2 KORINTO 11:26 - PIPÏLIA

²⁶ Kyomitan tapan kïnomnyö nyo pö puser pö lalwatïn nko tapanpa chelölos nko nyo pö piköchan pipö Yaudi nko nyo pö pipö punton. Kyosïkan tapan kanastin nko wölo le surkwen nko wölo le nanam, anyorunö tapan kongot cho le putï!

2 KORINTO 11:26 ပူးပေါင်းရင်းမြစ်များ

IGHISYEWUT 13:45

Kïkany kïsïwa pipö Yaudi nyoryotïnechay kwipö pïchay sikong. Kïtiyö ngal cho kimwa Paulö akumwoghsyö.

IGHISYEWUT 13:50

Wölo kuwulyö pipö Yaudi pipö kanasyantanay cho echön nko kor cho pö punton cho ororöch cho kisoghöy Tororöt. Kutor kïghapghap Paulö nko Parnapa akïyona chane korengwa.

IGHISYEWUT 14:19

Kïpkana pipö Yaudi walaka kanastina Antiokia nko Ikonio, kwigh nyoryonay kïrïp ngalekwa, kïpechï kïwir Paulö akuchut kïngeta kanasyantanay kunonöy lö kima.

IGHISYEWUT 14:5

Atolapay kuchumï poryot nyo kikïporyeghö kiyoktoghï, poryot nyo kingetï pipö punton nko Yaudi, kïmi nko kintöghoghikwa akïghapghap akïwira chane koghïn.

IGHISYEWUT 15:40

Otini kitomönye kïwö Paulö, kïkïl Sila kïpa tïkwïl, Atolapay kutö kighönï ripöto Echotyon nko pöropchenyi.

IGHISYEWUT 17:13

Wölo nyini kilïm pipö Yaudi cho pö Tesalonike lö kiwö Paulö kwamta ngölyonto Tororöt ompö Perea tïkwïl, kïpa wölini akutor kïwïkï pich kïsyal.

IGHISYEWUT 17:5

Wölo kïnyonyintön pipö Yaudi, ompöwölo kirïp pich cho chang Paulö nko Sila, kïghamït pich cho kile katurök ompö ortïna kanasyan. Atolapay kunget syala ompö kanasyantanay kïmïkul, akïpa kupokyï kö pö Yason, kïmököy lö tökïnyorï Paulö nko Sila atökumïtï chane wölo mi pipö kanasyan atökerwokï.

IGHISYEWUT 18:12

Nyini kilïkwï Kalio kirwokinto Akaya, kïngetytï pipö Yaudi Paulö akumït tawu Kalio tökerwokï

IGHISYEWUT 19:1

Otini kimito Apolo Korinto, kïrutö Paulö kuwerata mösopit kwen, ntökwitïta Epeso. Kïnyorchï wöloni kighönï walaka cho te,

IGHISYEWUT 19:23

Kitï osiswechoni nyarïl nyo wow ompö Epeso ompö ngala pipö Echotyon.

IGHISYEWUT 20:19

lö kyopöghisyan le mötworinto Echotyon, ompö rïngata kegh nko ompö lok cho chang nko työmut cho kyosïkan lïsata pipö Yaudi,

IGHISYEWUT 20:3

akumpur wöloni aro sömök. Otini kimi kïnöpöy kegh tökïwö koro Sirya ompö ara nanam kunkït lö, mi pipö Yaudi kitötöy kïpar nyinte! Kïlenyona kïmach kïmïla ngat kuwerata Makedonia.

IGHISYEWUT 23:10

Kïwowit kimölötonay tya ntökuwöghisyö yetïnay lö, töptoy pöröy tuyononi Paulö. Kïlenyona, kïmwochï askarinechi lö, oröytenö ape amïtuna Paulö, kungwïna kwenungwa, amït nyinte kïwö kö pö soch.

IGHISYEWUT 25:3

mïtwecha Paulö kungwïn Yerusalem, ompöwölo kökikïtat kusyep nyinte ara or atökïpar.

IGHISYEWUT 27:42

Kïmach askarinechay kïpar pïchay rötote löwïr, atömötöp tökïchïwït nyo le ompö akonga otini lentöy owegho pögh atoghyö sörömu nanam.

RUMI 15:19

nko ompö owesyo kiporut nko töngönchintin nko ompö owesyo Mïkulögh nyo Tïlil. Kïlenyona ompö westoghtanyan kïngeta Yerusalem ntökwit Iluriko. Kyamtan Lökoyechoni Karamach pö Kristo.

RUMI 8:35

Ekï ngo nyu nyo muköy kupesyecha nko chomnyo Kristo? Muköy nyarïl anta kömpölelyö anta kichopata kong anta kikar anta meywontön anta tapan anta meghatï?

1 KORINTO 15:30

Akï ne nyo kawasecha, töketönö kegh tapan ompö sa anka tïkwïl?

1 KORINTO 15:32

Ntö kipö ptangengmöt kerötenyan, kötö kwïle poryenyan nko tïpö wudïn cho köromöch ompö wölete le Epeso. Ato metutucha pich cho kimeghö, kïlenyona le nyay kïlentöy, “Kyomisyenö nyu akegheghsyö, ompöwölo kïmeghsot asïyech.”

2 KORINTO 11:32

Kyomitan Damaska akimi chi nyo kiripöy kanasyantanoni nyo kile pröyönto Areta wowïnto korononi. Kitö wowïnoni chichoni kïrip kanasyantanoni atökïnamanïn.

KALATIA 2:4

kïrkegh kimito pikö walaka cho kigh kegh lö, kïchï kighonï akwanyï kichö ghotï chane. Kipka pïchoni kunkïtï kityakat nyo kikïtïngetecha ompö nyoryencha nko Kristo* Yeso kïmach chane kwighecha sekey,