyo ngwïno nyinte nyo tïng chok nyo ngatip wop tïkwïl.

NGONGUT 2:18

“Kirchinö malaykayanta kanisa Tuatira lö, ‘Anyï ngölyon nyo ngwïno wölo mi Wero Tororöt nyo lata konyichi lyopöto ma akïlata kelyechi tay nyo kikïsit nyoman.

NGONGUT 2:8

“Kirchinö malaykayanta kanisa Smurna lö, ‘Anyï ngölyon nyo ngwïno nyinte nyo pö tagh akï pö löt, Alpa nko Omeka nyo kima akïsöpöy ngat.

NGONGUT 3:1

“Kirchinö malaykayanta kanisa Sardis lö, ‘Anyï ngölyon nyo ngwïno wölo mi nyinte nyini tïng mïkulis pö Tororöt mut nko odeny nko kokelye mut nko odeny. Onkïtön ighisyewutköku ankïtön lö kïlentöy techinyi satate kite, wölo kïchï kimeghanyi köny.

NGONGUT 3:14

“Kirchinö malaykayan nyo mi kanisa Laodikea ilenchï, ‘Anyï ngölyon nyo ngwïno wölo mi nyinte nyo le Amen, nyo ghanate akï söwinto man akï nyinte nyo pöytoy tïkwïn löwïr cho kigh Tororöt.

NGONGUT 3:22

Ato itïng chi yitïn, ilïm ngal nyo mwochini Mïkulögh kanisen!’ ”

NGONGUT 3:7

“Kirchinö malaykayanta kanisa Piladelpia lö, ‘Anyï ngölyon nyo ngwïno wölo mi nyinte nyo tïlil akï pö man, akïtïng yotöwonto Daudi nyo ato kakïyat kukat, kïmöminye chi nyo köröy ato kar nyinte kukat, kïmöminye chi nyo yotöy.

1 SAMWEL 17:26

Kïtep Daudi pich cho kighyongo kamasunyi lö, “Kitöni ne chi nyo pöröy chichï pö Pilisti, akunategha arasinï mi Israel? Akï ngo somchonte nyï sösöy lïko Tororöt nyo söpöy?”