2 KORINTO 11:13 - PIPÏLIA

¹³ Ompöwölo chane kï kiyoktoghi putintön. Ighöy kegh chane lö kïchï kiyoktoghi Kristo.

2 KORINTO 11:13 ပူးပေါင်းရင်းမြစ်များ

YEREMIA 23:16

Lentöy ECHOTYON Kimuktoghin, “Mater ngala werkoy cho mwowokwa ompöwölo konokwa kikönöt nyo pö kwïle. Mwowokwa sïwïyaghpa mötöwöyikwa opïn, melö pkono kutinyan, ani nyo ochï ECHOTYON.

YEREMIA 27:14

Mater ngala werkoy chona lenchinokwa, mopöghisyechï pöytoghinto Papilon ompöwölo putintön ngalechoni.

MATAYO 25:24

Wölo kungwïn mötworintonay kikitö talantayan akonga akïlö, ‘Echotyon, kyonkïtön lö ichinyi chi nyo aghïgh, ikösenyi pagh ompö wölo kimelechinyinye kïgh aighamïta wölo melö kilechinyi kösïgh.

IGHISYEWUT 15:1

Kipkana pich walaka okumpö Yudea kutöngwï Antiokia akutor kunet kighönï lö, “Ato mapekwanye tum le wölo mwoytoy kiyomisut pö Musa kïmösörwokanye Tororöt.”

IGHISYEWUT 15:24

Kakelïmacha lö kipka pich walaka cho kipegha wölo kïmitecha kïpka kususokwa akutö nïkisïn mïkuliskökwa ompö ngal cho kimwa chane akwanyï kimökïmwochichanye chane lenyoni.

IGHISYEWUT 20:30

Itu osiswö cho ngetöy pikökwa cho omitö tïkwïl kïmïröy putintön atökumït kighönï kïrïp chane.

RUMI 16:18

ompöwölo möpöghisyechinicha pich cho lata choni Kristo Echotyontenyo wölo pöghisyechini mutïnekwa. Lïsöy chane pich cho tomöcha kïnagh ortïn cho ghach ompö kïnkïno ngalekwa cho onyïn.

2 KORINTO 11:15

Kïlenyona nyu, molenchï kegh kïgh nyo pö töngönchin ato wöghökisyö mötworichi kïlïkwï mötwori man. Nyoru chane ato le söröm kïgh nyo mïchini, kïrïp kegh nko ighisyewutkökwa.

2 KORINTO 2:17

Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.

2 KORINTO 4:2

Kakïpïstecha ngala arasï löwïr cho wïngote. Melö tökepöghisyeghocha lïs anta kïpöghisyeghö ngölyonto Tororöt ompö putintön. Kiportocha man otini kighecha man atöketönöcha sïkunöto chi anka tïkwïl kurwokyecha ompö tawu Tororöt.

KALATIA 1:7

Wölo mömicha “Lökoy cho Karamach walaka.” Kamwaghan nyoman lenyoni, ompöwölo mi pikö walaka cho susokwa pich cho mököy kïwöghököy Lökoyechoni Karamach pö Kristo.

KALATIA 2:4

kïrkegh kimito pikö walaka cho kigh kegh lö, kïchï kighonï akwanyï kichö ghotï chane. Kipka pïchoni kunkïtï kityakat nyo kikïtïngetecha ompö nyoryencha nko Kristo* Yeso kïmach chane kwighecha sekey,

KALATIA 4:17

Mi pïchoni walaka kuporu lö sïngenokwa chane lasiny, wölo melö ompö machat nyo karam. Möchöy chane kupesyonanïn nko akwa atasïngenakwa nyu chane.

KALATIA 6:12

Pïchoni mököy kuporu kegh lö, kïchï karamach ompö ara por choni mököy kuchikyinokwa opete tum. Ighöy chane lenyoni ompö kïgh akonga kïpoto lö, tömökigheghchï chane ompö kimurtöwonto Kristo.

EPESO 4:14

Melö nyu tolïkunekwa ngat monïng cho kutöy yomöt anka tïkwïl kughegh wölnö nko wölnö nyo pö kinetut pö pich cho pöghisyegho kinetutkökwa ompö lïs atökwigh pikö walaka kupotyö.

PILIPI 3:18

Mi ngölyon nyo kyomwokwa kïnyïl cho chang, ayokyinan kegh omwoghöy ompö lok lö, mi pich cho chang cho poru otöptinekwa lö pung pö kimurtöwonto Kristo.

PILIPI 3:2

Oripenö kegh kukïdin pich cho ighöy ngal cho ghach, pich cho nömchini lat ngala mutata por.

KOLOSAY 2:4

Komwowokwa lenyoni tömemï chi kïlïsenak ngalechi kïrkegh kö onyïne lö ne.

KOLOSAY 2:8

Orip nyu kegh tömetönok chi ngöghöp ompö ngöghomnyenyi nyo le kwïle akï pö lïs akï, nyo ngwïno asïl pö ptangengmöt nko mïkulis cho pöytoy wölnö le mïröt melö ngwïno Kristo.

1 YOANA 2:18

Monechu, kikïrikwï osiswo söröm! Kikikemwowokwa lö itu Punyonto Kristo, akï nyete le ye kikwitï pung pö Kristo cho chang nyo kikenkïtucha ye lö kikïlekïtitu osiswo söröm.

1 YOANA 4:1

Chamankachu, maghan ngala chi kïtïkon nyo lentöy otïngetö Mïkulöwu Tororöt, wölo arosa lasiny tasïwena lö mïkulis ntöghoghchini chane kïpo man anta ewo. Ompöwölo chang werkoyi putintön cho kipestata kïlïtöy wop tïkwïl.

YUDA 1:4

Ompöwölo mi pich cho kilepï kegh kïlïtu kwenuncha cho mewöghöcha Tororöt, akïkwanykwany pich tömökïpköchïnye lasiny ngala pöropcho Tororötïncha akï töghöy pöytoghintenyo nyo le nyinte onkït akï Echotyontenyo Yeso Kristo. Ighöy chane lenyoni atökïnyorï ortïn cho igho ngalekwa cho ghach. Wölo kikikïngor Kikirut otini le könyisyok kirwok nyo nyoru pïchoni.

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

NGONGUT 2:2

“ ‘Onkïtön otöptöngu, ankïtön wölo inoghyeghtonyi kïlïkwï nko wölo imïkuköntonyi. Onkïtön lö itöghenyi pich cho le mwokïyis, aityömenyi cho ighöy kegh lö kïchï kiyoktoghï akwachï menkacha, akinkïtunyi lö putï chane!

NGONGUT 2:20

Wölo otïngetan ngölyon ompö nyi: iterchinenyi kokonï le Yesepel ighöy kegh lö ochï werkoyon. Kunet mötworichan kipotöt, kwigh cheporesnan akwam omisyewut cho kïropchini körkeyïntin.

NGONGUT 2:9

Onkïtön nyörilwokökwa nko chopatengu, wölo ichinyi sïkön, ankïtön ngalechoni ghach ngöloneninyi pich cho lentöy kïchï pipö Yaudi amenkacha, pö chane Onyöt!