1 YOANA 3:5 - PIPÏLIA

⁵ Onkïtökwa lö kingwïn Kristo atökïngongoghta ngokicha, akï möminye ngokï orinyi.

1 YOANA 3:5 ပူးပေါင်းရင်းမြစ်များ

OSEA 14:2

Oyokyinö kegh ECHOTYON, asagha nyinte lö “Lastena ngokicha löwïr aitakech ompö pöropchö atökesalacha nyi ompö mïkulisköcha.

MATAYO 1:21

Yiyöy nyinte monïng nyo le weri, aikurenenyi nyinte Yeso, ompöwölo söruno nyinte pikachi ngokikwa.”

LUKA 23:41

Kirwokenyan nko nyengu kïpö man ompöwölo kikïnyorucha kïrïpata kegh nko ighisyewutköcho cho kikigh achane, wölo puryö kïgh nyo kilel chichï.”

LUKA 23:47

Kikany kïsïwa wowïnay pö askarin choni kighisyö, kïsal Tororöt akïlö, “Nyoman, kimötïngnye chichï lelut.”

YOANA 1:29

Kisïwa Yoana Yeso asista nyo kirïpöy kungwïnöy wölini kimi nyinte, kïmwochï pich lö, “Anyï Wawa Kecha Tororöt nyo ipöy ngokï ngwïny!

YOANA 1:31

Kimonkïtönye ante nyinte lö eki ngo, wölo kangwïnan apatisana pich pögh, atömanyïn kïrumteghö nyinte pipö Israel.”

YOANA 14:30

Melö tongölonan nko akwa ngat nyo kogh, ompöwölo mi pöytoghinto ngwïnyinï kungwïnöy, akïmötïngnye nyinte owesyö ompö ani,

YOANA 8:46

Ekunko köny chi nyo rwokyinanïn lö otïngetan ngokï? Kwato komwowokwa ngala man, kwompö ne tömaghanakwa?

2 KORINTO 5:21

Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

1 TIMOTEO 1:15

Pö man ngölyontonï akïmïchini kecham lasiny, lö kingwïn Kristo Yeso ngwïny atökïsörï mwokïyis akwani mwokïyonte nyo gha tya kïtïl pïchoni löwïr.

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

EPRANIA 1:3

Nyinte nyo le kwörkwöryö nyo pö ororyo Tororöt akï nyinte nyo le körkeyïn pö Tororöt tighöy tïkwïn löwïr ngölyontenyi nyo pö owesyö kiwö nyinte kïtöpunö ewu tagh nyo pö wowïn pö Tororöt otini kiwany kutïlilöy pich ompö ngokikwa.

EPRANIA 4:15

Ompöwölo kïtïngetecha Tïsin nyo Wow nyo muköy ntökungarakecha ompö nyörkölelyenyo, nka nyoni kikïtyam nyinte ompö or anka tïkwïl le acha, akimeghnye ngokï.

EPRANIA 7:26

Yeso nyu onkït nyo le Tïsin nyo Wow* nyo mïchinecha. Tïlil nyinte akïmötïngnye lelut anta ngokï ompö orinyi. Kikepesyö nyinte nko mwokïyis aketotegha kïwö yïm parak.

EPRANIA 9:26

Ntökilenyoni kitökichopöy kong Kristo kïngeta otini le towunöto ngwïny. Wölo ye otï karich osiswechï pö löt sörö, kuchumï nyinte kïnyïl akonga kïkonï kegh kïlïkwï amöros nyo löstoy ngoki pich.

EPRANIA 9:28

Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.

1 PETRO 1:18

Ompöwölo onkïtökwa lö, kityakenekwa Tororöt otöp nyo kimerokonye nyo kyosïkekwa papotïnekwo. Amolenchï kegh kikitykenekwa tïkwïn cho wïryot cho lata ropïyen anta koltin,

1 PETRO 1:20

Kikïl Tororöt nyinte otini kitomönye kwigh ngwïny, akïngongwï nyinte osiswechete pö söröm akwompö kinyiwutyenkwa.

1 PETRO 2:22

Kimeghnye nyinte ngokï nyonikïny, akimengwïna kutinyi putintön.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

1 YOANA 1:2

Akwotini kikïngongwï söpononi, kesïwecha akesöwintönchï, akemitecha kemwowokwa ngala söpon pö kokay nyo kimi nko Tororöt Papo akengongwï kesïwenacha.

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.

1 YOANA 2:1

Kakirwakwa ngalechï monechu kïle nyo wow ompö akwa, atömagh ngokï. Wölo ato igh chi ngokï, ketïngetecha kingörokin nyo ighöy man, Yeso Kristo* nyo ipöy soghutköcha wölo mi Papo.

1 YOANA 2:2

Akï nyinte kï tïsöwon nyo pö ngokicha, amelö tïsöwonto ngokicha opïn, wölo cho pö pich lapay.

1 YOANA 2:29

Kïle wölini onkïtökwa lö pö man Kristo, kïmïchini tïkwïl onkïtunökwa lö anka tïkwïl nyo ighöy man, kï mompö Tororöt.

1 YOANA 3:8

Kïkany anka tïkwïl nyo ighöy ngokï, kïpö Onyöt, ompöwölo kigh Onyötö ngokï kïngeta otini le towunöt. Kingwïn Wero Tororöt ngwïnyinete atökunyar pöghisyewut pö Onyöt.

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho