2 KORINTO 1:19 - PIPÏLIA

¹⁹ Ompöwölo kyomwokwa ante nko Silpano nko Timoteo ngala Yeso Kristo, Wero Tororöt, ompö kwenunkwa amelö ki chi pö “Owöy,” nko “Ewo,” nyinte wölo, “Owöy” pö Tororöt nyinte kïtenö osis.

2 KORINTO 1:19 ပူးပေါင်းရင်းမြစ်များ

TUMWÖY 2:7

Lentöy pöytoghintö, “Omwotïtonan ngölyonto ECHOTYON, Kölenchanïn nyinte, ‘Ichinyi Werïnyan, ochan papongu nyo koyiyinyi ye.

WUWÖT 3:14

Kuyokyï Tororöt lö, “Ochan nyo Ochan. Mwochinö pipö Israel lö, ‘OCHAN nyo keyokwanïn wölo omitekwa.’

MATAYO 17:5

Otini kitökïngölonöy, kulum polta chane nyo rel akungwïna kut poltonini nyo kilö, “Werïnyan Anyï nyo le chamanenyan nyo ochömonan kegh nyoman atera ngalechi.”

MATAYO 24:35

Weröy yïmö nko ngwïny, wölo meweröcha nyonikïny ngalechan.

MATAYO 27:40

“Nyi nyay kilentöy ongongöy Kö pö Tororöt, atek ompö osis sömök! Sörune kegh airökunö kimurtöwon ato ichï Wero Tororöt!”

MATAYO 27:54

Otini kisïwa wowïn pö askarin nko pich cho kimi nko nyinte kïripöy Yeso wölo kirïngringtö ngwïnya nko ngalechini kighisyö, kuwöghisyö nyoman akïlö, “Kïlechï Wero Tororöt chichï nyoman!”

MATAYO 3:17

Atolapay kïlö kut nyo kingwïno yïm, “Werïnyan nyï nyo le chamanenyan, nyo ochömonan kegh nyinte tya.”

MATAYO 4:3

Kungwïnchï työmin akïlenchï, “Ato ichinyi Wero Tororöt, igh koghichï kïlïkwï makatin.”

MARKO 1:1

Kitoröto Lökoy cho Karamach cho pö Yeso Kristo* Wero Tororöt

LUKA 1:35

Kuyokyï malaykayantanay lö, “Ngwïnchininyi Mïkulögh nyo Tïlil akuwuro owesyo Tororöt nyo Töror Tya parakungu, kïlenyona monïngoni iyiyenyi kekuro nyo tïlil, Wero Tororöt.

YOANA 1:34

Kasïwan asöwintönan lö, nyinte kï Wero Tororöt.”

YOANA 1:49

Kuyokyï Natanael lö, “Konetin, ichinyi Wero Tororöt! Ichinyi pöytoghinto Israel!”

YOANA 19:7

Kïwöghokyï pïchay pö Yaudi lö, “Kïtïngetecha kirurut nyo ato kïrïp kïmïchini kïma, ompöwölo kegh lö ochï Wero Tororöt.”

YOANA 20:28

Kuyokyï Tomas nyinte lö, “Echotyontenyu aichï Tororötïnyu!”

YOANA 20:31

Wölo kakikir ngalechete atamukakwa aghana lö, Yeso kï Kristo* Wero Tororöt, akwoto aghanakwa, osïkekwa söpon ompö kaynenyi.

YOANA 3:16

Ompöwölo kicham Tororöt ngwïny nyoman ntökutö Werïnyi nyo le akonga, atömepot chi anka tïkwïl nyo ghönöy nyinte, wölo tökïsïch söpon pö kokay.

YOANA 6:69

Akakeghanacha ye akenkït lö ichinyi Nyo Tïlil nyo pö Tororöt.”

YOANA 8:58

Kuyokyï Yeso chane lö, “Omwowokwa nyoman lö, kïtomö keyï Apraam, ‘Omitan.’ ”

IGHISYEWUT 15:22

Atolapay kïnyoryö kiyoktoghï nko poy nko kighönï tïkwïl, akïchomnyechï kïkïl pikö walaka ompö chane cho kïyontoy kïpa kutang Antiokia kïmi nko Paulö nko Parnapa. Kïkïl Yudas nyo kikuro Parsapas nko Sila, pich odeny cho kitïng konyït nyo wow ompö cho kighönöy Yeso.

IGHISYEWUT 16:1

Kïrutö Paulö kutang Derpe nko Lustra wölo kimi kighönintö nyo kikuro Timoteo. Ki chi pö Yaudi kame akï nyo kikughan Kristo,* wölo ki chi pö Krik kwanta.

IGHISYEWUT 18:5

Nyini kituna Sila nko Timoteo Makedonia, kwamta Paulö kïtenö asis ngölyonto Yeso, akunetöy pipö Yaudi lö, Yeso nyinte nyo le Kristo.*

IGHISYEWUT 8:36

Akwotini kitökïpetöy chane ompö ara or kwitïta ato mi pögh, kïlö chichay, “Achï pögh. Ne nyo körtoy tömökipatisananïn nya?” [

IGHISYEWUT 9:20

Kïnyini lawel kïwö kori sowut akutor kwamta lökoyo Yeso lö, “Nyinte wero Tororöt kï.”

2 KORINTO 1:1

Kakirwan palalyantanï ante Paulö kiyoktoghinto* Kristo* Yeso ompö machata Tororöt nko tupchenyo Timoteo. Kikirchinecha palalyantanete akwa cho ochï kanisa Tororöt nyo mi Korinto nko pipö Tororöt cho mi Akaya kïmïkul.

1 TESALONIKE 1:1

Kakirwan palalyantanï ante Paulö nko Silpano nko Timoteo. Kikirchinecha pipö kanisa cho mi Tesalonike cho pö Papo Tororöt Akï Pö Echotyon Yeso Kristo.* Nya kïtöpö nko akwa pöropchö nko kalya.

2 TESALONIKE 1:1

Kakirwan palalyantanï ante Paulö nko Silpano nko Timoteo. Kikirchinecha kanisa Tesalonike cho chane kï piko Paponyo Tororöt akï Echotyon Yeso Kristo.

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

EPRANIA 1:11

Weröy choni, wölo itöponenyi kokay, wïrsot löwïr le sïra.

EPRANIA 13:8

Karkegh Yeso Kristo* omötu nko ye nko kokay.

1 PETRO 5:12

Kingarakanïn werïnyo Silpano nyo onkïtön, aghönan, akir palalyantanete tangogh. Kakirwakwa atosïkö mïkulögh, asöwintönchï lö, nyete kï pöropcho Tororöt nyo pö man. Oghyongö nyu, achïchïm ompö pöropchononi.

2 PETRO 1:17

Kikïmitecha wölini otini kitö Papo Tororöt nyinte konyït nko ororyö, ato kingwïnchï kut nyo kingwïno nyinte nyo Oror Tya kilö, “Anyï Werïnyan nyo le chamanenyan, nyinte nyoman ongörökinan!”

1 YOANA 1:3

Kïmicha kemwowokwa kïgh anka tïkwïl nyo kikïsïwecha akelïm, atamuka oghömenö nko acha ompö ghömïchö nyo kïtïngetecha nko Tororöt Papo nko Werïnyi Yeso Kristo.*

1 YOANA 5:20

Kinkïtöcha lö kikungwïn Wero Tororöt akïkonecha pköchin kenkïtunö Tororöt pö man. Kïmicha orito Tororöt pö man, akemi tïkwïl orito Werïnyi Yeso Kristo. Nyete nyu kï Tororöt pö man, akï nyete nyo le söpon pö kokay.

2 YOANA 1:9

Chi anka tïkwïl nyo mïröy sany, amörïpöy kinetut pö Kristo, kïmötïngnye Tororöt. Kïkany nyo rïpöy kinetutchoni kïtïng chane kwodeny, Papo nko Weri.

NGONGUT 1:11

nyo kilentöy, “Kirchinö kitapï ngal cho isïwïyenyi aipchï kanisenichay le mut nko odeny, kanisa: Epeso nko Smurna nko Perkamo nko Tuatira nko Sardis nko Piladelpia nko Laodikea.”

NGONGUT 1:17

Otini kyasïwan nyinte, opïtyan kelyechi le chi nyo kima. Kukanaghanïn ewunyi nyo pö tagh akïlö, “Mewöghisïyi! Ochan nyo pö tagh achï nyo pö löt.

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

NGONGUT 2:18

“Kirchinö malaykayanta kanisa Tuatira lö, ‘Anyï ngölyon nyo ngwïno wölo mi Wero Tororöt nyo lata konyichi lyopöto ma akïlata kelyechi tay nyo kikïsit nyoman.