2 KORINTO 11:22 - PIPÏLIA

²² Pipö Eprania so chane? Ochan tïkwïl. Pipö Israel so chane? Ochan tïkwïl. Pipö ara Apraam so chane? Ochan tïkwïl.

2 KORINTO 11:22 ပူးပေါင်းရင်းမြစ်များ

2 OTÖPTINO OSIS 20:7

Ayo möminye so Tororöt nyo kiyon pich cho kipö koronï otini kilïtu pipö Israel koronetenyi,” aitönönyi pipö ara kö pö kongengu Apraam kïlïkwï nyingwa kokay.

WUWÖT 10:3

Kïwö Musa nko Aron wölo mi Parao akïlenchï, “Kölö ECHOTYON Tororöt pö Eprania, ‘Itöghenyi nko oyï su ate ipönyi kegh ngwïny ompö tawunyan? Pïstenö piköchan kïpa, atökïpöghisyeghwanïn.

WUWÖT 3:18

“Teröy chane kutingu, iwetenyi nko poyi Israel wölo mi pöytoghinto Misri alenchï, ‘Keporwecha kegh ECHOTYON Tororöt nyo pö Eprania, kïlenyona kïsomechanyi pïstecha kepe rutogh nyo pö osis sömök wölnö le surkwen, atöketönöcha ECHOTYON Tororötïncha amöros.’

WUWÖT 5:3

Kïlö chane, “Keporwecha kegh Tororöt pö Eprania, kïsomechanyi pïstecha kepe rutogh nyo pö osis sömök wölnö le surkwen, atöketönöcha ECHOTYON Tororötïncha amöros, atömöparenecha sömew anta chok.”

WUWÖT 7:16

Ailenchï nyinte, ‘Keyokwanïn ECHOTYON Tororöt pö Eprania, wölo imitenyi akïlö, Nya kïpa piköchan, atökïpöghisyeghwanïn ompö surkwen. Wölo tomönye ighanyi lenyoni.’

WUWÖT 9:1

Kïlenchï ECHOTYON Musa, “Wïyö wölo mi Parao ailenchï kölö ECHOTYON, Tororöt pö Eprania, ‘Nya kïpa piköchan atökïpöghisyeghwanïn.

WUWÖT 9:13

Kïlenchï ECHOTYON Musa, “Ngeta asïyech tökwoghö aiwö ilenchï Parao, kölö ECHOTYON, Tororöt pö Eprania, ‘Nya kïpa piköchan atökïpöghisyeghwanïn.

MATAYO 3:9

amolenchï kegh, möminye kïgh nyo omekwa, ompöwölo olentekwa, kïchï monïngo Apraam. Omwowokwa nyoman lö, muköy Tororöt kwighöy koghichete kilïkwï monïngo Apraam!

IGHISYEWUT 22:3

“Ochan chi pö Yaudi, nyo pö kanasyanta Tarso ompö Kilikia, wölo kyanaran kanasyantanete pö Yerusalem akinetanïn Kamaliel. Kikinetanïn lasiny wölo töptoy kirurutko kukötinecho, akyochöman Tororöt le wölo alatekwa tïkwïl nyete le ye.

IGHISYEWUT 6:1

Akwompö osiswechoni ato kimi kïtösisyot kighönï, kïngwïrngwïronchï pipö Yaudi cho kingölonöy kuti pipö Krik pipö Yaudi walaka, ompöwölo kimayangnye kutö mïsïktinekwa tïkwïn cho kinyoru kinomnyö.

RUMI 11:1

Otepan nyu lö, kitagh so Tororöt pikachi? Ewo! Ochan nyete le ani chi pö Israel, mompö Apraam, nyo pö ara Penchamen.

RUMI 9:4

Pipö Israel chane, cho kikïl Tororöt kïlïkwï monechi akïngongchï ororyenyi akwam nyinte mumen nko chane akutö Kirurutkachi. Kikunkïtï chane saghata man akï chane cho kitach kiyomisut pö Tororöt.

KALATIA 3:16

Kimwochï nyu Tororöt kiyomisutkachi Apraam nko yiyenyi. Melö mwoghöy Kikirut “yiyutkachi,” le ato kösïgh cho chang, wölo lentöy “yiyenyi,” nyo poru chi akonga, nyoni kï Kristo.

PILIPI 3:5

Kikïmutanïn ompö asispa mut nko sömök, ochan chi pö Israel ompö yïyö, apoyan ara Penchamen chi pö Eprania nyo kingwïna pipö Eprania kïngeta otini le apite. Akwompö kïröto kirurut, kï kyochan Parisayoni.*