2 KORINTO 1:10 - PIPÏLIA

¹⁰ Kisörunenecha nyinte meghat akekonecha lö tökïsörwecha nyinte ngat,

2 KORINTO 1:10 ပူးပေါင်းရင်းမြစ်များ

TUMWÖY 34:19

Nyoru chi pö man nyörilwok cho chang, wölo söruno ECHOTYON nyinte choni löwïr.

ISAYA 46:3

“Alïme ngalechan akwa pipö ara Yakopo akwa löwïr cho le ngötunön pö piköchan. Kyoripokwa kïngeta otini kikïyiyokwa.

DANIEL 3:17

Ato lïkwï nyoni kumuköy Tororötïncha nyo kïpöghisyechinecha kïsörwecha ompö mayoni ngwan lakat akïsörunenecha moriku, we pöytoghin.

DANIEL 6:16

Kïlenyona kïmwatïta pöytoghintö kenam Daniel akewirchï köpöno ngötuny. Atolapay kïlenchï, “Nya kungarakïn Tororötïngu nyo isoghöy kïtenö osis.”

IGHISYEWUT 26:21

Kinamanïn pipö Yaudi otini kyomitan Kö pö Tororöt,* ompöwölo kyamtan ngalechoni lenyoni, akumukyï kïtïghanïn.

RUMI 15:31

Osoghwante atachïwïta pich cho mi Yudea cho meghönöcha Yeso Kristo, asagha ngat atökïcham pipö Tororöt cho mi Yerusalem ighisyenyan.

2 KORINTO 1:9

Nyoman kikïlatecha pich cho kökikemutï kirwoko meghat. Kigha lenyoni atömökïtighecha kegh owesyenyo, wölo töketighenöcha kegh Tororöt nyo ighöy pich cho kimeghö kututï.

2 KORINTO 6:9

Kïlatecha pich cho mörumucha akwanyï nkïtecha pich tïkwïl, kïlatecha pich cho kimeghö, wölo kïchicha söpchote lasiny kïle otini osïwïyekwa, kïlatecha pich cho kichopöy kong, wölo tomönye keparecha.

1 TIMOTEO 4:10

Kinoghyonecha ompö pöghisyö anka tïkwïl nyoman ompöwölo kiketönöcha kikönötenyo wölo mi Tororöt nyo söpöy akï nyo le Ghetinto pich lapay, kï mïr tya pich cho kikughan.

2 TIMOTEO 4:17

Wölo kimi Echotyon nko ani akukilanïn, ntamukan amta Lökoy cho Karamach kïmïchï, atökïlïm pipö punton löwïr. Akisörunenanïn Echotyon kirwoko meghat lenye ato kïngwïsuna chi kuti ngötïny.

2 PETRO 2:9

Kïlenyona nyu Nkït Echotyon kïsöru pich cho wöghöy Tororöt kïngetunö työmutkökwa akunyaril kong pich cho ghach ntökwit asispa kirwok,

1 SAMWEL 17:37

“Sörunenanïn ECHOTYON mori chichï pö Pilisti, nyo kisörunenanïn sighoy pö ngotïny nko cho pö chepökerï.” Kïlenchï Saulö Daudi, “Winyi nyu, nya kungarakïn ECHOTYON!”

1 SAMWEL 7:12

Kïcheng Samwel kagh akïpölchï kwenu Mispa nko Syen. Kïkurö koghay Epeneser akïlö, “Kengarakecha ECHOTYON nko nyete le ye.”