1 YOANA 4:5 - PIPÏLIA

⁵ Ngölono werkoyichoni pö putintön ngala ngwïny, akïterchini chane pipö ngwïny ompöwölo pö chane ngwïny.

1 YOANA 4:5 ပူးပေါင်းရင်းမြစ်များ

TUMWÖY 17:4

Kolowitan kegh ortïna pich cho le pkatis, ompöwölo orïpan ngaleku.

YEREMIA 29:8

Anyï kïgh nyo omwowokwa ante ECHOTYON Kimuktoghin, Tororöt pö Israel lö oripö kegh: Makany kïlïsak werkoy nko chepsoköytin cho mi kwenunkwa cho lentöy kinkït kengoröy lö pïnï ne yi. Mater ompö ngala kirwotïtoghtinekwa,

YEREMIA 5:31

otï kangor werkoy ngala putintön, kïrïp tïsï lenyini kamwa werkoy, akurosyini kegh piköchan lö kiten nyoman ngalechoni! Oghekwa ne ato itïta sörömu ngalechoni?”

MIKA 2:11

Petöy pïchï kwomtotoy oy nko putintön kïlentöy Rotwokwa kumïn le pögh nko choni nyu piko cho kichomöy.

LUKA 16:8

“Otini kilïm, ngalechoni kïsal echotyontenyi kighyongtoghintonay ompö chïreryo lïs nyo kitïng. Ompöwölo chïreröch tya pipö ngwïnyinï ompö ortïnekwa kegh, kïtïl pipö löpoyïn.”

YOANA 17:14

Kyanetan chane ngaleku, kurey ngwïnya chane, ompöwölo möpöcha chane ngwïny, le wölini mopoyanye ngwïny.

YOANA 17:16

Möpöcha chane ngwïny melö oponan ngwïny.

YOANA 3:31

“Wow chichoni ngwïno yïm kïtïl pich löwïr, nyinte nyo pö ngwïny kïpö ngwïny akïngölonöy nyinte ngala ngwïny. Wow chi nyo ngwïno yïm kïtïl pich löwïr.

YOANA 8:23

Kuyokyï Yeso chane lö, “Opoyekwa wölete le ngwïny, oponan parak, opokwa ngwïnyinete, melö oponan ngwïnyinï.

2 TIMOTEO 4:3

Pkonöy osiswö cho mökïteröcha pich kinetut cho pö man, akïrïp pïrchintinekwa, akïghömïtï kegh konetï cho chang tya cho mwochini chane ngal cho chömöy yitikwa kïlïmöy.

NGONGUT 12:9

Ketyorchï sany ntaranoni wow. Nyinte kï moroyonanya pö köny kikuro, Onyöt anta Oyin, nyanye kigh pipö ngwïny kïmïkul kwigh ngokï. Kikityorï nyinte kungwïn ngwïny nko malaykenichi löwïr.