2 KORINTO 1:12 - PIPÏLIA

¹² Kïkwolecha kegh ompöwölo söwintönchini mïkulöwecha lö, kakemangacha ompö tïlilyö nko kitenat, mïr tya atanya kimitecha nka akwa. Melö kintöghoghwecha ngöghomnyo ptangengmöt kïpoto pöropcho Tororöt.

2 KORINTO 1:12 ပူးပေါင်းရင်းမြစ်များ

2 SAMWEL 22:22

Karïpan ara ECHOTYON amelö kopïstan Tororötïnyan.

AYUPU 13:15

Ato paranïn nyinte, kïparanïn ne nyo kötötokönan, wölo kïrkegh kölenyoni oghetan kegh ongölonöy ompö tawunyi.

ISAYA 38:3

“Inan, we ECHOTYON lö kyopöghisyewunyi ompö kighanat nko ompö terchin, akyomukyan kïnomnyö agh kïgh anka tïkwïl nyo kimököy oghan.” Atolapay kïrir tya ompö ngwonïn.

IGHISYEWUT 23:1

Kuchirchï kong Paulö pïchay mi Kokwö* akïlö, “Tupchenichu! Möwiranïnye choghïn nyo gha ompö tawu Tororöt ompö nyete le asisete.”

IGHISYEWUT 24:16

Kïlenyona, omökan okil kegh kïnomnyö ompö ngölyontonï otöpö nko kinetat nyo tenate ompö tawu Tororöt nko nyo pö pich.

RUMI 9:1

Omwoghan man lö kyolinyan nko Kristo,* amomïranye put. Porwanïn tïkwïl lenyoni choghïntanyan ompö Mïkulögh nyo Tïlil.

1 KORINTO 1:17

Melö kiyoktanïn Kristo apatisan pich, wölo kiyonwanïn nyinte amta Lökoy cho Karamach amelö ompö ngöghomnyo ptangengmöt, atömepot owesyo megha Kristo ompö kimurtöwon.

1 KORINTO 12:8

Töni Mïkulöwunoni chitö anka ngölyonto ngöghomnyö, kutö anka chïreryö kïle wölo möktoy Mïkulöwunoni.

1 KORINTO 15:10

Wölo kalïkwan le wölo alatan ompö pöropcho Tororöt, amelö kikonanïn nyinte poropchenyi kwïle, wölo kyopöghisyan tya kïtïl chi anka tïkwïl ompö chane löwïr wölo melö ani, wölo pöropcho Tororöt nyo pöghisïyi nko ani.

1 KORINTO 2:13

Kïlenyona, melö kinetecha ngal cho kikinetecha ompö ngöghomnyo ptangengmöt, wölo ngal cho kinetecha Mïkulögh, otini kïmitecha kenetöy ngala man cho pö mïkulögh ompö pich cho tïng Mïkulöwu Tororöt.

1 KORINTO 4:4

Molïmchinanye kegh choghïn nyonikïny ompö söpontönyan, wölo meporunye nyoni lö motïngetanye lelut. Echotyon onkït nyo rwokyinanïn.

1 KORINTO 5:8

Kyama nyu ichonto Pasakenyo, amökyam nko makatyan nyo kaketö mumara köny cho pö ngokï nko ghöyityö, wölo nko makatyan nyo puryö mumar, nyoni kï makatyanta tïlilyö nko man.

2 KORINTO 1:17

Olentekwa so kyochan chewoywoy atoni kyotötan lenyoni? Anta ononekwa nya lö, omutan ngalechu ompö kinonut pö ptangengmöt nyo mwoghöy pat lö, “Owöy, owöy,” nko “Ewo, ewo,” panini le akonga?

2 KORINTO 11:3

Wölo owöghan lö, le wölo kilïsta moroya Awa ompö ngöghomnyo putintönenyi, kumuköy kunyar kinonutkökwa ntopïstekwa kighanatengwo nyo pö man ompö Kristo.

2 KORINTO 2:17

Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.

2 KORINTO 4:2

Kakïpïstecha ngala arasï löwïr cho wïngote. Melö tökepöghisyeghocha lïs anta kïpöghisyeghö ngölyonto Tororöt ompö putintön. Kiportocha man otini kighecha man atöketönöcha sïkunöto chi anka tïkwïl kurwokyecha ompö tawu Tororöt.

2 KORINTO 8:8

Melö ochikyinokwa, wölo omökan oporu wölo kikiltö kegh pikö walaka kungörokisyö, atamukan nyu onkïtï lö ekïpö man kïtya chomnyenkwa.

KALATIA 6:4

Wölo mïchini kïtyam chi anka tïkwïl otöptanyi. Ato karam, kïkwol nyu kegh ompö kïyoni kimï nyinte kwigh, wölo merokonye kïlïkwï nyoni kïgh nyo kongityot nyinte kegh nko chitö anka.

EPESO 6:14

Kïlenyona otïpinö kïpsach, akichena kegh man le angwa mu, alak tïliyö le alakam,

PILIPI 1:10

atamuka agha tïkwïn cho karamch alïkwï pich cho tïlilöch cho puryö kigheghchin otinö kamïla Kristo.

1 TESALONIKE 2:10

Ochikwa söwï nko Tororöt tïkwïl nyo pö wölo kikïtöptecha ompö kwenunkwa chona ochï ghönote, ki tïlil otöptöncha akitenate nyo kimötïngnye kigheghchin.

1 TIMOTEO 1:5

Keröte tamwaghan ngalechete, kï tökumuka angetnget ompö orinkwa chomnyogh nyo ngwïno mïkulögh nyo puryö lelut nko choghïn nyo karam nko kighanat nyo pö man.

TITO 2:7

akwompö kïgh anka tïkwïl lïkune körkeyïn nyo karam ompö chane. Iparta otöp nyo puryö lïsat ompö kinetatengu.

EPRANIA 13:18

Osoghwecha kïtïngetecha sïkunöt nyo karam ompö kïgh anka tïkwïl akepïrchinecha kegha nyo karam kïnomnyö.

YAKOPO 4:6

Wölo wow tya pöropchö nyo konu Tororöt, kïle wölay mwoghöy Kikirut lö, “Reyöy Tororöt pich cho le menot, wölo töni pöropchö pich cho tölose.”

YOSWÖ 24:14

Kïlenyona kïtas tagh Yoswö kïlö, “Okonyïtö ECHOTYON, apöghisyechï nyinte ompö mïkulögh nyo melö pö lïs nko ompö man, opïstenö tororötinechay kipöghisyechini papotïnekwa ompö koro Mesopotamiya nko ompö Misri, apöghisyechï ECHOTYON.

1 PETRO 3:16

Wölo omwochï lenyoni ompö tölosyö nko konyït. Orip lasiny totöpinö ompö choghïn nyo karam, nyo ato mwagha pich, kïlolïyonchö choni ngölono nyo gha otöptönkwa nyo karam le pipö Kristo.

1 PETRO 3:21

Kicheng ngalechoni körkeyïn pö kipatisanat nyo sörwokwa otï le ye ompö owesyo Kristo. Molenchï kegh kipatisanat kï kemwatïta sïmnyonto por, wölo ayomis nyo kïmwochini Tororöt ompö choghïn. Sörwokwa kipatisanata ompö kitutunöto Yeso Kristo,