2 KORINTO 11:23 - PIPÏLIA

²³ Mötwori Kristo so chane? Ochan tïkwïl, angölonan lenyoni le chepoyï, lö ochan mötworinto Kristo kïtïl chane! Kaghan ighisyö nyo aghïgh tya, kikïtorchanïn chela kïnyïl cho chang tya akemungenanïn syaritin kïnyïl cho chang tya. Kyachïwïtan meghat kïnyïl cho chang.

2 KORINTO 11:23 ပူးပေါင်းရင်းမြစ်များ

YEREMIA 36:5

Atolapay olenchan Paruk, “Melö tökechömwanïn ngat olït Kö pö Tororöt.

IGHISYEWUT 14:19

Kïpkana pipö Yaudi walaka kanastina Antiokia nko Ikonio, kwigh nyoryonay kïrïp ngalekwa, kïpechï kïwir Paulö akuchut kïngeta kanasyantanay kunonöy lö kima.

IGHISYEWUT 20:23

Kïpoto onkït nyo porwanïn Mïkulögh nyo Tïlil lö könyanïn rata nko kömpölelyö ompö kanasyan anka tïkwïl.

IGHISYEWUT 21:11

Nyini kitï wölini kikïmïtecha, kïcheng angwa Paulö nyo kiröto mu, kïrata kelyechi nko morichi akïlö, “Mwoghöy Mïkulögh nyo Tïlil lö, ‘Rötöy pipö Yaudi chichï pö angwanï pö mu le nyete ompö Yerusalem, akwonkoghchï pipö punton.’ ”

IGHISYEWUT 25:14

Kïkany kïtïpï wölini osis cho chang, kïmwochï Pesto pöytoghintonay ngalechay pö Paulö. Kïmwochï lö, “Mi chi yi nyo kipïstö Peliki kïratate.

IGHISYEWUT 27:1

Kïkany kemut ngal lö mïchinecha kepe ketanga koro Talyan, ketö Paulö nko pikö walaka cho kirötote mori yetïn pö askarin nyo kipö lïko Aukusto nyo kikuro Yulio.

IGHISYEWUT 28:16

Nyini kikitacha Rumi, kepïsï Paulö kïtöpö onkït nko askaryon nyo kiripöy nyinte.

IGHISYEWUT 28:30

Kïmang Paulö könyis odeny kö nyo kighoktoy nyinte, akïtach pich lapay cho kipka kuros nyinte.

IGHISYEWUT 9:16

Ompöwölo oporchinan nyinte tïkwïn lapay cho mïchini kïsïkö nyinte nyarïl ompö kaynenyan.”

RUMI 8:36

Kïle wölo mwoghöy Kikirut lö, “Kïmitecha körköryo meghat kwimön ompö nyi kikongityonecha nko kechir cho kïpetöy keyengöy.”

1 KORINTO 15:10

Wölo kalïkwan le wölo alatan ompö pöropcho Tororöt, amelö kikonanïn nyinte poropchenyi kwïle, wölo kyopöghisyan tya kïtïl chi anka tïkwïl ompö chane löwïr wölo melö ani, wölo pöropcho Tororöt nyo pöghisïyi nko ani.

1 KORINTO 3:5

Ngo Apolo nya? Kï ngo Paulö? Kichicha mötwori Tororöt cho kipkokwa ngala kighanat, lenyini kitö ighöy chi anka tïkwïl ompö acha ighisyö nyo ketö Echotyon nyinte.

1 KORINTO 4:1

Nya kuyitecha chi lö kichicha mötwori Kristo akechï komöni wïngut pö Tororöt.

1 KORINTO 4:11

Amatecha kömöy nko maral ye, kïchicha chïrutöch, akemungecha. Melö kïtïngetecha wölo kïmöngöy.

1 KORINTO 4:9

Olentan keghecha Tororöt chï kïchï kiyoktoghï kelïkuna cho pö löt, le pich cho kikerwokyï ketïgh akeghech kelïkuna pich cho topönöy ngwïny kïmïkul nko malayken nko pich.

2 KORINTO 10:7

Orosekwa tïkwïn okumpö sany kïpoto. Ekïmi kwenunkwa chi nyo nonöy lö ochï chi pö Kristo nya? Nya kunonchï kegh lö, kïchicha tïkwïl pipö Kristo le wölo lata nyinte.

2 KORINTO 11:5

Molenchï kegh ochan mïnïng tya kïtïl pïchoni lentöy kïchï, “Kiyoktoghï cho echön.”

2 KORINTO 3:6

ompöwölo nyinte nyo kighecha kemuka kepöghisyechinö muma nyo rel, muma nyo melö pö kirurut cho kikikir, wölo nyo pö Mïkulögh. Ompöwölo ipu meghat kirurut cho kirote, wölo ipu Mïkulögh söpon.

2 KORINTO 4:11

Kïmitecha tapanpa meghat ompöwölo kighönecha Yeso kïnomnyö, atökumï söpontanyi tïkwïl kïrumteghö porwöyicha cho wonyot.

2 KORINTO 6:9

Kïlatecha pich cho mörumucha akwanyï nkïtecha pich tïkwïl, kïlatecha pich cho kimeghö, wölo kïchicha söpchote lasiny kïle otini osïwïyekwa, kïlatecha pich cho kichopöy kong, wölo tomönye keparecha.

KALATIA 6:17

Owonytonan ye nyu lö, makanya kususanïn chi ngat, ompöwölo poru perutöy cho mi portönyan lö ochan sekeyonto Yeso.

EPESO 3:1

Nka nyï ochan ani Paulö, ratana Kristo* Yeso ompö parakunkwa, pipö punton.

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

EPESO 6:20

Ompöwölo alatan chi nyo ghyongchini ngaleko korenyi ompö kore anka, ompö Lökoy cho Karamach kïrkegh ochan ratate. Osoghwante atamuk angalan ompö nyakanat le otini mïchinanïn alïkwï.

PILIPI 1:13

Kïlenyona, kikunkïtï pich tïkwïl cho ripöy kö pö soch nko pikö walaka löwïr cho mi yete lö, ochan ratate ompöwölo opöghisyechinan Kristo.

PILIPI 2:17

Kïrkegh keparanïn, akepighchï kisönköchan parakuto kighanatenkwa nyo le amöros nyo kïropchini Tororöt, ongörökan nyoman oturönön nko akwa löwïr.

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

KOLOSAY 1:29

Kïlenyona omitan okilöy kegh opöghisïyi atökwighisyö ngalechoni. Opöghisyeghonan owesyö nyo wow nyo konanïn Kristo akwowesyononi nyo pöghisïyi ompö orinyan.

1 TESALONIKE 3:2

keyonucha wölo omitekwa werïncha Timoteo nyo kïpöghisïyi nko acha kwomtoy Lökoy cho Karamach cho pö Kristo,* kungwïn kukilokwa akïcherakwa ompö kighanatengwo

1 TIMOTEO 4:6

Ato inetanyi tupchenicho kinetutchï, ilïkunenyi mötworinto Kristo Yeso nyo karam, otini ipöghonyi kegh ngala kighanat nko kinetut pö man cho irïpenyi.

2 TIMOTEO 1:16

Nya kusyonchï Echotyon ka Onesiporo, ompöwölo kingarakanïn kïnyïl cho chang amölalïyannye ompöwölo kyomitan chela,

2 TIMOTEO 1:8

Kïlenyona melalïyan isöwintönchï Echotyontenyo, amelalïyan ompö ani nyo kikïtorchon chela ompö parakunyi. Wölo chengchinö kegh kareran nyo pö kiwongunöt ompö amtagh pö Lökoy cho Karamach, kïle wölini koninyi Tororöt owesyö.

2 TIMOTEO 2:9

Kowongwan ompöwölo kamtan Lökoy cho Karamach, akeratan le chi nyo le rïmin. Wölo melö ratate ngölyonto Tororöt.

2 TIMOTEO 3:11

Kinkïtunyi tïkwïl wölo kikichoptanïn kong owongwï, ainkïtönyi ngalechanye löwïr kipkonchanïn ompö okumpö Antiokia, Ikonio nko Lustra. Akï ngwonïn nyo tya nyaye kyakamaghan. Wölo kisörunenanïn Echotyon choni lapay.

PILEMON 1:9

Wölo ompö chomnyogh, kasïwan lö mïchini osominyi lö ighwante kïyoni. Kosomön lenyoni kïrkegh kochan ante Paulö, ngöloninto Kristo Yeso akï nyo omi ye chela akwompö parakunyi.

EPRANIA 10:34

Kyaghamakwa nyarïl nko pich cho kikïrat. Otini kimasenokwa pich tïkukwo, opïstekwa ompö ngörekyö, ompöwölo kyonkïtökwa lö, otïngetekwa tïkwïn cho karamach tya ompö yïm akï tïkwïn cho tïpiyot kokay.