2 KORINTO 2:17 - PIPÏLIA

¹⁷ Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.

2 KORINTO 2:17 ပူးပေါင်းရင်းမြစ်များ

YEREMIA 5:31

otï kangor werkoy ngala putintön, kïrïp tïsï lenyini kamwa werkoy, akurosyini kegh piköchan lö kiten nyoman ngalechoni! Oghekwa ne ato itïta sörömu ngalechoni?”

MATAYO 24:24

Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

IGHISYEWUT 20:20

onkïtökwa lö möminye ngölyon anka tïkwïl nyo kimuköy kungörokokwa nyo kyachïchukan momwowokwa, wölo kyanetakwa, ompö tawu pich nko ompö kestonikwo tïkwïl.

IGHISYEWUT 20:27

Ompöwölo kyomwowokwa ngal lapay cho mököy Tororöt.

1 KORINTO 5:8

Kyama nyu ichonto Pasakenyo, amökyam nko makatyan nyo kaketö mumara köny cho pö ngokï nko ghöyityö, wölo nko makatyan nyo puryö mumar, nyoni kï makatyanta tïlilyö nko man.

2 KORINTO 1:12

Kïkwolecha kegh ompöwölo söwintönchini mïkulöwecha lö, kakemangacha ompö tïlilyö nko kitenat, mïr tya atanya kimitecha nka akwa. Melö kintöghoghwecha ngöghomnyo ptangengmöt kïpoto pöropcho Tororöt.

2 KORINTO 1:18

Melö, “Owöy,” nko “Ewo,” ngala cho kïmwowucha akwa kïle wölini ghanate Tororöt nyo mötïny.

2 KORINTO 11:11

Ekwompö ne köny tomwoghan lenyoni? Kamwaghan so lenyoni ompöwölo mochömokwanye? Nkït Tororöt lö ochömokwa.

2 KORINTO 12:19

Töptoy olentekwa kïmitecha keghetöy kegh nko nyete le ye ompö tawunkwa! Wölo kïmwoghocha ngalechoni tawu Tororöt otini kakeghömecha nko Kristo akï kïgh anka tïkwïl nyo kighecha chamankachu, keghecha atökungarakakwa.

2 KORINTO 4:2

Kakïpïstecha ngala arasï löwïr cho wïngote. Melö tökepöghisyeghocha lïs anta kïpöghisyeghö ngölyonto Tororöt ompö putintön. Kiportocha man otini kighecha man atöketönöcha sïkunöto chi anka tïkwïl kurwokyecha ompö tawu Tororöt.

2 KORINTO 6:7

ompö amtaghtancha nyo pö man nko ompö owesyo Tororöt. Lïku man karicha cho kïporyegho akeripo kegh ompö ewu tagh nko nyo pö löt.

KALATIA 1:6

Kotöngönchokwa otï kapenyakwa lawel nyinte nyini kikurchokwa pöropcho Kristo, arïp lökoye walaka cho sis.

1 TESALONIKE 2:4

Wölo kïngalanacha kokay kïrïp kegh nko machata Tororöt, ompöwölo kichamecha nyinte akughönwecha Lökoy cho Karamach. Molenchï kegh kïmitecha keghöy tïkwïn cho mököy pich, wölo cho mököy Tororöt keghecha, nyinte nyo nkït mïkulöwecha.

TITO 1:11

Mïchini ketagha chane kïngalan, ompöwölo köpechï kïwaghach pipö keston kïmïkul ompö tïkwïn cho melö kömïchini kunetöy atökïsïch ropïyeni arasï.

EPRANIA 11:27

Kigh kighanata Musa kïwuwö koro Misri, amewaghnye nörekyo pöytoghin amamlanye lötï, ompöwölo kilata chi nyo kisïwïyi Tororöt nyo mösïwïyinye chi.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.

1 YOANA 4:1

Chamankachu, maghan ngala chi kïtïkon nyo lentöy otïngetö Mïkulöwu Tororöt, wölo arosa lasiny tasïwena lö mïkulis ntöghoghchini chane kïpo man anta ewo. Ompöwölo chang werkoyi putintön cho kipestata kïlïtöy wop tïkwïl.

YUDA 1:4

Ompöwölo mi pich cho kilepï kegh kïlïtu kwenuncha cho mewöghöcha Tororöt, akïkwanykwany pich tömökïpköchïnye lasiny ngala pöropcho Tororötïncha akï töghöy pöytoghintenyo nyo le nyinte onkït akï Echotyontenyo Yeso Kristo. Ighöy chane lenyoni atökïnyorï ortïn cho igho ngalekwa cho ghach. Wölo kikikïngor Kikirut otini le könyisyok kirwok nyo nyoru pïchoni.

NGONGUT 12:9

Ketyorchï sany ntaranoni wow. Nyinte kï moroyonanya pö köny kikuro, Onyöt anta Oyin, nyanye kigh pipö ngwïny kïmïkul kwigh ngokï. Kikityorï nyinte kungwïn ngwïny nko malaykenichi löwïr.

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

NGONGUT 2:20

Wölo otïngetan ngölyon ompö nyi: iterchinenyi kokonï le Yesepel ighöy kegh lö ochï werkoyon. Kunet mötworichan kipotöt, kwigh cheporesnan akwam omisyewut cho kïropchini körkeyïntin.