2 KORINTO 3:1 - PIPÏLIA

¹ Kökitoröcha so ngat kekwol kegh achane? Kïmökecha so palalatina kipartagh cho porwecha akwa, anta palaltin cho pkono wölo omitekwa le pikö walaka?

2 KORINTO 3:1 ပူးပေါင်းရင်းမြစ်များ

IGHISYEWUT 18:27

Kimi Apolo kunonöy kwoghyö nanam kutang Akaya, kungarak nyinte cho kighönï cho kimi Epeso kukirchï kighöni cho kimi Akaya kïlenchï, “Atacha nyinte ompö wöloni.” Nyini kitïta, kïlïkwï nyinte kingörokut nyo wow ompö pich cho kisyonchï Tororöt kïsïch kighanat.

RUMI 16:1

Omökan oporwokwa cheptönyo Poipe nyo pöghisyechini nyo pïchigh kanisa Kenkrea.

1 KORINTO 10:33

Akara kegh nko ani, ompöwölo komukyan agh pich löwïr kïngörekyö ompö kïgh anka tïkwïl nyo oghan, amelö ompö tösunötenyan kegh, wölo tösunöto pikö walaka atökesörï chane.

1 KORINTO 16:3

Otini katwan korenkwa, oyontonan pich ompö kwenunkwa cho okïlekwa, kwip palalaltin nko ropöwekwa kutang Yerusalem.

1 KORINTO 3:10

Kyamukan otor teksyo köyoni ompö owesyo Tororöt, nyo kighanïn ompö pöropchenyi alïkwï tekin nyo le tïngan, kïtek chitö anka parakuto kitorutyonini. Wölo nya kuros chi anka tïkwïl wölo tektoy parakunyi.

1 KORINTO 4:15

Ompöwölo kïrkegh kotïngetekwa kintöghoghï cho möngörï ompö otöptönkwa nyo pö Kristo, kïmelö otïngetekwa papotïn cho chang. Ompöwölo alïkwan paponkwa ompö Kristo Yeso ompö ara Lökoy cho Karamach.

2 KORINTO 10:12

Melö kimukyinecha keghöy kegh anta kikongityö kegh nko pich cho syolöy kegh. Pich cho ighöy kipimöwontengwa akukongityö kegh chane nko chane kegh, mötïngcha chane sïkunöt!

2 KORINTO 10:18

Ompöwölo chi nyo kïchömöy, kïmelö nyo sölöy kegh nyinte poto nyo sölöy Echotyon.

2 KORINTO 10:8

Ompöwölo melö ololïyonan, kïrkegh kömwoghöy pikö walaka lö kokwolön kegh tya, ompö owesyö nyo kikonecha Echotyon owesyö nyo tekokwa melö nyo rultoyokwa kïrkegh kïlenyoni, kïmelö ololïyonan.

2 KORINTO 12:11

Kalïkwan so sölwö? Wölo akwa choni kochikwanïn, kötömïchinokwa ompö asalanïn. Ompöwölo, kïrkegh kömelö ochan kïgh, wölo melö ochan apteghate tya kïtïl choni okuronekwa, “kiyoktoghï cho echön.”

2 KORINTO 12:19

Töptoy olentekwa kïmitecha keghetöy kegh nko nyete le ye ompö tawunkwa! Wölo kïmwoghocha ngalechoni tawu Tororöt otini kakeghömecha nko Kristo akï kïgh anka tïkwïl nyo kighecha chamankachu, keghecha atökungarakakwa.

2 KORINTO 2:17

Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.

2 KORINTO 5:12

Molenchï kegh kakimukyicha ngat keporï kegh ompö tawunkwa, wölo kïmökecha keporwokwa kïgh nyo keghecha kekwolenö kegh akwa, atömanyïl amuch owöghökyï pich cho kwolo kegh otöptöngwa nyo pö sany tya kïtïl wölo lata ompö mïkulöwekwa.