2 KORINTO 1:22 - PIPÏLIA

²² Akutönecha machey nyo poru lö, kïchicha pikachi akutö Mïkulögh nyo Tïlil mïkulöwecha kelïkuna pikachi nyoman.

2 KORINTO 1:22 ပူးပေါင်းရင်းမြစ်များ

ESEKEL 9:4

akïlenchï, “Weratena kanasyanta Yerusalem kïmïkul, aitö machey tokochu chi anka tïkwïl nyo kasïwa nyo gha akusus ngalechï ghach kakigha kanasyan.”

YOANA 3:33

Akï chi nyo chömöy söwintönenyi, kukïniniot ompö nyoni lö pö man Tororöt.

YOANA 6:27

Mosïngo omisyö nyo wonyot, wölo asïngena omisyö nyo ghyongtoy ntökwitïta söpon pö kokay. Konokwa omisyononi Wero Chi nyo kakukïniniö Paponyi Tororöt akutö nyinte macheyunyi nyo pö chamat.”

RUMI 4:11

Kikïmut nyinte ato le löt, akïlïkwï mutatenyi machey nyo poru lö kikïtach Tororöt nyinte akuyityï man ompö kighanatenyi nyo kitïng kïtomö kïwö tum. Kïlenyona kilïkwï nyu Apraam papoto pich löwïr cho ghönöy Tororöt, kïrkegh möpetöy tum.

RUMI 8:23

Amelö tïkuchoni kikigh opïn cho chirsot, wölo kïmitecha chete le acha tïkwïl kichïr ompö orinyo, cho kïtïng Mïkulögh nyini le ropöwonto Tororöt nyo pö tagh, otini kïköngecha nyinte kwighecha kelïkuna monechi, akenyorï kityakatenyi.

RUMI 8:9

Wölo melö orïpekwa otöp nyo pö por, orïpekwa cho pö Mïkulögh, ato man lö möngöy Mïkulöwu Tororöt orinkwa. Anka tïkwïl nyo mötïngnye Mïkulöwu Kristo, kïmelö nyenyi chichoni.

2 KORINTO 5:5

Tororöt nyinte nyo kipï waghakatanoni akï nyinte nyo konecha Mïkulöwunyi kïlïku kikïniniogh pö tïkwïn cho tökïpkonöy cho kakïrorwecha nyinte.

EPESO 4:30

Orip kegh magh Mïkulögh nyo Tïlil nyo pö Tororöt kïnarek, ompöwölo nyinte kï macheypa Tororöt nyo poru lö ochikwa pikachi akukïniniot lö itu Asis ato tyokokwa Tororöt.

1 TESALONIKE 4:8

Kïlenyona nyu, chi anka tïkwïl nyo sösöy kinetutchoni, kïmelö katagh chi, wölo katagh Tororöt nyo konokwa Mïkulöwunyi nyo Tïlil.

2 TIMOTEO 2:19

Wölo metimtimonye kokay kitorötö nyo kitek nyinte Tororöt, akï nyo kikikirchï ngalechï lentöy, “Nkït Echotyon cho le chechi,” akïlö ngat, “Ato mi chi nyo lentöy ochï chi pö Echotyon, kuroko kïpïstö ighisyewut cho ghach.”

NGONGUT 2:17

“ ‘Ato itïng chi yitïn, ilïm ngal cho mwochini Mïkulögh kanisen! Otöninan chi nyo rïntoy kwomöy mana cho wïngote. Otöninan nyinte tïkwïl kogh nyo rel nyo kikikirchï kaynat nyo rel nyo menkïtnye chi anka kïpoto chichini onkït kitöni.’

NGONGUT 7:3

“Manyar ngwïny anta nanam anta ket ntökïtenö ketönöcha mötworiko Tororötïncha macheytin tokoch.”

NGONGUT 9:4

Kemwochï chane lö manyar sus anta ket anta kïgh anka tïkwïl nyo nyaril. Kïpoto pich opïn cho melö tïng macheyu Tororöt ompö tökochekwa.