2 KORINTO 10:14 - PIPÏLIA

¹⁴ Ompöwölo melö kïkwolecha kegh kïtïl owesyencha le ato melö kitunecha wöloni omitekwa, ompöwölo kikïnyaghacha kepkan ntöketï wöloni atökepkokwa Lökoy cho Karamach cho ngölono Kristo.

2 KORINTO 10:14 ပူးပေါင်းရင်းမြစ်များ

MARKO 1:1

Kitoröto Lökoy cho Karamach cho pö Yeso Kristo* Wero Tororöt

IGHISYEWUT 20:24

Wölo moyitanye lö kïgh söpenyan atamuk awany pöghisyö nyo kökonanïn Echotyon Yeso agh, nyoni kï kemwatïta Lökoy cho Karamach cho pö pöropcho Tororöt.

RUMI 1:16

Mololïyönchinanye Lökoy cho Karamach, ompöwölo nyoni kï owesyo Tororöt nyo söru pich löwïr cho ghönöy, pipö Yaudi nyo tagh nko pipö punton tïkwïl.

RUMI 16:25

Nya kesala ye nyu Tororöt. Muköy nyinte kuchïchim kighanatenkwa ompö Lökoy cho Karamach ngölono Yeso Kristo. Lökoy cho omtonan kïrïp kegh nko ngongut nyo pö man nyo kiwïngate ompö könyis cho chang cho kikuwer,

RUMI 2:16

Kïlenyona nyu, kïrïp kegh nko Lökoy cho Karamach omtonan lenye nyoni wölo lïku Asisoni rwokyini Tororöt, ompö Yeso Kristo,* pich ompö otöptinekwa cho wïngote.

1 KORINTO 2:10

Köngongwecha Tororöt tïkuchoni ompö ara Mïkulöwunyi. Ompöwölo sökosöy Mïkulögh tïkwïn löwïr cho pö Tororöt, kïrkegh ompö cho mi ori tya.

1 KORINTO 3:10

Kyamukan otor teksyo köyoni ompö owesyo Tororöt, nyo kighanïn ompö pöropchenyi alïkwï tekin nyo le tïngan, kïtek chitö anka parakuto kitorutyonini. Wölo nya kuros chi anka tïkwïl wölo tektoy parakunyi.

1 KORINTO 4:15

Ompöwölo kïrkegh kotïngetekwa kintöghoghï cho möngörï ompö otöptönkwa nyo pö Kristo, kïmelö otïngetekwa papotïn cho chang. Ompöwölo alïkwan paponkwa ompö Kristo Yeso ompö ara Lökoy cho Karamach.

2 KORINTO 2:12

Kyamtan Lökoy cho Karamach cho pö Kristo otini kyatan Troa. Kyonyorchan atoni kukat nyo yatate ompö ighisyo Echotyon.

2 KORINTO 4:4

Melö ghönöy chane ompöwölo körchini tororöt pö ngwïnyinï tuwïn pköchintöngwa, atömemï chane kïsïwa löpoyïn pö Lökoy cho Karamach cho pö töroryo Kristo* nyo le kïton pö Tororöt.

KOLOSAY 1:5

Ghyongo kighanatenkwa nko chomnyenkwa kikönöt nyo kikekomönwokwa ompö yïm. Kyalïmakwa ngala kikönötononi panto tagh atanya kikyomwokwa Lökoy cho Karamach cho pö man.

1 TIMOTEO 1:11

kïle wölo mwoghöy Lökoy cho Karamach cho pö Tororöt nyo töror akusoyönote. Akï lökoyechoni cho kikonanïn nyinte amwatïta.